ଦେବ ଦେବ ମହାଦେବ
ହରି ଓଁ ଶମ୍ଭୁ ଶଙ୍କର
ବିଶ୍ଵର କଲ୍ୟାଣ ପାଇଁ
ସର୍ବଦା ତୁମେ ଆତୁର

ନିରାଡ଼ମ୍ବର ନିରାକାର
ତୁମେ ହିଁ ତ ଓଁକାର
ଶୂନ୍ୟରେ ଗରଜି ଉଠେ
ନାମ ସେ ତ ଶିବଶଙ୍କର

ହରହର ଦୁଃଖ ହର
ହରହର ଦିନ ହର
ହରହର ଦୟା ହର
ହରହର ନାଶ ହର

ସୃଷ୍ଟି ତୁ ବିନାଶ ତୁ
ତୁ ତ ସର୍ବ ଭୟଙ୍କର
ଇତଃ ତତଃ ସର୍ବ ସ୍ଥିତ
ତୁହି ଭୋଳା ଶଙ୍କର

ତ୍ରିଶୂଳ ହାତେ ଧରିଣ
ତ୍ରିଯୁଗ କର ଧାରଣ
ଡମ୍ବରୁ ହାତେ ଧରିଲେ
ନାଚନ୍ତି ସର୍ବ ଜନଗଣ

ଝଟାରେ ଗଙ୍ଗା ଶୋଭିତ
କଣ୍ଠରେ ବିଷ ପ୍ରସାରିତ
ଗଳାରେ ନାଗେଶ୍ଵର
ଅଣ୍ଟାରେ ବାଘେଶ୍ଵର

ଭକ୍ତ ତାଙ୍କର ଦାନବ
ନୃତ୍ୟ ତାଙ୍କର ତାଣ୍ଡବ
ତୃତୀୟ ନୟନ କରେ ନାଶ
କୈଳାଶରେ ତାଙ୍କ ବାସ

ହରିହର କ୍ଲେଶ ହର
ହରିହର ପାପ ହରଣ
ହରିହର ନାଶ ହର
ହରିହର ମହେଶ୍ୱର

ସୁନୀଲ୍ କୁମାର୍ ଚୈାଧୁରୀ

Shiva ଶିବଶଙ୍କର

Shiva Sankar