ସବୁଜ ବନାନୀ ରେ ସୁସଜ୍ଜିତ ପ୍ରକୃତି ମାଆ କୋଳ ର ଶୋଭା ମଣ୍ଡନ କରୁଛି ଓଡି଼ଶା ର ମୟୁରଭଞ୍ଜ ଜିଲ୍ଲା ରେ ଅବସ୍ଥିତ ଶିମିଳିପାଳ ଜାତୀୟ ଉଦ୍ୟାନ। ଏହି ଅଭୟାରଣ୍ୟ କେବଳ ସବୁଜ ବନାନୀ ରେ ପରିପୂର୍ଣ୍ଣ ତାହା ନୁହଁ ପାହାଡ଼ ଝରଣା ନଦୀ ଗୁଡିକ ତାର ପ୍ରାକୃତିକ ଶୋଭାରାଜି କୁ ଦ୍ୱିଗୁଣିତ କରନ୍ତି।

ଏଠି ତରୁ ଲତା ରେ ଫୁଟୁଥିବା ପ୍ରତିଟି ଫୁଲ ବଦମାସ୍ ଭ୍ରମର ମାନଙ୍କ ତୃଷ୍ଣା ମେଣ୍ଟାନ୍ତି। ଏଠି ଏ ଡାଳରୁ ସେ ଡାଳକୁ ଉଡୁଥିବା ବିହଙ୍ଗ ମାନେ ପ୍ରେମ ପ୍ରଣୟ ର ଗୀତ ଗାଆନ୍ତି। ସେ ପ୍ରେମ ପ୍ରଣୟ ର ଗୀତ ଶୁଣି ଝରଣା ନାଚି ନାଚି ନଦୀ ହୋଇ ବହି ଯାଏ। ତାର ମଧୁର ସୁଗନ୍ଧି ଅମୃତ ଜଳ ପାନ କରି ଅରଣ୍ୟ ରେ ବସବାସ ଜୀବଜନ୍ତୁ ମାନେ ଆନନ୍ଦ ଲଭନ୍ତି।

କିନ୍ତୁ ସବୁବେଳେ ଏ ଆନନ୍ଦ ରହେନି।

ବେଳେ ବେଳେ ଶୁଣିବାକୁ ମିଳେ ଅରଣ୍ୟ ରୋଦନ।

ପ୍ରାକୃତିକ ଭାବେ ଜଙ୍ଗଲ ତ ଜଳେ କିନ୍ତୁ ଏ ବେଦରଦୀ ମଣିଷ ବି ତାର ନିହିତ ସ୍ୱାର୍ଥ ପାଇଁ ଜଙ୍ଗଲି ଜନ୍ତୁ ଶିକାର କରେ ଆଉ ଜଙ୍ଗଲ ଜାଳେ। ଆପଣ ମାନେ ବିଭିନ୍ନ ଗଣ ମାଧ୍ୟମ ରେ ପ୍ରକାଶିତ ଅନେକ ଗୁଡିଏ ଘଟଣା ଶୁଣିବାକୁ ଦେଖିବାକୁ ପାଇଥିବେ। ସେ ସବୁ ର ମୂକସାକ୍ଷୀ ଏ ଶିମିଳିପାଳ ଅଭୟାରଣ୍ୟ।

ଜୈବ ବିବିଧତା ଗନ୍ତାଘର ଏ ଅଭୟାରଣ୍ୟ ର ଜୀବଜନ୍ତୁ ଓ ସବୁଜ ବନାନୀ କୁ ସୁରକ୍ଷିତ ରଖିବା ପାଇଁ ଅନେକ ଗୁଡ଼ିଏ ସାମାଜିକ ସଂଗଠକ ଓ ବନବିଭାଗ ତାଙ୍କ ପ୍ରଚେଷ୍ଟା ଜାରିରଖିଛନ୍ତି।

ଆପଣ ମାନେ ଜାଣିଛନ୍ତି କି ? ଏହା ଦେଶର ସର୍ବବୃହତ ବିଷୁବ ମଣ୍ଡଳୀୟ ଜଙ୍ଗଲ ଅଟେ।ଏହି ଅଭୟାରଣ୍ୟର ଆୟତନ 845.70 ବର୍ଗ କିଲୋମିଟର ।

ସରକାରଙ୍କ ଗଣନା ଅନୁସାରେ ଶିମିଳିପାଳ ଅଭୟାରଣ୍ୟରେ 1015 ଜାତିର ଉଦ୍ଭିଦ, 149 ଜାତିର ପ୍ରାଣୀ, 46 ପ୍ରକାର ସ୍ତନ୍ୟପାୟୀ ପ୍ରାଣୀ, 62 ପ୍ରକାର ପକ୍ଷୀ, 29 ପ୍ରକାର ସରୀସୃପ ଓ 12 ପ୍ରକାର ଉଭୟଚର ଜୀବଜନ୍ତୁ ବାସ କରନ୍ତି ।

ମୁଖ୍ୟତଃ କେଉଁ ଜୀବଜନ୍ତୁ ବାସ କରନ୍ତି-

ଏଠାରେ ମୁଖ୍ୟତଃ ବାଘ, ଜଙ୍ଗଲ ବିରାଡ଼ି,ଓ ଗଧିଆ,

ହାତୀ, ଗୟଳ, ସମ୍ବର, କୁଟୁରା, ହରିଣ, ଗୁରାଣ୍ଡି,ବାରହା, ବଜ୍ରକାପ୍ତା, ଝିଙ୍କ, କଇଁଛ, ଅଜଗର ଏବଂ ମଗର ଜାତୀୟ କୁମ୍ଭୀର ଜୀବଜନ୍ତୁ ଦେଖିବାକୁ ମିଳିଥାନ୍ତି । ଏହି ଅଭୟାରଣ୍ୟ ବାଘ ମାନଙ୍କ ନିବାସ ସ୍ଥାନ ପାଇଁ ତାର ସ୍ଵତନ୍ତ୍ର ପରିଚୟ ସୃଷ୍ଟି କରିଛି।

ଶିମିଳିପାଳ ଅଭୟାରଣ୍ୟ ମଧ୍ୟଦେଇ କେଉଁ ଛୋଟ ବଡ଼ ନଦୀ ଗୁଡିକ ପ୍ରବାହିତ -

ଶିମିଳିପାଳ ପର୍ବତମାଳାର ସଂକୀର୍ଣ୍ଣ ଉପତ୍ୟକା ମଧ୍ୟ ଦେଇ ବୁଢ଼ାବଳଙ୍ଗ, ଗଙ୍ଗାହାର, ସୋନ, ଦେଓ, ସଞ୍ଜ, ଖଇରୀ, ହଣ୍ଡନ ଓ ସାଳନ୍ଦୀ ଇତ୍ୟାତି ନଦୀ ପ୍ରବାହିତ ।

ଜଳ ପ୍ରପାତ -

ଅନେକ ଗୁଡ଼ିଏ ଜଳପ୍ରପାତ ଅଛି ସେଥିମଧ୍ୟରୁ ବରେହିପାଣି ଜଳପ୍ରପାତ, ଯୋରନ୍ଦା ଜଳପ୍ରପାତ,ସୀତାକୁଣ୍ଡ ଜଳପ୍ରପାତ, ଦେବକୁଣ୍ଡ, ବ୍ରାହ୍ମଣକୁଣ୍ଡ, ଉସୁକି ଜଳପ୍ରପାତ ଅନ୍ୟତମ।

ଭ୍ରମଣ ସ୍ଥାନ-

ପ୍ରାୟତଃ ବର୍ଷା ସମୟରେ ରେ ଏହି ଜାତୀୟ ଉଦ୍ୟାନ ବନ୍ଦ ରହେ। ଭ୍ରମଣ ନିମନ୍ତେ ଶୀତ ସମୟ ଅନୁକୁଳ ଅଟେ। ମୁଖ୍ୟତଃ ସକାଳ 6 ଟାରୁ 9 ଟା ପର୍ଯ୍ୟନ୍ତ ପର୍ଯ୍ୟଟକଙ୍କ ପାଇଁ ପ୍ରବେଶ ଅନୁମତି ରହିଛି। ପର୍ଯ୍ୟଟକମାନଙ୍କ ପାଇଁ ଅଭୟାରଣ୍ୟ କର୍ତ୍ତୃପକ୍ଷ ସମସ୍ତ ପ୍ରକାର ବନ୍ଦୋବସ୍ତ କରିଛନ୍ତି।

ଏଠାରେ ଜଳପ୍ରପାତ, ପର୍ବତ ଏବଂ ସବୁଜ ବନାନୀ ରେ ସୁସଜ୍ଜିତ ବନଭୂମି ସହ ଟାଇଗର ରିଜର୍ଭ, ଭ୍ରମଣ ନିମନ୍ତେ ଉଦ୍ଦିଷ୍ଟ। ତାଛଡ଼ା ଆସୁଥିବା ପର୍ଯ୍ୟଟକମାନଙ୍କ ପାଇଁ ନେଚର କ୍ୟାମ୍ପ ର ସୁବିଧା ମଧ୍ଯ ଉପଲବ୍ଧ ଅଛି।

ମାନ୍ୟତା

ଶିମିଳିପାଳକୁ May - 27, 2009 ୟୁନେସ୍କୋ ତରଫରୁ ବିଶ୍ୱ ଐତିହ୍ୟ ମାନ୍ୟତା ପ୍ରଦାନ କରାଯାଇଛି ।

ଉପସ୍ଥାପନା - ଇଂ ସଂଗ୍ରାମ କେଶରୀ ମିଶ୍ର

ନରସିଂହପୁର, ଧୁଷୁରୀ, ଭଦ୍ରକ

ଯୋଗାଯୋଗ - 8984136323

ଶିମିଳିପାଳ /Similipal

ପ୍ରାକୃତିକ ଶୋଭାରାଜି ରେ ଭରପୁର ଶିମିଳିପାଳ ।