ସେ ଦିନ ଶୀତରେ...

କାହିଁ ଏତେ ମନେ ପଡେ

ସେ ଦିନ ଶୀତରେ,

ସକାଳର ସେହି ଘନ କୁହୁଡି ଅନ୍ଧରେ

ଥରୁଟିଏ ଡାକରେ ଧାଇଆସିଲି ମୁଁ,

କହିଥିଲ ତୁମେ ଦେଖାହେବ ନିର୍ଜନତାରେ,

କାହିଁ ଏତେ ମନେ ପଡେ

ସେଦିନ ଶୀତରେ ।। ୧।।

ତୁମର ସେ ସବୁ କଥାକୁ

ମନେ ମନେ ଭାବିଲା ବେଳକୁ

ଆଖିରେ ମୋ ନାଚିଯାଏ କେତେ ସ୍ବପ୍ନ,

ଆଖିରେ ମୋ ଖାଲି ତୁମରି ଚେହେରା

ରାତିସାରା ଚାହିଁଁ ଭାବୁଥାଏ,

ଖାଲି ତୁମରି ରୂପକୁ

ଚାହୁଁ ଚାହୁଁ ରାତି ମୋର ସରେ,

କାହିଁ ଏତେ ମନେ ପଡେ

ସେ ଦିନ ଶୀତରେ।।୨।।

ସୂରୁଜ ଉଇଁବାର ଦୁଇ ଘଡି ପରେ

ଚିତ୍ତ ମୋର ଅସ୍ତିର,

ତର ତର ହୋଇ ସବୁ କାମ ସାରି

ଘଡିକୁ ଅନାଏ କାଳେ,

ମୋର ହୋଇଯିବ ଡେରି

ନିଜକୁ ସଜାଏ ଆଇନା ଆଗରେ

କାହିଁ ଏତେ ମନେ ପଡେ

ସେ ଦିନ ଶୀତରେ ।।୩।।

ତୁମେ ଭଲ ପାଅ ବୋଲି,

ଆଖିରେ ମୁଁ ଲଗାଏ କାଜଲ ଆଉ,

କେଶ ଖୋଲା କରି

ଗଜରା ଲଗାଏ ବାସ,

ଚହଟିବ ବୋଲି...

ନିଜେ ନିଜ କୁ ମୁଁ ପଚାରେ

କାହିଁ ଏତେ ମନେ ପଡେ

ସେ ଦିନ ଶୀତରେ ।।୪।।

ସକାଳର ସେ କୁହୁଡି ଦେଇ

ଧାଇଁ ଚାଲିଲି ମୁଁ,

ସେ ତୀର୍ଚ୍ଛକ କିରଣ ପଥରେ

ଅତିକ୍ରମ କରି କେତେ ବନ,

ଉପବନ ଓ ନଦୀ

ଥକେ ନାହିଁ ପାଦ ମୋର

ଖୋଜିବାକୁ ତୁମକୁ ସାଥିରେ

କାହିଁ ଆଜି ମନେ ପଡେ

ସେ ଦିନ ଶୀତରେ ।।୫।।

ତୁମର ସେ ବାସ୍ନା ର ପଛେ

ଧାଇଁ ଆସିଲି ମୁଁ,

ପାଗଳ ଭଅଁର ପରି...

ତୁମ ଠାରୁ ପାଇବାକୁ

ଟିକିଏ ମଧୁର ଆଶାରେ

ଏତେ ଦିନ ଧରି ରଖିଥିବା

ସେ ଅନ୍ତରର କୋହକୁ,

ପ୍ରକାଶ କରିବି ବୋଲି ମୁଁ

ତୁମରି ଆଗରେ...

କାହିଁ ଏତେ ମନେ ପଡେ

ସେ ଦିନ ଶୀତରେ।।୬।।

ଶୀତରେ ସେ ଥଣ୍ଡା ପବନରେ

ଶରୀର ଥରୁଥାଏ;

ଥରେ ଯେପରି ଡରରେ

ଦେଖିବାକୁ କେବଳ ତୁମକୁ,

ସାଥି ଖାଲି କେବଳ ତୁମକୁ

ପାଦ ମୋର ରହେନାହିଁ

ବରଫର ସେଇ ଚାଦରରେ...

ଚାଲିଥାଏ ମୁହିଁ,ଥର ଥର ପାଦରେ

କାହିଁ ଏତେ ମନେ ପଡେ

ସେ ଦିନ ଶୀତରେ।।୭।।

ଧୂଆଁ ଧୂଆଁ ସେଇ କୁହୁଡି ଭିତରୁ

ତୁମକୁ ଦେଖିଲି ସାଥି...

ନିର୍ଜନତାର ସେଇ ବଟ ବୃକ୍ଷ ପାଖରୁ

ଆଶୁଥିଲ ତୁମେ,

ତୁମ ଦୁଇ ବାହୁକୁ ମେଲାଇ ମୋହରି ପାଖକୁ

ଏବଂ ଆସୁଥିଲ ମୋର ଆହୁରି ପାଖକୁ

ସିଂହରିଯାଏ ତନୁ ମୋର,

ମନ ମୋର ନାଚି ଉଠେରେ

କାହିଁ ଏତେ ମନେ ପଡେ

ସେଦିନ ଶୀତରେ ।।୮।।

କହିଥିଲ ତୁମେ,

ରହିବ ମୋ ପାଖରେ...

ଖରା,ବର୍ଷା,ଶୀତ ସହ

ବର୍ଷ,ମାସ,ଦିନ ଧରି

ଚାଲିବ ମୋ ବାଟରେ...

ଥିଲା ଯାହା ମିଛ

ଦେଇଗଲ ପ୍ରତାରଣା

ମନେ ପଡେ ମୋର ଯେବେ

ଆଖିରୁ ମୋ ଅଶ୍ରୁ ଧାରା

ବୋହି ବୋହି ଯାଏ ରେ

କାହିଁ ଏତେ ମନେ ପଡେ,

ସେ ଦିନ ଶୀତରେ।।୯।।

କାହିଁ ଏତେ ମନେ ପଡେ

ସେ ଦିନ ଶୀତରେ...

ତୁମେ ଛାଡିଗଲ ମତେ

ଏ ଘନ କୁହୁଡି ଅନ୍ଧାରେ...

ଥରୁଟିଏ ଚାହିଁଲାନି ପଛକୁ ଫେରିକି

ନିସ୍ତବ୍ଦ ମୁଁ ଜଡ ପ୍ରାୟ,

ଚାହିଁଁଥିଲି ଖାଲି ଚାତକ ନୟନେ

ତୁମେ ଚାଲିଗଲ

ଦୁରକୁ, ଆହୁରି ଦୁରକୁ...

ମିଶିଗଲ ସେଇ କୁ

ହୁଡିର ଶେଷ ବଳୟରେ,

କାହିଁ ଏତେ ମନେ ପଡେ

ସେ ଦିନ ଶୀତରେ...

କାହିଁ ଏତେ ମନେ ପଡ଼େ

ସେ ଦିନ ଶୀତରେ ।।୧୦।।

ସେ ଦିନ ଶୀତରେ

ଜିପସୀ