ହାତ ଘଣ୍ଟାର ବେଗକୁ ରୋକିବାକୁ ଚେଷ୍ଟା କରିଥିଲେ ହୁଏତ ନିରୋଦ ଘଣ୍ଟାର ବ୍ୟାଟେରୀ ଖୋଲି ଦେଇ ପାରିଥାନ୍ତା, ମାତ୍ର ତା ଦ୍ବାରା ସେ କଣ ସମୟକୁ ରୋକି ପାରିବ ? ଅଦୃଶ୍ୟ ଶକ୍ତି ଦ୍ବାରା ପରିଚାଳିତ ସମୟ ଆଗରେ ଏ କ୍ଷୁଦ୍ର ମନୁଷ୍ୟ ବା କେତେ ବଳଶାଳୀ । ପୃଥିବୀର ବୀର ବୀର ବ୍ୟକ୍ତିତ୍ବ ଯାହା ପାଖରେ ଆତ୍ମସମର୍ପଣ କରିଛନ୍ତି ନତୁବା ପରାସ୍ତ ହୋଇଛନ୍ତି, ତା ସାମ୍ନାରେ ନିଜ ଗାଁ ରେ ମଧ୍ଯ ସର୍ବପରିଚିତ ପାଇନଥିବା ଏ ନୀରୋଦ କିଏ?

ହଠାତ୍ ମୋବାଇଲ୍ ରିଙ୍ଗ୍ ହେବାରୁ ନୀରୋଦ ମୁଖରେ ବିରକ୍ତିର ସ୍ପଷ୍ଟ ଆଭାସ । ମାତ୍ର ସେ ତାକୁ ହେୟ ଜ୍ଞାନ ମଧ୍ୟ କରି ପାରିବ ନାହିଁ । ମଣିଷ ସଦା ସର୍ବଦା ନିଜ ମନର ମାଲିକ ହେବାରେ ଖୁସି ପାଇଥାଏ | ଅନ୍ୟ କାହାରି ଆଦେଶକୁ ବାଧ୍ଯ ବଧକତାରେ ପାଳନ କରି ଦାସତ୍ଵ ଗ୍ରହଣ କରିବାକୁ ସେ ସର୍ବଦା ନାରାଜ ଥାଏ । କିନ୍ତୁ ବୟସ ଆସି ୩୮ ଛୁଇଁଲାଣି । ଏଥ୍ ସହ ଉପରେ ତାର ବେରୋଜଗାରର ଭାର । କଲ୍ ରିସିଭ୍ କଲା କ୍ଷଣି ସେପଟୁ ଶୁଭିଲା - " ଆଜି ଦଶ ଘଟିକାରେ ଆପଣଙ୍କର ଇଣ୍ଟରଭୁ ଅଛି । ଯଥା ସମୟରେ ସମସ୍ତ ଡକ୍ୟୁମେଣ୍ଟ ସହ ଆସି ପହଞ୍ଚିବେ |” ଆଖରେ ଆଉ ବଳକା ନିଦ ନଥାଏ । ବହୁତ ଦିନ ହେଲାଣି ସେ ବହୁ କମ୍ପାନୀରେ ଖଣ୍ଡେ ଚାକିରି ପାଇଁ ଆବେଦନ କରିଚାଲିଛି । ବହୁ ଜାଗାରେ ଇଣ୍ଟରଭ୍ୟୁ ମଧ୍ଯ ଦେଲାଣି, ହେଲେ କୌଣସି ଥ୍ରେ ସେ କୃତକାର୍ଯ୍ୟ ହୋଇନାହିଁ | ଆଜି ହଠାତ୍ କଲ୍ ଶୁଣି ସେ ପ୍ରଥମେ ଜାଣି ପାରିନଥିଲା ଏ ଇଣ୍ଟରଭ୍ୟୁ କେଉଁ କମ୍ପାନୀର | କିଛି ସମୟ ଚିନ୍ତା କରିବା ପରେ ତାର ମନେ ପଡ଼ିଥିଲା ୧୫ ତାରିଖରେ କମ୍ପାନୀରେ ଥିବା ଇଣ୍ଟରଭ୍ୟୁ ପାଇଁ ସେ ଆବେଦନ କରିଥିଲା । ହେତୁ ହେବା ଦିନୁ ଗୋଟାଏ ସରକାରୀ ଚାକିରୀ କରିବା ନୀରୋଦ ର ଇଚ୍ଛା ଥିଲା । ସେଥ୍ ପାଇଁ ସେ ଯଥେଷ୍ଟ ପାରିଶ୍ରମ ମଧ୍ଯ କରିଛି I ମାତ୍ର ଦୁର୍ଭାଗ୍ୟ ବଶତଃ ତାକୁ ସରକାରୀ ଚାକିରିର ଆଶାକୁ ଭୁଲିବାକୁ ପଡ଼ିଛି । ଆଜିର ତୋ ସେ ଯଥା ସମ୍ଭବ ଦିନ ମଣିଷ ସୁଖର ସନ୍ଧାନରେ ଯେବେ ନିଜକୁ ବିନିଯୋଗ କରେ ସେତେବେଳେ ତା ଆଗରେ କେବଳ ଦିଶିଯାଏ ଟଙ୍କା, ଘର ଆଉ ଗାଡ଼ି I ଏସବୁ ଭୌତିକ ପାର୍ଥିବ ବସ୍ତୁ ହିଁ ତାକୁ ବର୍ତ୍ତମାନର ସମାଜରେ ସୁଖ ଦିଏ । ନୀରୋଦର ମଧ୍ଯ । ଏ ସବୁର ଆବଶ୍ୟକତା ରହିଛି I ସେଇଥ୍ ପାଇଁ ଚେଷ୍ଟା କରୁଛି, ଛି, ଚାକିରି ଟିଏ କରିବାର ଆଶା ନେଇ | ଇଣ୍ଟରଭ୍ୟୁର ଫଳାଫଳ ବାହାରିବାର ପଖେଇଆସୁଥାଏ । ନିଜର ପ୍ରଦର୍ଶନରେ ନୀରୋଦ ବହୁତ ପ୍ରୀତ ଥାଏ | ମନେ ମନେ ଭାବୁଥାଏ ଏଥରକ ସେ ନିଶ୍ଚିତ ଚାକିରୀ ଟା ପାଇଯିବ । ସତକୁ ସତ ବିରାଡ଼ି କପାଳକୁ ଶିକା ଛିଡ଼ିବା ପରି ସିଲେ ଲେକ୍ଟଡ୍ କେଣ୍ଡିଡେଟ୍ଙ୍କ ଲିଷ୍ଟରେ ନୀରୋଦ ନିଜ ନାମକୁ ଖୋଜି ପାଇଲା | ଏଥର ତାର ସବୁ ସମସ୍ୟାର ସମାଧାନ ହୋଇଯିବା । ଦରମାଟା ଅଧିକ ନହେଲେ ମଧ୍ୟ କିଛି ମାସ ବା ବର୍ଷ ପରେ ଗାଡ଼ି, ଘର ନିଶ୍ଚୟ ହୋଇଯିବ ।

ଏଥର ଆଉ ଫୋନ କଲ୍ କୁ ନୀରୋଦର ଅପେକ୍ଷା ନଥାଏ | ଏଥର ସେ ସମ୍ପୂର୍ଣ ହୋଇନଥିଲେ ମଧ୍ୟ ବହୁ ଭାବେ ନିଜକୁ ନିଜର ମାଲିକ କରିଦେଇଛି | ସକାଳର ନିଦ ଆଉ ଫୋନ କଲ୍ ଦୁଃଖ ଆଘାତ ପାଉନାହିଁ । ଏଥର ସେ ମୋବାଇଲ୍ କୁ ସିଆଇଲଏଣ୍ଟ ମୋଡ଼ ରେ ରଖ୍ ଦେଉଛି | ମାସ ଆଠ ନଅ ନ ଯାଉଣୁ ବାପା ଆସି ନୀରୋଦର ବିବାହ ସମ୍ପର୍କରେ ତାକୁ କହିଲେ I

ବୟସର ବଦ୍ଧିଷ୍ଣୁରେ ତାଙ୍କର କର୍ଭବ୍ୟର ସମ୍ପାଦନ ପାଇଁ ସେମାନେ ବ୍ୟଗ୍ର । ପୂର୍ବରୁ ବହୁ ବାର ନୀରୋଦ ନିଜର ବିବାହର ପ୍ରସ୍ତାବକୁ ଖଣ୍ଡନ କରିଥିଲା । ମାତ୍ର ଏଥର ସେ ରାଜି ହେଲା | ଦୀର୍ଘ ଦିନ ଧରି ଧନ ସମ୍ପତ୍ତି ଟଙ୍କା ଆଉ ଚାକିରୀ ସନ୍ଧାନରେ ଥିବା ନୀରୋଦ ସେଦିନ ସେ ସବୁ ଅଧିକାର କରି ସାରିଥିଲା | ବୟସର ଅପରାହ୍ନ ପୂର୍ବରୁ ସେ ବର୍ଭମାନ ଜୀବନ ସାଥ୍ର ସନ୍ଧାନରେ ଥିଲା । ତେଣୁ ତାର ଅରାଜି ହେବାର କୌଣସି କାରଣ ମଧ୍ୟ ନଥୁଲା | ବିବାହର ପରେ ବହୁ ବର୍ଷ ପର୍ଯ୍ୟନ୍ତ ଜୀବନକୁ ଉପଭୋଗ କରିବା ପରେ ନୀରୋଦ ଏବେ ଥାଏ ନିଜର ଭବିଷ୍ୟତର ବଂଶ ରକ୍ଷକଙ୍କ ସନ୍ଧାନରେ ।

ବର୍ଷା ଭିଜା ସକାଳ, ଝିପି ଝିପି ବର୍ଷା ମଧ୍ଯ ହେଉଥାଏ । ଏ ଅଦିନିଆ ବର୍ଷାର କାରଣ ଖୋଜି ଖୋଜି ନୀରୋଦ ଝରକା ପାଖରେ ବସି ମେଘାଚ୍ଛନ୍ନ ଆକାଶ ଆଡ଼କୁ ଅନାଇଥାଏ । କମଳା ନିତ୍ୟ ନିୟମିତ କର୍ମ ଭାବେ ରୋଷେଇ ଘରେ ସକାଳର ଜଳଖୁଆ ପ୍ରସ୍ତୁତିରେ ଲାଗିଥାଏ । ହଠାତ୍ ଅସୁସ୍ଥତା ର ଆଶଙ୍କା ଦେଖ୍ ନୀରୋଦ କମଳା ସହ ହସପିଟାଲରେ ପହଞ୍ଚି ଯାହା ଶୁଣିଲା ସେଥ୍‌ରେ ସେ ଖୁସିରେ ଗଦ୍ ଗଦ୍ ହୋଇ ଉଠିଥିଲା | ବଂଶ ରକ୍ଷକଙ୍କ ସନ୍ଧାନରେ ଥିବା ସନ୍ଧାନୀ ନୀରୋଦ ଆଜି କମଳା ଗର୍ଭବତୀ ଥିବାର ସୁସମ୍ବାଦ ପାଇଛି | ମରୁଭୂମିରେ ଦିଗହରା ପଥ୍କକୁ କ୍ଷୁଦ୍ର ଜଳ ରାଶିର ଉତ୍ସ ଦିଶିଗଲେ ସେ ଯେଉଁଭଳି ଭାବେ ଜୀବନ ରକ୍ଷା ଆଶା ନେଇ ନାଚି ଉଠେ, ଠିକ୍ ସେହି ପରି ନୀରୋଦର ଖୁସି ଆଜି ଦ୍ବିଗୁଣିତ ହୋଇ ଉଠୁଥାଏ |

ସୂର୍ଯ୍ୟ ଉଇଁ ଅସ୍ତ ହେବା ପରି, ନୀରୋଦ କାଳକ୍ରମେ ବୟସର ଅପରାହ୍ନରେ ନିଜକୁ ପାଉଛି | ଧନ ସମ୍ପତ୍ତି, ବଂଶ ରକ୍ଷକ , ମାନ ସମ୍ମାନ ସବୁର ସନ୍ଧାନରେ ଥିବା ନୀରୋଦ କାଳକ୍ରମେ ସେ ସବୁର ଅଧିକାରୀ ହୋଇଛି । ମାତ୍ର ବର୍ଭମାନ ସେ ଯାହାର ସନ୍ଧାନରେ ନିଜକୁ ନିଯୋଗ କରିଛି ସେଥ୍‌ରେ ସଫଳତା ପାଇବାର ଆଶା ତାର କ୍ଷୀଣ ହୋଇ ହୋଇ ଯାଉଛି | ସଦା ସର୍ବଦା ପାର୍ଥିବ ବସ୍ତୁର ମୋହରେ ଜଡ଼ିତ ନୀରୋଦ ଆଜି ଜୀବନରଶେଷ ସୋପାନରେ ସେଇ ଲୀଳାମୟ କୃପାମୟ ଅଦୃଶ୍ୟ ଶକ୍ତିର ଆଶିଷର ସନ୍ଧାନରେ ନିଜକୁ ସନ୍ଧନୀ ସଜାଇଛି । କର୍ମ ବହୁଳ ଜୀବନରେ ଅର୍ଥ ଉପାର୍ଜନର ଚିନ୍ତାରେ ବୟସର ଯୌବନରେ ସେ କେବେ ହେଲେ ଭଗବତ୍ ଚିନ୍ତା କରିଥିବା ତାର ମନେ ପଡୁନାହିଁ । ଶୈଶବରେ ଶେଷଥର ପାଇଁ ସେ କେବେ ମନ୍ଦିର ଯାଇଥିଲା ତା ମଧ୍ଯ ତାର ମନେ ନାହିଁ | କିଛି ନୂତନ କରିବା, କିଛି ସୁକର୍ଯ୍ୟ କରିବାର ଉଦ୍ଦେଶ୍ୟରେ ତାକୁ ମିଳିଥିବା ଏ ମନୁଷ୍ୟ ଜୀବନରେ ସେ କେତେ ମାତ୍ରାରେ ତାହା ସମ୍ପାଦନ କରିଛି, ସେଇ ଚିନ୍ତାରୂପକ ପାହାଡ଼ରେ ସେ ଆଜି ଚାପି ହୋଇ ଯାଇଛି । ଅନୁତାପର ସାଗରେ ସେ ଆଜି ଦିଗହରା ନାଉରୀଟେ ସାଜିଛି | ନାଉରୀଟେ ସାଜି ମଝି ସମୁଦ୍ରରେ ଆଜି ଦିଗର ସନ୍ଧାନରେ ସନ୍ଧନୀଟେ ସାଜିଛି ।