ଶରୀରକୁ ସନ୍ତୁଳିତ ରଖେ ବୋଲି ନା ଟି ମୋର ସନ୍ତୁଳା।

ଭଲ ମନ୍ଦ ମୋର ନାହିଁ ବିଚାର ସୁସ୍ଥ ଅସୁସ୍ଥ ସଭିଙ୍କୁ ମୁଁ ପ୍ରିୟ ।।

କାହିଁ କେଉଁ କାଳରୁ ରହିଆସିଛି ମୁଇଁ ଘରେ ଘରେ ପ୍ରସିଦ୍ଧ।

ନୁହେଁ ବିଦେଶୀ ଖାଦ୍ୟରେ ଗଣତି ହେଲେ ମୁଁ ଭାରି ସ୍ୱାଦିଷ୍ଟ ।।

ଭାତ ରୁଟି ସବୁଥିରେ ମୁଁ ଚଳେ ନାହିଁ ଭଲ ମନ୍ଦର ବିଚାର।

ସେଥିପାଇଁ ସବୁ ପରିବା ମିଶି ମୋ ପାଖେ କରନ୍ତି ଆସର ।।

ଗାଁ ଗହଳିରେ ବାଡ଼ି ପରିବାକୁ ଦେଖି ମୋ କଥା ମନେ ପଡ଼େ।

ସୁସ୍ଥ ରହିବାକୁ ହେଲେ ସହରରେ ମୁଁ ବେଳେ ବେଳେ ବୁଲି ଆସେ।।

କାହିଁକି କେଜାଣି ନାଁଟି ଶୁଣି ମୋର ଲୋକ ଟେକନ୍ତି ନାକ।

ମୁଁ ଯେମିତି ଖାଦ୍ୟ ନୁହେଁ ଗୋଟେ ଖଣ୍ଡିଆଭୂତ ।।

ପୋଖତୀ ମା ମାନଙ୍କ ମୁଁ ସାହାଭରଷା।

ସକାଳ ସଞ୍ଜରେ ମୁଁ ଧରା ବନ୍ଧା ।।

ପାଣି ସନ୍ତୁଳା,ସୁଖା ସନ୍ତୁଳା,ଆଳୁ ସନ୍ତୁଳା ପରି ଅନେକ ମୋ ନା ।

ଯେଉଁ ରୂପ ଦେଲେ ପଛେ ସନ୍ତୁଳା ସାଙ୍ଗିଆକୁ ଛାଡ଼ିବିନି ଜମା ।।

ଆଳୁ ବାଇଗଣ ସାରୁ କଖାରୁ ସଜ୍ଜନା ଛୁଇଁଥିଲେ ଭାଳି ନପଡେ।

କାଟି ଧୋଇ ରଖିବ ଯତନେ ସାଙ୍ଗ କୁ ଅମୃତଭଣ୍ଡାକୁ ନଭୁଲେ।।

ଲୁଣ ହଳଦୀ ଟମାଟୋ ଦେଇ ଚୁଲି ଉପରେ କଡେଇ ଥୋଇ।

ପରିବା ସବୁକୁ ସିଝେଇଦବ ତା ଆଗରୁ ବଡି ଦିଇଟା ଭାଜି ନବ ।।

ପିଆଜ ରସୁଣ କାଟିଆଣିବ,ରସୁଣ ଛେଛିଲେ ଭଲ ବାସିବ।

ଭାରି ସୁଆଦିଆ ମୋ ବୋଉ ହାତରନ୍ଧା ଡେରି ନକରି ଏବେ ପୁଣି କଡେଇ ବସା ।।

ସୋରିଷ ତେଲକୁ ପଞ୍ଚଫୁଟଣ, କିଛି ନଭାବି ଲଙ୍କା ପକା ଦିଖଣ୍ଡ।

ଭୁର୍ସଙ୍ଗ ପତ୍ର ପକାଇ ଟିକେ ଦୂରେଇଯିବୁ କାଳେ ଛିଟିକିବ ସତର୍କ ଥିବୁ ।।

ରସୁଣ ଛେଚା,କଟା ପିଆଜ ପକାଇ ପିଠା ଖଡିକାରେ ଭଲ କି ଭାଯିବୁ।

ପିଆଜ ରସୁଣ ରଙ୍ଗେଇ ଗଲେ,ବାଗେଇ ଢ଼ାଳିବୁ ସିଝା ପରିବାକୁ ।।

ଭଜା ବଡିକୁ ପକାଇ,ଛାଡ଼ିବୁ ଭଲ କି ଫୁଟିବା ପାଇଁ ।

ସନ୍ତୁଳା ଆମର ହେଲା ପ୍ରସ୍ତୁତ ମହକିଲାଣି ବୋଲି ପଡିଶାଘର ପଚାରିଲେଣି।।

ଆସ ଖାଇବା ରୁଟିକୁ ସନ୍ତୁଳା ପ୍ରତିଦିନ ନହେଲେ ବି ମଝିରେ ମଝିରେ ସନ୍ତୁଳା ଖାଇବା।

ସନ୍ତୋଷ ନାଁରେ ସନ୍ତୁଳା ଚର୍ଚ୍ଚିତ ଵିନା ପରିବାରେ ବି ସନ୍ତୁଳା ହେଲା ପ୍ରସ୍ତୁତ ।।

ଓଡିଆ ଖାଦ୍ୟ ଓଡିଆ ଆମ ଗର୍ବ,ଓଡିଆ କୁ ଭୁଲି ଆମେ ଆଉ ପ୍ରାୟ ସବୁ ରଖୁଛେ ମନେ,ସେମିତି ସନ୍ତୁଳା ଆମର ଗୋଟେ ପାରମ୍ପରିକ ଖାଦ୍ୟ ଧନି ଠାରୁ ଗରିବ ସବୁରି ଘରେ ସନ୍ତୁଳା ର ନିଆରା ପରିଚୟ ।ଚିନ୍ତାଧାରା କୁ ନେଇ ମଣିଷ ଜେମିତି,ସନ୍ତୁଳା ବି ସେମିତି ଜେମିତି ରାନ୍ଧିବ ସେମିତି ଖାଇବ।ଅବସ୍ୟ ମୁ ସେତେ ସନ୍ତୁଳା ପ୍ରେମି ନୁହେଁ ହେଲେ ହଁ ମୋ ବୋଉ ହାତ ର ପାଣି ସନ୍ତୁଳା ମୋର ଭାରି ପ୍ରିୟ ।ଭଲ ଖାଇବା ସୁସ୍ଥ ରହିବା।🙏

ସନ୍ତୁଳା ର ଆତ୍ମକାହାଣି(Story of santula)

ସନ୍ତୁଳା ଖାଆନ୍ତୁ ସୁସ୍ଥ ରୁହନ୍ତୁ