॥ ଅଥ ଦେଵ୍ୟାଃ କୀଳକ ସ୍ତୋତ୍ରମ୍ ॥

ଵିନିଯୋଗ:- ଓଁ ଅସ୍ୟ ଶ୍ରୀକୀଳକ ମନ୍ତ୍ରସ୍ୟ, ଶିଵଋଷିଃ, ଅନୁଷ୍ଟୁପ୍ ଛନ୍ଦଃ, ଶ୍ରୀମହାସରସ୍ଵତୀ ଦେଵତା, ଶ୍ରୀଜଗଦମ୍ବା ପ୍ରୀତ୍ୟର୍ଥଂ ସପ୍ତଶତୀପାଠାଙ୍ଗତ୍ଵେନ ଜପେ ଵିନିଯୋଗଃ II

॥ ଓଁ ନମଶ୍ଚଣ୍ଡିକାୟୈ ॥ ମାର୍କଣ୍ଡେୟ ଉଵାଚ ।

ଓଁ ଵିଶୁଦ୍ଧଜ୍ଞାନଦେହାୟ ତ୍ରିଵେଦୀ ଦିଵ୍ୟଚକ୍ଷୁଷେ ।

ଶ୍ରେୟଃ ପ୍ରାପ୍ତିନିମିତ୍ତାୟ ନମଃ ସୋମାର୍ଧଧାରିଣେ ॥ ୧॥

ସର୍ଵମେତଦ୍ଵିଜାନୀଯା ନ୍ମନ୍ତ୍ରାଣାମପି କୀଲକମ୍ ।

ସୋଽପି କ୍ଷେମମଵାପ୍ନୋତି ସତତଂ ଜପ୍ୟତତ୍ପରଃ ॥ ୨॥

ସିଦ୍ଧ୍ୟନ୍ତ୍ୟୁଚ୍ଚାଟନାଦୀନି କର୍ମାଣି ସକଲାନ୍ୟପି ।

ଏତେନ ସ୍ତୁଵତାଂ ଦେଵୀଂ ସ୍ତୋତ୍ରଵୃନ୍ଦେନ ଭକ୍ତିତଃ ॥ ୩॥

ନ ମନ୍ତ୍ରୋ ନୌଷଧଂ ତସ୍ୟ ନ କିଞ୍ଚିଦପି ଵିଦ୍ୟତେ ।

ଵିନା ଜପ୍ୟେନ ସିଦ୍ଧ୍ୟେତ୍ତୁ ସର୍ଵମୁଚ୍ଚାଟନାଦିକମ୍ ॥ ୪॥

ସମଗ୍ରାଣ୍ୟପି ସେତ୍ସ୍ୟନ୍ତି ଲୋକଶଙ୍କାମିମାଂ ହରଃ ।

କୃତ୍ଵା ନିମନ୍ତ୍ରଯା ମାସ ସର୍ଵମେଵମିଦଂ ଶୁଭମ୍ ॥ ୫॥

ସ୍ତୋତ୍ରଂ ଵୈ ଚଣ୍ଡିକାଯା ସ୍ତୁ ତଚ୍ଚ ଗୁହ୍ୟଂ ଚକାର ସଃ ।

ସମାପ୍ନୋତି ସ ପୁଣ୍ୟେନ ତାଂ ୟଥାଵନ୍ନିମନ୍ତ୍ରଣାମ୍ ॥ ୬॥

ସୋଽପି କ୍ଷେମମଵାପ୍ନୋତି ସର୍ଵମେଵ ନ ସଂଶୟଃ ।

କୃଷ୍ଣାୟାଂ ଵା ଚତୁର୍ଦଶ୍ୟାମଷ୍ଟମ୍ୟାଂ ଵା ସମାହିତଃ ॥ ୭॥

ଦଦାତି ପ୍ରତିଗୃହ୍ଣାତି ନାନ୍ୟଥୈଷା ପ୍ରସୀଦତି ।

ଇତ୍ଥଂ ରୂପେଣ କୀଲେନ ମହାଦେଵେନ କୀଲିତମ୍ ॥ ୮॥

ୟୋ ନିଷ୍କୀଲାଂ ଵିଧାୟୈନାଂ ଚଣ୍ଡୀଂ ଜପତି ନିତ୍ୟଶଃ ।

ସ ସିଦ୍ଧଃ ସ ଗଣଃ ସୋଽଥ ଗନ୍ଧର୍ଵୋ ଜାୟତେ ଧ୍ରୁଵମ୍ ॥ ୯॥

ନ ଚୈଵାପାଟଵଂ ତସ୍ୟ ଭୟଂ କ୍ଵାପି ନ ଜାୟତେ ।

ନାପମୃତ୍ୟୁଵଶଂ ଯା ତି ମୃତେ ଚ ମୋକ୍ଷମାପ୍ନୁଯା ତ୍ ॥ ୧୦॥

ଜ୍ଞାତ୍ଵା ପ୍ରାରଭ୍ୟ କୁର୍ଵୀତ ହ୍ୟକୁର୍ଵାଣୋ ଵିନଶ୍ୟତି ।

ତତୋ ଜ୍ଞାତ୍ଵୈଵ ସମ୍ପୂର୍ଣମିଦଂ ପ୍ରାରଭ୍ୟତେ ବୁଧୈଃ ॥ ୧୧॥

ସୌଭାଗ୍ୟାଦି ଚ ୟତ୍କିଞ୍ଚିଦ୍ ଦୃଶ୍ୟତେ ଲଲନାଜନେ ।

ତତ୍ସର୍ଵଂ ତତ୍ପ୍ରସାଦେନ ତେନ ଜପ୍ୟମିଦମ୍ ଶୁଭମ୍ ॥ ୧୨॥

ଶନୈସ୍ତୁ ଜପ୍ୟମାନେଽସ୍ମିନ୍ ସ୍ତୋତ୍ରେ ସମ୍ପତ୍ତିରୁଚ୍ଚକୈଃ ।

ଭଵତ୍ୟେଵ ସମଗ୍ରାପି ତତଃ ପ୍ରାରଭ୍ୟମେଵ ତତ୍ ॥ ୧୩॥

ଐଶ୍ଵର୍ୟଂ ତତ୍ପ୍ରସାଦେନ ସୌଭାଗ୍ୟାରୋଗ୍ୟମେଵ ଚ ।

ଶତ୍ରୁହାନିଃ ପରୋ ମୋକ୍ଷଃ ସ୍ତୂୟତେ ସା ନ କିଂ ଜନୈଃ ॥ ୧୪॥

ଚଣ୍ଡିକାଂ ହୃଦୟେନାପି ୟଃ ସ୍ମରେତ୍ ସତତଂ ନରଃ ।

ହୃଦ୍ୟଂ କାମମଵାପ୍ନୋତି ହୃଦି ଦେଵୀ ସଦା ଵସେତ୍ ॥ ୧୫॥

ଅଗ୍ରତୋଽମୁଂ ମହାଦେଵକୃତଂ କୀଲକଵାରଣମ୍ ।

ନିଷ୍କୀଲଞ୍ଚ ତଥା କୃତ୍ଵା ପଠିତଵ୍ୟଂ ସମାହିତୈଃ ॥ ୧୬॥

॥ ଇତିଶ୍ରୀ ଦେଵ୍ୟାଃ କୀଲକସ୍ତୋତ୍ରଂ ସମାପ୍ତମ୍ II

ଶ୍ରୀ ଦୁର୍ଗା ସପ୍ତଶତୀ : ଦେଵୀ କୀଳକ ସ୍ତୋତ୍ରମ୍