ଶାନ୍ତି ବଙ୍ଗଳା ର ଦ୍ଵିତୀୟ ଭାଗ -

ଯୋଗେଶ ସେହି ପେଣ୍ଟିଂ କୁ ଦେଖି ହତବାକ ହୋଇ ଯାଇଥିଲା। ଠିକ୍ ଅବିକଳ ତାହାରି ଛବି ତାହା ପୁଣି ଶୋଭା ମାନେ ଶାନ୍ତି ଶୋଭା ସହ। ଏହା କେମିତି ସମ୍ଭବ । ଯୋଗେଶ ସହ ଏବେ ଯାହା ହେଉଛି ତାହା କେବଳ ସେ ସିନେମା ରେ ଦେଖିଛି।ଠିକ୍ ତଳକୁ ଶାନ୍ତି ଦ୍ଵାରା ଲେଖା ହୋଇଥିବା ହାତ ଲେଖା ବହି। ପବନ ର ଏକ ଶାନ୍ତି ଭରା ବେଗ ରେ ଫର୍ଦ୍ଦ ଓଲଟି ବାକୁ ଲାଗିଲା। ନିଜ ବ୍ୟାଗ୍ ଟିକୁ ତଳେ ଧପ୍ କରି ଥୋଇଦେଇ ଯୋଗେଶ ବହି ଟିକୁ ନେଇ ବସିଗଲା।

ସେହି ବହିଟି ଯୋଗେଶ କୁ ନେଇଗଲା ଅଶି ବର୍ଷ ତଳକୁ। ଲଲିତପୂର୍ ରାଜ ଉଆସ ରେ ରାଜା ପଦମା ନାମକ ସୈନ୍ୟ କୁ ଡାକରା ଦେଇଛନ୍ତି। ପଦମା ବହୁତ ଡରି ଡରି ଆସିଥାଏ ବୋଧହୁଏ ସେ ଯେଉଁ ରାଜ ଜେମା ଙ୍କୁ ଦେଖି ହସି ଦେଇଥିଲା ତା ପାଇଁ ଦଣ୍ଡ ସ୍ୱରୂପ ଆଜି ତାର ମୁଣ୍ଡ କଟିବ। ରାଜା ଏକାନ୍ତ ରେ ପଦମା କୁ ଦେଖା କରିବାକୁ ଡାକିଲେ ସେଠି ରାଜଜେମା ବି ବସି ଥାଆନ୍ତି। ପଦମା କୁ ନିଜ ସନ୍ଦେହ ଉପରେ ବିଶ୍ୱାସ ଆସିଗଲା। ସେଠି ରାଜା କହିଲେ ତୁମ ଅସି ଚାଳନା ଓ ଦଣ୍ଡ ଚାଳନା ରେ ରାଜ କୁମାରୀ ବହୁତ ପ୍ରଭାବିତ ହୋଇଛନ୍ତି ଆଉ ସେ ଏହା ଶିକ୍ଷା ଗ୍ରହଣ କରିବାକୁ ଇଚ୍ଛା କରିଛନ୍ତି ତେଣୁ ତୁମକୁ ତାଙ୍କୁ ପ୍ରଶିକ୍ଷଣ ଦେବାକୁ ହେବ। ପଦମା ଚକିତ ହୋଇଗଲା ୟାଠାରୁ ଭଲ ହୋଇଥାନ୍ତା ମାରି ଦେଇଥିଲେ । ରାଜ କୁମାରୀ ଙ୍କ ଆଖିରେ ଯେଉଁ ମୋହିନୀ ଶକ୍ତି ଅଛି ତାଠୁ ଦେବ ଦାନବ ବଞ୍ଚିବା କଷ୍ଟକର ସେ କେମିତି ତାଙ୍କୁ ଶିକ୍ଷା ଦେବ ଯଦି ଭଲ ପାଇ ବସେ। ଯାହାର ହାତରେ ଫୁଲ ଟିଏ ବାଜିଲେ ବି କଷ୍ଟ ହେବ ତାଙ୍କୁ ଖଣ୍ଡା ଚାଳନା ଓ ଦଣ୍ଡ ଚାଳନା କେମିତି ଶିଖେଇ ପାରିବ।ସେ ସଙ୍କୋଚ କରିବାରୁ ରାଜକୁମାରୀ କହିଲେ ଏହା ନିବେଦନ ନୁହେଁ ଏହା ଆଦେଶ ସେନାପତି ପଦ୍ମନନ୍ଦ। ସେନାପତି ପଦ୍ମାନନ୍ଦ କହି ଚମକି ପଡ଼ିଲା ପଦମା? ରାଜ କୁମାରୀ କହିଲେ ହଁ କାଲି ଦରବାର ରେ ତୁମକୁ ସେନାପତି ଘୋଷଣା କରାଯିବ ଓ ମୋର ପ୍ରଶିକ୍ଷଣ ଆରମ୍ଭ ହେବ।

ସତକୁ ସତ ପଦ୍ମାନନ୍ଦ କୁ ସେନାପତି ଘୋଷଣା କରାଗଲା। ରାଜ କୁମାରୀ ଙ୍କୁ ଶିକ୍ଷା କଣ ଦେବେ ସେ ଦେଖିଲା ରାଜ କୁମାରୀ ଆଗରୁ ହିଁ ସବୁ ବିଦ୍ୟା ରେ ଧୁରନ୍ଦର। ସେନାପତି ଭାବୁଥାନ୍ତି ଏମିତି ନାରୀ କେମିତି ସମ୍ଭବ। ରୂପ ରେ ସ୍ଵୟଂ ଉର୍ବଶୀ ତ ଜ୍ଞାନ ରେ ଦେବୀ ସରସ୍ଵତୀ ଓ ଯୁଦ୍ଧ ବିଦ୍ୟା ରେ ସତେ କି ଦେବୀ ଦୁର୍ଗା। ସେ କହିଲେ ରାଜ କୁମାରୀ ଆପଣ ତ ସବୁଥିରେ ପାରଙ୍ଗମ ମୋ ଶିକ୍ଷା ଦେବାର ଯୋଗ୍ୟତା ନାହିଁ। ରାଜ କୁମାରୀ କହିଲେ ହେଲେ ମୁଁ ତୁମକୁ ପ୍ରେମ କରୁଛି ମୋର ପତି ଗୁଣରେ, ରୂପ ରେ ଓ ଯୁଦ୍ଧ ରେ ଯେମିତି ହେବା କଥା ସବୁ ତୁମ ପାଖେ ଅଛି ତେଣୁ ରାଜ କୁମାରୀ ଶାନ୍ତି ନୁହେଁ ତୁମକୁ ଶୋଭା ପ୍ରେମ ଭିକ୍ଷା ମାଗୁଛି। କିଏ ବା ତାଙ୍କୁ ନା ରେ ଉତ୍ତର ଦେଇଥାନ୍ତା। ଯୋଗେଶ ବି ଭାବୁଥାଏ କେତେ ଭାଗ୍ୟବାନ ସେ ପଦ୍ମାନନ୍ଦ। ତା ପର ଫର୍ଦ୍ଦ ରେ କାନ୍ଥ ଭଳି ଅବିକଳ ଛବି ଟିଏ ଥିଲା ଓ ଯୋଗେଶ ଭଳି ଦେଖା ଯାଉଥିବା ଲୋକ ହିଁ ଥିଲେ ସେନାପତି ପଦ୍ମାନନ୍ଦ। ଯୋଗେଶ ର ମନେ ପଡ଼ିଗଲା ଶୋଭା କେମିତି ତାକୁ ସେନାପତି କହି ଚିଡାଉ ଥିଲା।

ଦୁହେଁ ଦୁହିଁଙ୍କର ନିକଟତର ହୋଇ ଆସୁଥିଲେ। ଜଙ୍ଗଲ ଭିତରେ ସ୍ଵତନ୍ତ୍ର ଭାବରେ ନିର୍ମାଣ ହୋଇଥିବା ଶାନ୍ତି ବଙ୍ଗଳା ରେ ଉଭୟ ସମୟ ମଧ୍ୟ ଅତିବାହିତ କରନ୍ତି।

ଅନ୍ୟ ପଟେ ବିଲାସପୁର ର ରାଜା ଙ୍କ ରାଜ କୁମାର ବିଶ୍ବମ୍ବର ତନ୍ତ୍ର ସାଧନା ରେ ଲିପ୍ତ ରହୁଥିଲେ ସେ ଚୈତ୍ର ଅମାବାସ୍ୟା ରେ ଜନ୍ମ ହୋଇଥିବା ଅଶ୍ଳେଷା କର୍କଟ ର ଝିଅ ର ସନ୍ଧାନ ରେ ଥିଲେ ଯାହା ସହ ସମ୍ପର୍କ ରଖି ସେହି ଚୈତ୍ର ଅମାବାସ୍ୟା ରେ ବଳୀ ଦେଲେ ସେ ମହା ଶକ୍ତି ଶାଳୀ ହୋଇଯିବ। ଯଦି ତାକୁ ଅଶ୍ଳେଷା କର୍କଟ ଯିଏ ଚୈତ୍ର ଅମାବାସ୍ୟା ରେ ଜନ୍ମ ନ ହୋଇଥାଏ ତେବେ ତାକୁ ପ୍ରତି ଅମାବାସ୍ୟା ରେ ଗୋଟିଏ ନାରୀ କୁ ବଳୀ ଦେବାକୁ ହେବ ତାହା ବି ୮୧ ଟି। ବିଲେଇ କପାଳ ରେ ଶିକା ଛିଡ଼ିଲା ଭଳି ଲଲିତପୂର୍ ରୁ ପ୍ରସ୍ତାବ ଯାଇ ପହଁଚିଲା ବିଲାସପୁର ରେ ଶାନ୍ତି ଶୋଭା ପାଇଁ ଆଉ ଶାନ୍ତି ମଧ୍ୟ ଚୈତ୍ର ଅମାବାସ୍ୟା ରେ ଜନ୍ମ ହୋଇଥିଲା ଓ ରାଶି ଥିଲା ଅଶ୍ଳେଷା କର୍କଟ। ବିଶ୍ବମ୍ବର କୁ ଏହି ବିବାହ ଯେମିତି ହେଲେ ବି କରିବାର ଥିଲା କେମିତି ବା ଏ ସୁଯୋଗ ହାତ ଛଡ଼ା କରି ପାରିଥାନ୍ତା।

ସେପଟେ ଶାନ୍ତି ଓ ପଦ୍ମାନନ୍ଦ ପ୍ରେମ ର ସବୁ ପରୀକ୍ଷା ପାର ହୋଇ ସାରିଥିଲେ। ରାଜା ଯେବେ ଶାନ୍ତି ଶୋଭା ଙ୍କୁ ବିଶ୍ବମ୍ବର କୁ ବିବାହ କରିବାର ପ୍ରସ୍ତାବ ଦେଲେ ଶାନ୍ତି ଏହି ପ୍ରସ୍ତାବ କୁ ମନା କରି ସେ ପଦ୍ମାନନ୍ଦ କୁ ବିବାହ କରିବେ ବୋଲି ନିଷ୍ପତି ଶୁଣାଇଦେଲେ। ଜଣେ ରାଜ କୁମାରୀ ହୋଇ ସେନାପତି ଙ୍କୁ ବାହା କଥା ଶୁଣି ରାଜା ତାଙ୍କୁ ରାଜ ଉଆସ ରୁ ତଡ଼ି ଦେଲେ। ସେମାନେ ଦୁଇ ଜଣ ଶାନ୍ତି ବଙ୍ଗଳା ରେ ହିଁ ରହିବାକୁ ଲାଗିଲେ। ଏପଟେ ରାଜା ନିଜର ସାନ ରାଜ କୁମାରୀ ଙ୍କୁ ବିଶ୍ବମ୍ବର ସହ ବାହାଘର କରାଇ ତାଙ୍କୁ ଲଳିତ ପୁର ର ରାଜା କରିଦେଲେ।

କିଛି ଦିନ ପରେ ଶାନ୍ତି ଓ ପଦ୍ମାନନ୍ଦ ଜୀବନ ରେ ହସ ଖେଳିଲା କାହିଁକି ନା ସେ ମାଆ ହେବାକୁ ଯାଉଥିଲେ।

ଏତିକି ରେ ସେହି ବହି ଟି ସମାପ୍ତ ହୋଇଗଲା ହେଲେ ଯୋଗେଶ ମନ ରେ ତ ଏବେବି ଅନେକ ପ୍ରଶ୍ନ। ହଠାତ୍ ସତେ ଯେମିତି ଦିନ ରୁ ରାତି ହୋଇଗଲା ଓ ପାଗ ବଦଳି ଗଲା। ଆଖି ଆଗରେ ଭାସି ଉଠିଲା ସେ ଚୈତ୍ର ଅମାବାସ୍ୟା ର ସେହି ବର୍ଷଣ ମୁଖର ରାତି। ହଠାତ୍ ବଙ୍ଗଳା ରେ ପହଞ୍ଚିଲା ବିଶ୍ବମ୍ବର କାହିଁକି ନା ଆଜି ହିଁ ତାକୁ ଶାନ୍ତି ସହ ସମ୍ପର୍କ ରଖି ବଳୀ ଦେବାକୁ ହେବ ଯାହା ପରେ ସେ ସବୁଠୁ ଶକ୍ତି ଶାଳୀ ହୋଇ ପାରିବ। ଉଭୟ ଶାନ୍ତି ଓ ପଦ୍ମା ନନ୍ଦ ନିଜର ସମସ୍ତ ଯୁଦ୍ଧ ବିଦ୍ୟା ଲଗେଇଦେଲେ। ଯେତେବେଳେ ଶାନ୍ତି ବିଶ୍ବମ୍ବର ର ପ୍ଲାନ୍ ଜାଣି ପାରିଲା ସେ ବଳୀ ପାଇବା ପୂର୍ବରୁ ନିଜେ ହିଁ ମରିଗଲା ତାର ନିଜ ଖଣ୍ଡା ରେ ଯେମିତି ସେ ଶକ୍ତିଶାଳୀ ନ ହୋଇ ପାରୁ। ଏହା ପରେ ପଦ୍ମାନନ୍ଦ ପାଗଳ ହୋଇ ପଛରୁ ବିଶ୍ବମ୍ବର କୁ ତାରି ଖଣ୍ଡା ରେ ଭୂସି ଦେଲା ଓ ଯିବା ପୂର୍ବରୁ ସେ କହିଦେଇ ଗଲା ଏ ଲଢ଼େଇ ଏଇଠି ସରିଗଲାନି ମୋର ଅଧା କାମ ମୋ ପୁଅ ପୁରା କରିବ । ମୁଁ ଜାଣିଥିଲି କେହି ଜଣେ ମୋ ରାଶି ନକ୍ଷତ୍ର ର ଜନ୍ମ ମୋତେ ମାରିବା ସମୟରେ ମୋ ଶକ୍ତି କାମ କରିବନି , ହେଲେ ମୋ ପୁଅ କୁ କିଏ ଅଟକାଇବ। ସେ କାମ ସାରିଲା ପରେ ମୁଁ ପୁଣି ଥରେ ବଞ୍ଚି ଶକ୍ତିଶାଳୀ ହୋଇଯିବି। ଆଉ ଏହା ପରେ ସମଗ୍ର ରାଜ ଦରବାର ରେ ଶାନ୍ତି ଓ ବିଶ୍ବମ୍ବର କୁ ମାରିଛି ବୋଲି ଆରୋପ ରେ ମୃତ୍ୟୁ ଦଣ୍ଡ ଦିଆଗଲା।

ଯୋଗେଶ ର ଆଖି ଜକେଇ ଆସୁଥାଏ ସେ ସବୁ ଦୃଶ୍ୟ ମନେ ପକେଇ। ଯୋଗେଶ ଶୋଭା ସହ ଦେଖା ହେବା , ଏଠିକୁ ପଠେଇବା ର କାରଣ ସବୁ ବୁଝି ପାରିଲା । ଯାହା ହେଉ ବିଶ୍ବମ୍ବର ର ପୁଅ କୁ ମାରି ଏହି ମୃତ୍ୟୁ ଓ ବଳୀ ର ଯେଉଁ ସୂତା ଟି ଗଢ଼ା ହେଉଥିଲା ତାହା ଛିଡ଼ି ଗଲା। ସାଙ୍ଗରେ ସେ ପଦ୍ମାନନ୍ଦ ଓ ଶାନ୍ତି ର ଫୋଟ କୁ ଧରି ଚାଲିଲା ଶାନ୍ତି ବଙ୍ଗଳା ରୁ ନିଜର ପୂର୍ବ ଜନ୍ମ ର ଅତୀତ କୁ ନେଇ।

ବସ୍ ଷ୍ଟପ କୁ ଆସିବାକୁ କିଛି ମିଲୁନଥାଏ କାହିଁକି ନା ଏସବୁ ରେ ବହୁତ୍ ଡେରି ହୋଇ ଯାଇଥାଏ । ଜଣେ ତାରି ବୟସ ର ଯୁବକ ଆସି ତାକୁ ବସ୍ ଷ୍ଟପ୍ ପାଖରେ ଛାଡ଼ି ଦେଲେ ବାଇକ୍ ରେ ଲିଫ୍ଟ ଦେଇ। ଯୋଗେଶ ଧନ୍ୟବାଦ ଦେଇ କହିଲା ମୁଁ ଆପଣଂକ ଋଣ କେମିତି ସୁଜିବି। ସେ ଯୁବକ ଉତ୍ତର ଦେଲେ ଏତେ ବ୍ୟସ୍ତ କାହିଁକି ସେନାପତି ପଦ୍ମାନନ୍ଦ ବହୁତ୍ ହିସାବ ନିକାସ ଏବେବି ବାକି ରହିଲାଣି ସବୁ ପୁରା ହେବ............

କାହାଣୀ କେମିତି ଲାଗିଲା ଜଣେଇବେ ନିହାତି।

ଆପଣଂକ କୈବଲ୍ୟ ନାୟକ

Kaibalya Nayak

ଶାନ୍ତି ବଙ୍ଗଳା- ୨ Odia mystery Story

ଦ୍ଵିତୀୟ ଭାଗ ପୂର୍ବରୁ ପ୍ରଥମ ଭାଗ ପଢ଼ିବାକୁ ଅନୁରୋଧ ରହିଲା।