"ଶିକ୍ଷା ର ବିକଳ୍ପ ନାହିଁ"

ଆଜିକାର ସମୟରେ ଶିକ୍ଷା ର ମୁଖ୍ୟ ଭାଗ ହେଉଛି ଆନୁଷ୍ଠାନିକ ଶିକ୍ଷା ଓ ଯାହାର ମୁଖ୍ୟ ସ୍ତମ୍ଭ ହେଉଛି ଶିକ୍ଷାନୁଷ୍ଠାନ। ଶିକ୍ଷାନୁଷ୍ଠାନ ର ପ୍ରଭାବ ଯେ ଛାତ୍ର ଜୀବନରେ କେତେ ତାହା ବୁଝାଇବା ଅନାବଶ୍ୟକ। ଯଦିଓ କିଛି ଜଣଙ୍କ କହିବା ଅନୁଯାୟୀ ପିଲା ଯେଉଁଠି ବି ଭଲ ପଢ଼ିବ ସେ ଆଗକୁ ବଢ଼ି ପାରିବ ହେଲେ ବାସ୍ତବିକ୍ ଭାବରେ ଦେଖିବାକୁ ଗଲେ ଶିକ୍ଷାନୁଷ୍ଠାନ ର ପ୍ରଭାବ କୁ ଆଡେ଼ଇ ଦିଆ ଯାଇ ନପାରେ।

ନିଜ ପାଇଁ ସଠିକ୍ ଶିକ୍ଷାନୁଷ୍ଠାନ କୁ ବାଛିବା ବି ସହଜ କଥା ନୁହେଁ। ଏହା ଅନେକ ଭାବରେ ପ୍ରଭାବିତ କରେ ଛାତ୍ର ର ଜୀବନ କୁ। ପ୍ରଥମେ ଯେତେବେଳେ ପିଲାଟି ଶିକ୍ଷା ଆରମ୍ଭ କରେ ସେତେବେଳେ ତାହା ସମ୍ପୂର୍ଣ୍ଣ ଭାବରେ ଅଭିଭାବକଙ୍କ ଉପରେ ନିର୍ଭର କରେ। ମୂଳ ଶିକ୍ଷାନୁଷ୍ଠାନ ଯଦିଓ ବହୁତ୍ କିଛି ପ୍ରଭାବିତ କରିପାରେ କିନ୍ତୁ ଏହା ଯେ ବ୍ୟକ୍ତି ର କେବଳ ଏକ ମୂଳ ସ୍ତର ଏହାର ଭୁଲ୍ କୁ ପରବର୍ତ୍ତୀ ସମୟରେ ସଂଶୋଧନ କରିହେବ। ତେଣୁ କେତେ ଗୋଟି କାରକ କୁ ଦୃଷ୍ଟି ରେ ରଖି ନିର୍ଦ୍ଧାରଣ କରିବାକୁ ହୁଏ ସେହି ଶିକ୍ଷାନୁଷ୍ଠାନ ଯାହାକୁ ଆମକୁ ନିଜକୁ ବାଛିବାକୁ ପଡ଼ିଥାଏ।

ପ୍ରଥମ ରେ ଆମକୁ ସେହି ଶିକ୍ଷାନୁଷ୍ଠାନ ବାଛିବା ଆବଶ୍ୟକ ଯିଏ ଆମ ଲକ୍ଷ ସ୍ଥଳ ପାଖକୁ ଆମକୁ ପହଞ୍ଚାଇବାରେ ସାହାଯ୍ୟ କରିବ। ପ୍ରାୟ ସମସ୍ତଙ୍କ ମନ ରେ ପ୍ରଥମ ରୁ ଆମର ଲକ୍ଷ ସ୍ଥଳ ପାଇଁ ଗୋଟିଏ ନକ୍ସା ବନା ହୋଇ ରହିଥାଏ ଆମକୁ ଦେଖିବାକୁ ହେବ କେଉଁ ଅନୁଷ୍ଠାନ ରେ ସମ୍ଭାବନା ର କିରଣ ଦେଖା ଯାଉଛି। ବିଜ୍ଞାପନ ରେ ତ ସମସ୍ତେ ନିଜକୁ ଉପଯୁକ୍ତ ଭାବରେ ଉପସ୍ଥାପନା କରନ୍ତି ହେଲେ ସେହି ଶିକ୍ଷା ଅନୁଷ୍ଠାନ କିପରି ଉପଯୁକ୍ତ କି ନାହିଁ ତାକୁ ବ୍ୟକ୍ତିଗତ ସ୍ତରରେ ଦେଖି ନିର୍ଦ୍ଧାରଣ କରିବାକୁ ପଡ଼ିଥାଏ।

ଦ୍ଵିତୀୟ ରେ ଆମକୁ କଲେଜ୍ ର କିଛି ବର୍ଷ ର ଫଳାଫଳ କୁ ନଜର ରଖିବାକୁ ହୁଏ ତାକୁ ଚୟନ କରିବାକୁ ହେଲେ। ଶିକ୍ଷାନୁଷ୍ଠାନ ର ପୁରାତନ ଇତିହାସ ଠୁ ବେଶୀ ଗୁରୁତ୍ୱପୂର୍ଣ୍ଣ ତାର କିଛି ବର୍ଷ ର ଇତିହାସ ଯାହା ଦ୍ଵାରା ଆପଣ ବର୍ତ୍ତମାନ ର ପାଠପଢ଼ା ଉପରେ ପାଖାପାଖି ଅନୁମାନ କରି ପାରିବା।

ତୃତୀୟରେ ଯଦି ପିଲାକୁ ପାଠ ପଢ଼ିବା ସହ ଅନ୍ୟ ପ୍ରକାର କଳା , ପ୍ରତିଭା ଓ କୌଶଳ ରେ ରୁଚି ଥାଏ ତେବେ ସେ ଏହି ଶିକ୍ଷାନୁଷ୍ଠାନ ରେ ଏହି ସମ୍ପର୍କିତ ପରିବେଶ , ସୁଯୋଗ ଓ ପ୍ରୋତ୍ସାହନ କୁ ଦୃଷ୍ଟି ଦେବାକୁ ହେବ ନହେଲେ ପରବର୍ତ୍ତୀ ସମୟରେ ତାକୁ ଭାରି ସଙ୍କୁଚିତ ଲାଗିବ। କାହିଁକି ନା ଏହାକୁ ନେଇ ମଧ୍ୟ ଭବିଷ୍ୟତ ଗଢ଼ା ଯାଇ ପାରିବ। ଯଦି ଏହି ସୁବିଧା ଓ ବିସ୍ତୃତି ତାଙ୍କୁ ମିଳି ପାରିବ ତେବେ ସବୁ ପ୍ରକାର ପିଲା ମାନଙ୍କ ଉନ୍ନତି ହୋଇ ପାରିବ।

ଚତୁର୍ଥ ରେ ଶିକ୍ଷାନୁଷ୍ଠାନ ରେ ଶିକ୍ଷକ ମାନଙ୍କ ବିଷୟରେ ଓ ସେଠାକାର ପିଲା ମାନଙ୍କ ପରିବେଶ ବିଷୟରେ ଜାଣିବା ମଧ୍ୟ ଆବଶ୍ୟକ ହୋଇଥାଏ। ସିନିୟର୍ ଜୁନିୟର ଙ୍କ ସମ୍ପର୍କ , ଶିକ୍ଷକ ଛାତ୍ର ମାନଙ୍କ ସମ୍ପର୍କ ବି ପିଲା ର ସାମଗ୍ରିକ ବିକାଶ କୁ ପ୍ରଭାବିତ କରେ।

ପଞ୍ଚମ ରେ ଶିକ୍ଷାନୁଷ୍ଠାନ ର location ବିଷୟରେ ବି ଅବଗତ ହେବା ନିହାତି ଆବଶ୍ୟକ। ସେହି ଅନୁଷ୍ଠାନ କୁ ଆପଣଙ୍କ ଯିବା ଆସିବା ସୁବିଧା , ଛାତ୍ର ଆବାସ ଅଛି କି ନାହିଁ , ରହିବା ଖାଇବାର ସୁବିଧା ଇତ୍ୟାଦି ସମ୍ପର୍କ ରେ ମଧ୍ୟ ଦୃଷ୍ଟି ଦେବା ଆବଶ୍ୟକ। ଏହାକୁ ଦୃଷ୍ଟି ନ ଦେଲେ ପରବର୍ତ୍ତୀ ସମୟରେ ଅସୁବିଧା ହୁଏ କେତେବେଳେ ଅଧା ରୁ ଶିକ୍ଷାନୁଷ୍ଠାନ ଛାଡ଼ିବାକୁ ହୁଏ ତ କେତେବେଳେ ଅନେକ କିଛି ତ୍ୟାଗ କରିବାକୁ ହୁଏ ସମୟ ସମୟରେ ନିଜ ସ୍ବାସ୍ଥ୍ୟ କୁ ବି ଜଳାଞ୍ଜଳି ଦେବାକୁ ପଡ଼ି ଥାଏ।

ଷଷ୍ଠ ରେ ଏକ ଗୁରୁତ୍ୱପୂର୍ଣ୍ଣ ବିଷୟ ଯାହା ସମସ୍ତଙ୍କ ପାଇଁ ଲାଗୁ ନୁହେଁ କିନ୍ତୁ ଯାହା ପାଇଁ ଲାଗୁ ତାହାର ବୁଝିବା ନିହାତି ଆବଶ୍ୟକ ତାହା ହେଉଛି ଶିକ୍ଷାନୁଷ୍ଠାନ ରେ ଲାଗୁଥିବା ଅର୍ଥ। କେତେ କଣ ଅର୍ଥ ଲାଗିବ ତାହା ଗରିବ ହୁଅନ୍ତୁ କି ମଧ୍ୟବିତ୍ତ ଜାଣିବା ଆବଶ୍ୟକ। ସେହି ହିସାବରେ ସେମାନେ ପ୍ରସ୍ତୁତ ରହିବେ ନଚେତ୍ ଅର୍ଥ ର ବୋଝ ଅନେକାଂଶ ରେ ପାଠ ପଢ଼ା କୁ ପ୍ରଭାବିତ କରେ। ତେଣୁ ନିଜର ଅର୍ଥ ସହ ଯଦି study loan ଉପଲବ୍ଧ ତାହାର ମଧ୍ୟ ବ୍ୟବହାର କରିହେବ।

ଏହି ପରି ଅନେକ କାରକ ଅଛି ଯାହାକୁ ଗୋଟିଏ ଶିକ୍ଷାନୁଷ୍ଠାନ ବାଛିବା ପୂର୍ବରୁ ଦେଖିବା ଆବଶ୍ୟକ। ଏମିତି ଅନେକ ସମୟରେ ନିଜ ମନ ପସନ୍ଦ ର ଶିକ୍ଷାନୁଷ୍ଠାନ ମିଳି ପାରି ନ ଥାଏ ହେଲେ ସେଥିରେ ଶିକ୍ଷା ଅଟକି ଯାଇ ନଥାଏ କି ଯିବା ବି ଉଚିତ୍ ନୁହେଁ। ଦେଖିବାକୁ ଗଲେ ପ୍ରତ୍ୟେକ ଶିକ୍ଷାନୁଷ୍ଠାନ ରେ କିଛି ବିଶେଷତ୍ଵ ଓ କିଛି ଖରାପ ରହିଥାଏ। ପ୍ରତ୍ୟେକ ପିଲା ଉପରେ ନିର୍ଭର କରେ ସେ ତାହାକୁ କେମିତି ଉପଯୋଗ କରୁଛି। ଯଦି ସେହି ଛାତ୍ର ଛାତ୍ରୀ ଚାହିଁବେ ପଙ୍କ ରେ ପଦ୍ମ ଫୁଟିଲା ଭଳି ସବୁ ଅନୁଷ୍ଠାନ କୁ ଭଲ କରିଦେବେ।

ଗୋଟିଏ ଶିକ୍ଷାନୁଷ୍ଠାନ ଅନେକ ଗୁଡ଼ିଏ ଜିନିଷ ନେଇ ଗଢ଼ି ଉଠି ଥାଏ। ସବୁ ଜିନିଷ ମଧ୍ୟରେ ସମନ୍ଵୟ ରହିଲେ ଶିକ୍ଷାନୁଷ୍ଠାନ ସୁଦୃଢ଼ ରୁହେ। ବିଭିନ୍ନ ଦୃଷ୍ଟି ରୁ ବିଚାର କରି ଶିକ୍ଷାନୁଷ୍ଠାନ ଚୟନ କରିବା ଆବଶ୍ୟକ ଓ ଏହା ପରେ ସବୁ ଦୋଷ ଶିକ୍ଷାନୁଷ୍ଠାନ ଉପରେ ଲଦି ନଦେଇ ନିଜର କର୍ମ ବି ସଠିକ୍ କରିବା ଆବଶ୍ୟକ। ଯାହା ଆପଣଙ୍କ ଭବିଷ୍ୟତ କୁ ଉଜ୍ଜଳ କରିବା ସହ ଆପଣଙ୍କୁ ଜଣେ ଦାୟିତ୍ବବାନ ନାଗରିକ ଭାବରେ ବିବେଚିତ କରାଇଥାଏ।

ଆଶା କରୁଛି ଆପଣଙ୍କୁ ଏହି ବ୍ଲଗ୍ ଟି ପସନ୍ଦ ଆସିଥିବ। ପଢ଼ିଥିବା ପାଇଁ ଧନ୍ୟବାଦ।

କୈବଲ୍ୟ ନାୟକ।

Kaibalya Nayak

ଶିକ୍ଷାନୁଷ୍ଠାନ ଚୟନ କରିବେ କିପରି? How to choose right education institute?

Education ଶିକ୍ଷା