ଶୈଳ ଶ୍ରୀକ୍ଷେତ୍ର 🌹

ଓଡିଶାର କେନ୍ଦ୍ରାଞ୍ଚଳରେ ଅବସ୍ଥିତ ଅନୁଗୋଳ ସହର ! ଏହି ସହରର ମଧ୍ୟ ଭାଗର ରାଜରାସ୍ତା ପାର୍ଶ୍ୱରେ ସୁନାଶଗଡ ପାହାଡ ଉପରେ ନିର୍ମିତ ହୋଇଛି ଶୈଳ ଶ୍ରୀକ୍ଷେତ୍ର ! ଶ୍ରୀଜଗନ୍ନାଥ ଲୀଳାମୟ ! ସେ କେତେବେଳେ କେଉଁ ରୂପ ବିଭବରେ ଉଦ୍‌ଭାସିତ ହେବ କିଏ କହିବ ! ତା ନହଲେ ଏକ ପ୍ରସ୍ତର ଉପରେ ୧୧୧ଫୁଟ ଉଚ୍ଚତା ବିଶିଷ୍ଟ ବିଶାଳ ଶ୍ରୀବତ୍ସଖଣ୍ତଶାଳ ସଦୃଶ ମନ୍ଦିର ସମ୍ଭବ ହୋଇନଥାନ୍ତା !

ଶ୍ରୀଜଗନ୍ନାଥଙ୍କ ଭବ୍ୟ ମନ୍ଦିର ନିର୍ମାଣ ନିମିତ୍ତ ବିଚାର ବିମର୍ଷ କଲେ ! ପରିଣାମରେ ୧୯୯୬ ମସିହା ଫ୍ରେବୃଆରୀ ମାସ ୨୧ ତାରିଖ ଦିନ ଶୁଭମୁହୁର୍ତ୍ତରେ ସୁନାଶଗଡ ପାହାଡ ଉପରେ ମନ୍ଦିର ନିର୍ମିତ ଶିଳାନ୍ୟାସ କରାଗଲା ! ସମୟର ସିକତା ଉପରେ ପଞ୍ଚପୀଢ ପଞ୍ଚରଥ ବିଶିଷ୍ଟ , ବୈକୁଣ୍ଠ ପୁରୀର ଶ୍ରୀବତ୍ସ ଖଣ୍ତଶାଳ ସଦୃଶ ୧୧୧ଫୁଟ ଉଚ୍ଚତାର ଭବ୍ୟ ମନ୍ଦିର ସମେତ ଜଗମୋହନ ଓ ନାଟ୍ୟ ମନ୍ଦିର କାର୍ଯ୍ୟ ସମ୍ପନ୍ନ ହେଲା ! ଶାସ୍ତ୍ରୀୟ ବିଧିମତେ ଦାରୂ ସନ୍ଧାନ କରାଯାଇ ଚତୁର୍ଦ୍ଧାମୁର୍ତ୍ତିଙ୍କ ଶ୍ରୀବିଗ୍ରହ ୧୯୯୯ ମସିହାରେ ନିର୍ମିତ ହୋଇଥିଲା ! ଶ୍ରୀକ୍ଷେତ୍ର ପୁରୀ ଅନୁକରଣରେ ନିର୍ମିତ ହେଲା କୁରୁମବେଢା ଓ ମେଘନାଦ ପାଚେରୀ ! କ୍ରମେ କ୍ରମେ ମା କ୍ଷେତ୍ରେଶ୍ୱରୀ ମା ବିରଜା, ସରସ୍ୱତୀ, ମହାଲକ୍ଷ୍ମୀ, ଓ ସୁର୍ଯ୍ୟମନ୍ଦିର ଯଥାକ୍ରମେ ମନ୍ଦିରର ଅଗ୍ନିକୋଣ, ପଶ୍ଚିମ, ବାୟୁକୋଣରେ ନିର୍ମିତ ହେଲା ! ଐଶାନ୍ୟ କୋଣରେ ଆନନ୍ଦବଜାର କାମ ସମାପନ ହୋଇଥିଲା ! ମନ୍ଦିର ସମ୍ମୁଖରେ ବାଇସି ପାବଛ ସିଂହଦ୍ୱାର ଗୁମୁଟ ତଥା ସମ୍ମୁଖରେ ଦେବସାରଥି

ଅରୁଣସ୍ତମ୍ବ ନିର୍ମିତ ହେଲା ! କାଶୀ ବିଶ୍ୱନାଥଙ୍କୁ ବାଇଶି ପାବଛର ତୃତୀୟ ପାବଛର ଦକ୍ଷିଣପାର୍ଶ୍ୱରେ ଅବସ୍ଥାପିତ କରାଗଲା! ପରିଶେଷରେ ତାରିଖ ୨୨ ୦୨ ୨୦୦୨ ମସିହା ଶୁଭଲଗ୍ନ ଯୋଗେ ଶ୍ରୀବିଗ୍ରହମାନଙ୍କୁ ରତ୍ନସିଂହାସନରେ ପ୍ରତିଷ୍ଠିତ କରାଯାଇ ପୂଜାର୍ଚ୍ଚନାବିଧି ପ୍ରଚଳିତ ହେଲା ! ପୂର୍ବରୁ ପୂଜିତ ହେଉଥିବା ଚତୁର୍ଦ୍ଧା ବିଗ୍ରହଙ୍କୁ ମଦନମୋହନ ମନ୍ଦିରରୁ ଅଣାଯାଇ ଶ୍ରୀମନ୍ଦିରରେ ମଧ୍ୟ ସିଂହାସନାରୁଢ କରାଗଲା ! ଅଧୁନା ସୁନାଶଗଡ ପାହାଡର ନାମ ପରିବର୍ତ୍ତନ ହୋଇ ଶୈଳଶ୍ରୀକ୍ଷେତ୍ର ନାମରେ ପରିଣତ ହେଲା !

ଶୈଳଶ୍ରୀକ୍ଷେତ୍ରରେ ତିନିଧୂପ ଓ ପାଞ୍ଚ ଅବକାଶ ରୀତିରେ ଦୈନିକ ପୂଜାବିଧି ଠାକୁରଙ୍କୁ ଅର୍ପଣ କରାଯାଉଛି ! ବର୍ଷସାରା ୬୪ଟି ପର୍ବପର୍ବାଣି ଶୈଳ ଶ୍ରୀକ୍ଷେତ୍ରରେ ପାଳିତ ହେଉଅଛି ! ସର୍ବୋପରି ଶ୍ରୀଜଗନ୍ନାଥଙ୍କ ଶ୍ରୀଜଗନ୍ନାଥଙ୍କ ଘୋଷଯାତ୍ରା ସମୟରେ ତିନିଗୋଟି ରଥର ପ୍ରଚଳନ ଏ କ୍ଷେତ୍ରରେ ଏକ ଯୁଗାନ୍ତକାରୀ ପଦକ୍ଷେପ !

ଶୈଳ ଶ୍ରୀକ୍ଷେତ୍ର ଅନୁଗୁଳ ଅନୁଗୋଳ 🌹

ଶୈଳ ଶ୍ରୀକ୍ଷେତ୍ର ଅନୁଗୁଳ ଅନୁଗୋଳ