*💥💥ଶ୍ରୀ ଦେବୀ ପ୍ରଣାମଃ💥💥*

।। ଓଁ ମାତା ଶ୍ରୀଦୁର୍ଗାୟୈ ନମଃ ।।

ଓଁ

ତ୍ୱମେବ ସର୍ବଜନନୀ ମୂଳପ୍ରକୃତିଃ ଈଶ୍ୱରୀ ।

ତ୍ୱମେବ ଆଦ୍ୟା ସୃଷ୍ଟିବିଧୌ ସ୍ୱେଚ୍ଛୟା ତ୍ରିଗୁଣାତ୍ମିକା ॥ ୭॥

କାର୍ଯ୍ୟାର୍ଥେ ସଗୁଣା ତ୍ୱଞ୍ଚ ବସ୍ତୁତୋ ନିର୍ଗୁଣା ସ୍ୱୟମ୍ ।

ପରବ୍ରହ୍ମସ୍ୱରୂପା ତ୍ୱଂ ସତ୍ୟା ନିତ୍ୟା ସନାତନୀ ॥ ୮॥

ତେଜଃ ସ୍ଵରୂପା ପରମା ଭକ୍ତାନୁଗ୍ରବିଗ୍ରହା ।

ସର୍ବସ୍ୱରୂପା ସର୍ବେଶା ସର୍ବାଧାରା ପରାତ୍ପରା ॥ ୯॥

ସର୍ବବୀଜସ୍ୱରୂପା ଚ ସର୍ବପୂଜ୍ୟା ନିରାଶ୍ରୟା ।

ସର୍ବଜ୍ଞା ସର୍ବତୋଭଦ୍ରା ସର୍ବମଙ୍ଗଳମଙ୍ଗଳା ॥ ୧୦॥

ସର୍ବବୁଦ୍ଧିସ୍ୱରୂପା ଚ ସର୍ବଶକ୍ତିସ୍ୱରୂପିଣୀ ।

ସର୍ବଜ୍ଞାନପ୍ରଦା ଦେବୀ ସର୍ବଜ୍ଞା ସର୍ବଭାବିନୀ ॥ ୧୧॥

ତ୍ୱଂ ସ୍ୱାହା ଦେବଦାନେ ଚ ପିତୃଦାନେ ସ୍ୱଧା ସ୍ୱୟମ୍ ।

ଦକ୍ଷିଣା ସର୍ବଦାନେ ଚ ସର୍ବଶକ୍ତିସ୍ୱରୂପିଣୀ ॥ ୧୨॥

ନିଦ୍ରା ତ୍ୱଂ ଚ ଦୟା ତ୍ୱଂ ଚ ତୃଷ୍ଣା ତ୍ୱଂ ଚାତ୍ମନଃ ପ୍ରିୟା ।

କ୍ଷୁତ୍କ୍ଷାନ୍ତିଃ ଶାନ୍ତିରୀଶା ଚ କାନ୍ତିଃ ସୃଷ୍ଟିଶ୍ଚ ଶାଶ୍ୱତୀ ॥ ୧୩॥

ଶ୍ରଦ୍ଧା ପୁଷ୍ଟିଶ୍ଚ ତନ୍ଦ୍ରା ଚ ଲଜ୍ଜା ଶୋଭା ଦୟା ତଥା ।

ସତାଂ ସମ୍ପତ୍ସ୍ୱରୂପା ଶ୍ରୀର୍ବିପତ୍ତିରସତାମିହ ॥ ୧୪॥

ପ୍ରୀତିରୂପା ପୁଣ୍ୟବତାଂ ପାପିନାଂ କଳହାଙ୍କୁରା ।

ଶଶ୍ୱତ୍କର୍ମମୟୀ ଶକ୍ତିଃ ସର୍ବଦା ସର୍ବଜୀବିନାମ୍ ॥ ୧୫॥

ଦେବେଭ୍ୟଃ ସ୍ୱପଦୋଦାତ୍ରୀ ଧାତୁର୍ଧାତ୍ରୀ କୃପାମୟୀ ।

ହିତାୟ ସର୍ବଦେବାନାଂ ସର୍ବାସୁରବିନାଶିନୀ ॥ ୧୬॥

ଯୋଗିନିଦ୍ରା ଯୋଗରୂପା ଯୋଗଦାତ୍ରୀ ଚ ଯୋଗିନାମ୍ ।

ସିଦ୍ଧିସ୍ୱରୂପା ସିଦ୍ଧାନାଂ ସିଦ୍ଧିଦା ସିଦ୍ଧଯୋଗିନୀ ॥ ୧୭॥

ବ୍ରହ୍ମାଣୀ ମାହେଶ୍ୱରୀ ଚ ବିଷ୍ଣୁମାୟା ଚ ବୈଷ୍ଣବୀ ।

ଭଦ୍ରଦା ଭଦ୍ରକାଳୀ ଚ ସର୍ବଲୋକଭୟଙ୍କରୀ ॥ ୧୮॥

ଗ୍ରାମେ ଗ୍ରାମେ ଗ୍ରାମଦେବୀ ଗୃହଦେବୀ ଗୃହେ ଗୃହେ ।

ସତାଂ କୀର୍ତ୍ତିଃ ପ୍ରତିଷ୍ଠା ଚ ନିନ୍ଦା ତ୍ୱମସତାଂ ସଦା ॥ ୧୯॥

ମହାଯୁଦ୍ଧେ ମହାମାରୀ ଦୁଷ୍ଟସଂହାରରୂପିଣୀ ।

ରକ୍ଷାସ୍ୱରୂପା ଶିଷ୍ଟାନାଂ ମାତେବ ହିତକାରିଣୀ ॥ ୨୦॥

ବନ୍ଦ୍ୟା ପୂଜ୍ୟା ସ୍ତୁତା ତ୍ୱଂ ଚ ବ୍ରହ୍ମାଦୀନାଂ ଚ ସର୍ବଦା ।

ବ୍ରାହ୍ମଣ୍ୟରୂପା ବିପ୍ରାଣାଂ ତପସ୍ୟା ଚ ତପସ୍ୱିନାମ୍ ॥ ୨୧॥

ବିଦ୍ୟା ବିଦ୍ୟାବତାଂ ତ୍ୱଂ ଚ ବୁଦ୍ଧିର୍ବୁଦ୍ଧିମତାଂ ସତାମ୍ ।

ମେଧା ସ୍ମୃତିସ୍ୱରୂପା ଚ ପ୍ରତିଭା ପ୍ରତିଭାବତାମ୍ ॥ ୨୨॥

ରାଜ୍ଞାଂ ପ୍ରତାପରୂପା ଚ ବିଶାଂ ବାଣିଜ୍ୟରୂପିଣୀ ।

ସୃଷ୍ଟୌ ସୃଷ୍ଟିସ୍ୱରୂପା ତ୍ୱଂ ରକ୍ଷାରୂପା ଚ ପାଳନେ ॥ ୨୩॥

ତଥାଽନ୍ତେ ତ୍ୱଂ ମହାମାରୀ ବିଶ୍ୱେ ବିଶ୍ୱୈଶ୍ଚ ପୂଜିତେ ।

କାଳରାତ୍ରିର୍ମହାରାତ୍ରିର୍ମୋହରାତ୍ରିଶ୍ଚ ମୋହିନୀ ॥ ୨୪॥

ଦୁରତ୍ୟଯା ମେ ମାୟା ତ୍ୱଂ ଯୟା ସମ୍ମୋହିତଂ ଜଗତ୍ ।

ଯୟା ମୁଗ୍ଧୋ ହି ବିଦ୍ୱାଂଶ୍ଚ ମୋକ୍ଷମାର୍ଗଂ ନ ପଶ୍ୟତି ॥ ୨୫॥

ଇତ୍ୟାତ୍ମନା କୃତଂ ସ୍ତୋତ୍ରଂ ଦୁର୍ଗାୟା ଦୁର୍ଗନାଶନମ୍ ।

ପୂଜାକାଳେ ପଠେଦ୍ୟୋ ହି ସିଦ୍ଧିର୍ଭବତି ବାଞ୍ଛିତା ॥ ୨୬॥

ବନ୍ଧ୍ୟା ଚ କାକବନ୍ଧ୍ୟା ଚ ମୃତବତ୍ସା ଚ ଦୁର୍ଭଗା ।

ଶ୍ରୁତ୍ୱା ସ୍ତୋତ୍ରଂ ବର୍ଷମେକଂ ସୁପୁତ୍ରଂ ଲଭତେ ଧୁବମ୍ ॥ ୨୭॥

କାରାଗାରେ ମହାଘୋରେ ଯୋ ବଦ୍ଧୋ ଦୃଢବନ୍ଧନେ ।

ଶ୍ରୁତ୍ୱା ସ୍ତୋତ୍ରଂ ମାସମେକଂ ବନ୍ଧନାନ୍ମୁଚ୍ୟତେ ଧୁବମ୍ ॥ ୨୮॥

ଯକ୍ଷ୍ମାଗ୍ରସ୍ତୋ ଗଳତ୍କୁଷ୍ଠୀ ମହାଶୂଳୀ ମହାଜ୍ୱରୀ ।

ଶ୍ରୁତ୍ୱା ସ୍ତୋତ୍ରଂ ବର୍ଷମେକଂ ସଦ୍ୟୋ ରୋଗାତ୍ପ୍ରମୁଚ୍ୟତେ ॥ ୨୯॥

ପୁତ୍ରଭେଦେ ପ୍ରଜାଭେଦେ ପତ୍ନୀଭେଦେ ଚ ଦୁର୍ଗତଃ ।

ଶ୍ରୁତ୍ୱା ସ୍ତୋତ୍ରଂ ମାସମେକଂ ଲଭତେ ନାତ୍ର ସଂଶୟଃ ॥ ୩୦॥

ରାଜଦ୍ୱାରେ ଶ୍ମଶାନେ ଚ ମହାରଣ୍ୟେ ରଣସ୍ଥଳେ ।

ହିଂସ୍ରଜନ୍ତୁସମୀପେ ଚ ଶ୍ରୁତ୍ୱା ସ୍ତୋତ୍ରଂ ପ୍ରମୁଚ୍ୟତେ ॥ ୩୧॥

ଗୃହଦାହେ ଚ ଦାବାଗ୍ନୌ ଦସ୍ୟୁସୈନ୍ୟସମନ୍ୱିତେ ।

ସ୍ତୋତ୍ରଶ୍ରବଣମାତ୍ରେଣ ଲଭତେ ନାତ୍ର ସଂଶୟଃ ॥ ୩୨॥

ମହାଦରିଦ୍ରୋ ମୂର୍ଖଶ୍ଚ ବର୍ଷଂ ସ୍ତୋତ୍ରଂ ପଠେତ୍ତୁ ଯଃ ।

ବିଦ୍ୟାବାନ୍ଧନବାଂଶ୍ଚୈବ ସ ଭବେନ୍ନାତ୍ର ସଂଶୟଃ ॥ ୩୩॥

🙏ଜୟ ମା ଦୁର୍ଗା🙏