ସତ୍ୟ ହେଉଛି ଏମିତି ଏକ ମୂଲ୍ୟ ଯାହା କେବେ ବଦଳେନି। ଏହା ସନାତନ, ଅର୍ଥାତ୍ ସଦାଥିର, ଅବିନାଶୀ। ଯେତେବେଳେ ଆମେ ଜନ୍ମ ହୁଏଁ, ସେଠାଠାରୁ ଆମ ଜୀବନର ଏକ ମୂଖ୍ୟ ଶିକ୍ଷା ହେଉଛି – "ସତ୍ୟ କହିବା।" ଯେଉଁଠି ସତ୍ୟ ଅଛି, ସେଠି ଶାନ୍ତି, ଆନନ୍ଦ ଓ ଆସ୍ଥା ବିକାଶ ପାଇଥାଏ।

ପୁରାଣ, ବେଦ, ଓ ବୃହତ୍ ଗ୍ରନ୍ଥମାନେ ଆମକୁ ସତ୍ୟର ମହତ୍ତ୍ୱ ବ୍ୟଖ୍ୟା କରିଛନ୍ତି। ଶ୍ରୀକୃଷ୍ଣ ଗୀତାରେ କହିଛନ୍ତି – "ସତ୍ୟଂ ବ୍ରୂୟାତ୍, ପ୍ରିୟଂ ବ୍ରୂୟାତ୍" ଅର୍ଥାତ୍ ସତ୍ୟ କୁହିବା ଉଚିତ, ଦୟାସମେତ କୁହିବା ଉଚିତ। ତେଣୁ ସତ୍ୟ କେବଳ କଥା ହୁଏନି, ଏହା ଜୀବନର ଏକ ଧାରା ହେଉଛି।

ସତ୍ୟ ସନାତନ କାହିଁକି? କାରଣ, ସମୟ ବଦଳେ, ଯୁଗ ବଦଳେ, ଲୋକ ମନ୍ତ୍ରଣା ବଦଳେ, କିନ୍ତୁ ସତ୍ୟର ମୂଲ୍ୟ କେବେ ହ୍ରାସ ପାଉନି। ଆମେ ଦେଖିଛୁ – ଯେଉଁ ଲୋକ ଜୀବନରେ ସତ୍ୟ ଆଚରଣ କରନ୍ତି, ସେମାନେ ସମାଜରେ ଆଦର ଓ ସମ୍ମାନ ମିଳନ୍ତି। ସତ୍ୟର ଶକ୍ତି ଏମିତି ଯେ, ଏହା ଅନ୍ୟାୟ, ଅସତ୍ୟ ଓ ଅନ୍ଧକାରକୁ ଭେଦି ଦେଇଥାଏ।

ଆଜି ଯଦି ଆମେ ଦେଖିବା, ସମାଜରେ ଅନେକ ଅସତ୍ୟ ଚାଲିଛି – ଭ୍ରମ, ଚତୁରତା, ଭ୍ରଷ୍ଟାଚାର ଓ ଦୁର୍ନୀତି। ଏହି ସମସ୍ୟାମାନଙ୍କର ମୂଳକାରଣ ହେଉଛି – ଆମେ ସତ୍ୟ ରାସ୍ତାରୁ ଦୂର ସରିଯାଇଛୁ। ଯଦି ପୁଣି ଆମେ ସତ୍ୟକୁ ଆପଣାଇବାକୁ ଆରମ୍ଭ କରିବୁ, ତେବେ ସମସ୍ତ ଅନ୍ୟାୟ ଆପେଆପେ ଦୂରେଇଯିବ।

ସତ୍ୟ ଲୋକଙ୍କୁ ଆତ୍ମବଳ ଦେଇଥାଏ। ଯେଉଁମାନେ ସତ୍ୟ ଉପରେ ଅତୁଟ ରହନ୍ତି, ସେମାନେ କେବେ ଭୟଭୀତ ହୁଅନ୍ତି ନାହିଁ। ସତ୍ୟ ଅଟଳ ଅଛି, ତେଣୁ ଏହା ମାନବ ଜୀବନର ଶ୍ରେଷ୍ଠ ଧନ। ମନୁଷ୍ୟ ସାମୟିକ ଲାଭ ପାଇଁ ଅସତ୍ୟର ଆଶ୍ରୟ ନେଉଥିବା ସତ୍ତ୍ୱେ, ଅନ୍ତରେ ତାଙ୍କର ଆତ୍ମା ଶାନ୍ତିହୀନ ରହିଯାଏ।

ସତ୍ୟ ମାନେ କେବଳ କଥା କୁହିବା ନୁହେଁ। ଆମ ଆଚରଣ, ବ୍ୟବହାର, ଓ ଭାବନାରେ ସତ୍ୟ ରହିବା ଦରକାର। ଦୟା, ନ୍ୟାୟ, ଓ ଧୈର୍ଯ୍ୟ ସହିତ ସତ୍ୟର ଅନୁସରଣ କଲେ ଆମର ଜୀବନ ଅର୍ଥପୂର୍ଣ୍ଣ ହେଉଥାଏ।

ସେହିପାଇଁ ଆସନ୍ତୁ, ଆମେ ସମସ୍ତେ ଏହି ସଙ୍କଳପ ନେବା ,

ଆମ ଜୀବନର ମୂଳ ଆଧାର ସତ୍ୟ ହେଉ। କାରଣ ସତ୍ୟ ସନାତନ, ଏବଂ ସତ୍ୟରେ ଅଛି ନିର୍ମଳ ଜୀବନର ସଂକେତ।

!! ସୁଶାନ୍ତ କୁମାର ସାସମଲ

ହନୁମାନ ନଗର ଆସ୍କା ରୋଡ଼

ବ୍ରହ୍ମପୁର ଗଞ୍ଜାମ !!