ଦ୍ରୋପଦୀ ମୂର୍ମୁ‌ ଆମ‌ ଦେଶର ପ୍ରଥମ ଆଦିବାସୀ ରାଷ୍ଟ୍ରପତି ହେବା ସହିତ ଆମ ଓଡ଼ିଶା ମାଟିର ଝିଅ ଅଟନ୍ତି। ସାଧାରଣତଃ ଆମ ସମାଜରେ ଆଦିବାସୀ ମାନଙ୍କୁ ବହୁତ ନୀଚ ଦୃଷ୍ଟିରେ ଦେଖାଯାଏ କିନ୍ତୁ ସେ ଏତେ ଦୁଃଖ ‌କଷ୍ଟ ସହି ଆଗକୁ ବଢି ଦେଶର ସର୍ବୋଚ୍ଚ ମହିଳା ," ମହାମହିମ" ଯାହାକୁ କୁହାଯାଏ ସେ ଦେଶର ପ୍ରଥମ ନାଗରିକା ହୋଇ ଦେଖାଇଛନ୍ତି ଯେଉଁଥି ପାଇଁ ଆମେ ଓଡ଼ିଶା ବାସୀ ବହୁତ ଗର୍ବ ଅନୁଭବ କରୁ। ଦ୍ରୋପଦୀ ମୂର୍ମୁ‌ଙ୍କର ଜନ୍ମ ୧୯୫୮ ମସିହା ଜୁନ୍ ୨୦ ତାରିଖରେ ଓଡ଼ିଶାର ମୟୂରଭଞ୍ଜ ଜିଲ୍ଲାର ବାଇଦାପୋଷୀ ଗ୍ରାମ ରେ ଗୋଟିଏ ସାନ୍ତାଳୀ ପରିବାରରେ ହେଇଥିଲା। ତାଙ୍କ ପିତାଙ୍କ ନାମ ବିରଞ୍ଚି ନାରାୟଣ ଟୂଡୁ ଥିଲା। ସେ ମୟୁରଭଞ୍ଜ ଜିଲ୍ଲା ର କୁସୁମୀ ତହସିଲ ର ଉପରବେଡା ଗ୍ରାମ ର ଗୋଟିଏ ବିଦ୍ୟାଳୟରେ ପାଠ ପଢ଼ୁଥିଲେ। ଏବଂ ତାଙ୍କର କଲେଜ ପାଠ ପଢା ରମାଦେବୀ ବିଶ୍ବବିଦ୍ୟାଳୟ ରେ ସମ୍ପୂର୍ଣ କରିଥିଲେ। ସେ ଶ୍ୟାମଚରଣ ମୁର୍ମୁଙ୍କୁ ବିବାହ କରିଥିଲେ। ତାଙ୍କର ଝିଅ ଗୋଟିଏ ଏବଂ ପୁଅ ଦୁଇଟି। କୌଣସି କାରଣରୁ ୨୦୦୯ ମସିହାରେ ଏବଂ ୨୦୧୩ ମସିହାରେ ଦ୍ରୋପଦୀ ମୂର୍ମୁ‌ ଙ୍କ ର ଦୁଇ ପୁଅ ଙ୍କର ମୃତ୍ୟୁ ହୋଇଯାଇଥିଲା ଦ୍ରୋପଦୀ ମୂର୍ମୁ‌ ତାଙ୍କର ପୁଅ ମାନଙ୍କର ମୃତ୍ୟୁ ଦେଖି ବହୁତ ଦୁଃଖରେ ପଡ଼ିଯାଇଥିଲେ। କୁହାଯାଏ ଯେ ଭଗବାନ ଯେତେବେଳେ ଦୁଃଖ ଦିଅନ୍ତି ଚାରି ଆଡୁ ଦେଇଦିଅନ୍ତି।

ଏ ସବୁ ଦେଖି ସମସ୍ତେ ଭାବିଲେ କି ଭଗବାନ ତାଙ୍କ ପରିବାରର ପରୀକ୍ଷା ନେଉଛନ୍ତି। ଦ୍ରୋପଦୀ ମୂର୍ମୁ‌ଙ୍କର ସ୍ବାମୀ ଶ୍ୟାମଚରଣ ମୁର୍ମୁଙ୍କର ୨୦୧୪ ମସିହାରେ କିଛି କାରଣରୁ ମୃତ୍ୟୁବରଣ ହୋଇ ଯାଇଥିଲା। ଏତେ ଦୁଃଖ ସହ୍ୟ କରି କି ସେ ହାର୍ ମାନି ନଥିଲେ। ସମାଜ ପାଇଁ, ଦେଶ ପାଇଁ କିଛି କରିବା ପାଇଁ ସେ ରାଜନୀତିରେ ପାଦ ଦେଇଥିଲେ। ୧୯୯୨ ମସିହାରେ ରାଇରଙ୍ଗପୁର ପଞ୍ଚାୟତ ନିର୍ବାଚନ ରେ ମିଶିଥିଲେ। ତା'ପରେ ଓଡ଼ିଶାର ବିଜେପି ଆଉ ବିଜେଡି ସରକାରଙ୍କ ୨୦୦୦ ମସିହାରୁ ୨୦୦୨ ମସିହା ପର୍ଯ୍ୟନ୍ତ ସେ ବାଣିଜ୍ୟ ଏବଂ ପରିବହନ ମନ୍ତ୍ରୀ ଥିଲେ । ୨୦୦୦ ମସିହାରୁ ୨୦୦୪ ମସିହା ପର୍ଯ୍ୟନ୍ତ ସେ ମାଛ ପାଳନ ଏବଂ ପଶୁ ବିକାଶ ରାଜ୍ୟ ମନ୍ତ୍ରୀ ହୋଇ କାମ କରିଥିଲେ‌ । ୨୦୦୭ ମସିହାରେ ଓଡ଼ିଶା ବିଧାନ ସଭାର ଦ୍ଵାରା ସର୍ବଶ୍ରେଷ୍ଠ ବିଧାୟିକା ପାଇଁ "ନୀଳକଣ୍ଠ "ପୁରସ୍କାର ଦ୍ଵାରା ସମ୍ମାନିତ ହୋଇଥିଲେ । ଦ୍ରୋପଦୀ ମୂର୍ମୁ‌ କେବେ ଜୀବନରେ ଭାବି ନ ଥିଲେ ଯେ ସେ ଦେଶର‌ ୧୫ତମ ରାଷ୍ଟ୍ରପତି ହେବେ ବୋଲି। ସେ କେବେ ଭାବିନଥିଲେ ଯେ ଭଗବାନ ତାଙ୍କୁ ଦେଶର ୧୫ତମ ରାଷ୍ଟ୍ରପତି ହେବାର ଆଶୀର୍ବାଦ ଦେବେ। ୨୦୨୨ ମସିହା ଜୁନ୍ ୨୧ ତାରିଖ ବିଜେପି ଅଧ୍ୟକ୍ଷ ଜେ.ପି. ନଡ୍ଡା ରାଷ୍ଟ୍ରପତି ପାଇଁ ଦ୍ରୋପଦୀ ମୂର୍ମୁ‌ଙ୍କୁ ଚୟନ କରିଥିଲେ। ସେ ରାଷ୍ଟ୍ରପତି ହେବାପାଇଁ ନିର୍ବାଚନ ଲଢ଼ିଥିଲେ ଏବଂ ସଫଳ ମଧ୍ୟ ହୋଇଥିଲେ ଏବଂ ସେ ୨୫ ଜୁଲାଇ ୨୦୨୨ ରେ ଶପଥ ଗ୍ରହଣ କରିଥିଲେ ଏବଂ ଆମ ଦେଶର ଦ୍ୱିତୀୟ ମହିଳା ରାଷ୍ଟ୍ରପତି ହୋଇଥିଲେ ଏବଂ ପ୍ରଥମ ଆଦିବାସୀ ରାଷ୍ଟ୍ରପତି ହୋଇଛନ୍ତି। ସେ ଏତେ ଦୁଃଖ ‌କଷ୍ଟ ସହି ଆଗକୁ ବଢ଼ିଲେ ଏବଂ ରାଷ୍ଟ୍ରପତି ହେଲେ। ଯେଉଁ ସମାଜରେ ଆଦିବାସୀ ମାନଙ୍କୁ କିଛି ସମ୍ମାନ ସୁବିଧା ଦିଆଯାଇ ନଥାଏ, ବହୁତ ବାଛ ବିଚାର କରାଯାଏ କିନ୍ତୁ ସେ ପ୍ରମାଣ କରିଦେଲେ ଯେ ଜାତି, ଧର୍ମ ଏବଂ ବର୍ଣ୍ଣ ରେ ଏହା ସବୁକିଛି ନୁହେଁ। ସଂଘର୍ଷ, ଧୈର୍ଯ୍ୟ, ସାହସ ଏବଂ ପରିଶ୍ରମ ସବୁକିଛି। ଆମେ ଓଡ଼ିଶା ବାସୀ ଦ୍ରୋପଦୀ ମୂର୍ମୁ‌ଙ୍କ ପାଇଁ ବହୁତ ଗର୍ବ ଅନୁଭବ କରୁ। ତାଙ୍କର ସଂଘର୍ଷ ଜୀବନ ଦେଖି ସେ କେବେ ଭାବିନଥିଲେ ଯେ ତାଙ୍କୁ କେବେ ସଂଜୀବନୀ ମିଳିବ ବୋଲି। ସେ ତାଙ୍କ ଜୀବନ ରେ‌ ବହୁତ ‌ଦ୍ଃଖ କଷ୍ଟ ସହ୍ୟ କରିଛନ୍ତି କିନ୍ତୁ ତାଙ୍କ ପରିଶ୍ରମ ଏବଂ ଦୃଢ଼ ଇଚ୍ଛାଶକ୍ତି ତାଙ୍କୁ ସଫଳ ହେବାରେ ସାହାଯ୍ୟ କରିଛି। ସତେ ଯେମିତି ତାଙ୍କ ଦୁଃଖ ଭରା ଜୀବନ ରେ ଭଗବାନ ତାଙ୍କୁ ସଂଜୀବନୀ ପ୍ରଦାନ କରିଛନ୍ତି। ବାସ୍ତବରେ ତାଙ୍କ ର ଜୀବନ ଟା ଗୋଟିଏ 'ସଂଘର୍ଷ ରୁ ସଂଜୀବନୀ' ଅଟେ।

(ନାମ - ଅନନ୍ୟା ପ୍ରଧାନ, ଡାକ୍ତରୀ ଦ୍ଵିତୀୟ ବର୍ଷ ଛାତ୍ରୀ, ଠିକଣା -କୁଚିଣ୍ଡା, ସମ୍ବଲପୁର )

ସଂଘର୍ଷ ରୁ ସଂଜୀବନୀ

ପ୍ରବନ୍ଧ