// ଶ୍ରୀଦୁର୍ଗାଷ୍ଟୋତ୍ତରଶତନାମସ୍ତୋତ୍ରମ୍ //

•••••••••••••••••••••••••••••••••••••••

ଅଥ ଶ୍ରୀଦୁର୍ଗାଷ୍ଟୋତ୍ତରଶତନାମସ୍ତୋତ୍ରମ୍ ||

ଈଶ୍ୱର ଉବାଚ ।

ଶତନାମ ପ୍ରବକ୍ଷ୍ୟାମି ଶୃଣୁଷ୍ୱ କମଳାନନେ ।

ଯସ୍ୟ ପ୍ରସାଦ ମାତ୍ରେଣ ଦୁର୍ଗା ପ୍ରୀତା ଭବେତ୍ ସତୀ ॥ ୧॥

ଓଁ ସତୀ ସାଧ୍ୱୀ ଭବପ୍ରୀତା ଭବାନୀ ଭବମୋଚନୀ ।

ଆର୍ଯ୍ୟା ଦୁର୍ଗା ଜୟା ଚ ଆଦ୍ୟା ତ୍ରିନେତ୍ରା ଶୂଳଧାରିଣୀ ॥ ୨॥

ପିନାକଧାରିଣୀ ଚିତ୍ରା ଚଣ୍ଡଘଣ୍ଟା ମହାତପାଃ ।

ମନୋବୁଦ୍ଧିଃ ଅହଙ୍କାରା ଚିତ୍ତରୂପା ଚିତାଚିତିଃ ॥ ୩॥

ସର୍ବମନ୍ତ୍ରମୟୀ ସତ୍ତା ସତ୍ୟାନନ୍ଦ ସ୍ୱରୂପିଣୀ ।

ଅନନ୍ତା ଭାବିନୀ ଭାବ୍ୟା ଭବ୍ୟା ଅଭବ୍ୟା ସଦାଗତିଃ ॥ ୪॥

ଶାମ୍ଭବୀ ଦେବମାତା ଚ ଚିନ୍ତା ରତ୍ନପ୍ରିୟା ସଦା ।

ସର୍ବବିଦ୍ୟା ଦକ୍ଷକନ୍ୟା ଦକ୍ଷଯଜ୍ଞବିନାଶିନୀ ॥ ୫॥

ଅପର୍ଣ୍ଣା ନେକର୍ଣ୍ଣା ଚ ପାଟଳା ପାଟଳାବତୀ ।

ପଟ୍ଟାମ୍ବର ପରିଧାନା କଳମଞ୍ଜୀରରଞ୍ଜିନୀ ॥ ୬॥

ଅମେୟବିକ୍ରମା କ୍ରୁରା ସୁନ୍ଦରୀ ସୁରସୁନ୍ଦରୀ ।

ବନଦୁର୍ଗା ଚ ମାତଙ୍ଗୀ ମତଙ୍ଗମୁନିପୂଜିତା ॥ ୭॥

ବ୍ରାହ୍ମୀ ମାହେଶ୍ୱରୀ ଚୈନ୍ଦ୍ରୀ କୌମାରୀ ବୈଷ୍ଣବୀ ତଥା ।

ଚାମୁଣ୍ଡା ଚୈବ ବାରାହୀ ଲକ୍ଷ୍ମୀଶ୍ଚ ପୁରୁଷାକୃତିଃ ॥ ୮॥

ବିମଳୋତ୍କର୍ଷିଣୀ ଜ୍ଞାନା କ୍ରିୟା ନିତ୍ୟା ଚ ବୁଦ୍ଧିଦା ।

ବହୁଳା ବହୁଳପ୍ରେମା ସର୍ବବାହନ ବାହନା ॥ ୯॥

ନିଶୁମ୍ଭଶୁମ୍ଭହନନୀ ମହିଷାସୁରମର୍ଦ୍ଦିନୀ ।

ମଧୁକୈଟଭହନ୍ତ୍ରୀ ଚ ଚଣ୍ଡମୁଣ୍ଡବିନାଶିନୀ ॥ ୧୦॥

ସର୍ବାସୁର ବିନାଶା ଚ ସର୍ବଦାନବ ଘାତିନୀ ।

ସର୍ବ ଶାସ୍ତ୍ରମୟୀ ସତ୍ୟା ସର୍ବାସ୍ତ୍ରଧାରିଣୀ ତଥା ॥ ୧୧॥

ଅନେକଶସ୍ତ୍ରହସ୍ତା ଚ ଅନେକାସ୍ତ୍ରସ୍ୟ ଧାରିଣୀ ।

କୁମାରୀ ଚୈକକନ୍ୟା ଚ କୈଶୋରୀ ଯୁବତୀ ଯତିଃ ॥ ୧୨॥

ଅପ୍ରୌଢା ଚୈବ ପ୍ରୌଢା ଚ ବୃଦ୍ଧମାତା ବଳପ୍ରଦା ।

ମହୋଦରୀ ମୁକ୍ତକେଶୀ ଘୋରରୂପା ମହାବଳା ॥ ୧୩॥

ଅଗ୍ନିଜ୍ୱାଳା ରୌଦ୍ରମୁଖୀ କାଳରାତ୍ରିସ୍ତପସ୍ୱିନୀ ।

ନାରାୟଣୀ ଭଦ୍ରକାଳୀ ବିଷ୍ଣୁମାୟା ଜଳୋଦରୀ ॥ ୧୪॥

ଶିବଦୂତୀ କରାଳୀ ଚ ଅନନ୍ତା ପରମେଶ୍ୱରୀ ।

କାତ୍ୟାୟନୀ ଚ ସାବିତ୍ରୀ ପ୍ରତ୍ୟକ୍ଷା ବ୍ରହ୍ମବାଦିନୀ ॥ ୧୫॥

ଫଳଶୃତିଃ ||

ଯଃ ଇଦଂ ପ୍ରପଠେନ୍ନିତ୍ୟଂ ଦୁର୍ଗାନାମଶତାଷ୍ଟକମ୍ ।

ନାସାଧ୍ୟଂ ବିଦ୍ୟତେ ଦେବୀ ତ୍ରିଷୁ ଲୋକେଷୁ ପାର୍ବତୀ ॥ ୧୬॥

ଧନଂ ଧାନ୍ୟଂ ସୁତଂ ଜାୟାଂ ହୟଂ ହସ୍ତିନମେବ ଚ ।

ଚତୁର୍ବର୍ଗଂ ତଥା ଚାନ୍ତେ ଲଭେନ୍ମୁକ୍ତିଂ ଚ ଶାଶ୍ୱତୀମ୍ ॥ ୧୭॥

କୁମାରୀଂ ପୂଜୟିତ୍ୱା ତୁ ଧ୍ୟାତ୍ୱା ଦେବୀଂ ସୁରେଶ୍ୱରୀମ୍ ।

ପୂଜୟେତ୍ ପରୟା ଭକ୍ତ୍ୟା ପଠେନ୍ନାମଶତାଷ୍ଟକମ୍ ॥ ୧୮॥

ତସ୍ୟ ସିଦ୍ଧିର୍ଭବେଦ୍ ଦେବୀ ସର୍ବୈଃ ସୁରବରୈରପି ।

ରାଜାନୋ ଦାସତାଂ ଯାନ୍ତି ରାଜ୍ୟଶ୍ରିୟମବାପ୍ନୁୟାତ୍ ॥ ୧୯॥

ଗୋରୋଚନାଳକ୍ତକକୁଙ୍କୁମେବ

ସିନ୍ଧୂରକର୍ପୂରମଧୁତ୍ରୟେଣ ।

ବିଲିଖ୍ୟ ଯନ୍ତ୍ରଂ ବିଧିନା ବିଧିଜ୍ଞୋ

ଭବେତ୍ ସଦା ଧାରୟତେ ପୁରାରିଃ ॥ ୨୦॥

ଭୌମାବାସ୍ୟାନିଶାମଗ୍ରେ ଚନ୍ଦ୍ରେ ଶତଭିଷାଂ ଗତେ ।

ବିଳିଖ୍ୟ ପ୍ରପଠେତ୍ ସ୍ତୋତ୍ରଂ ସ ଭବେତ୍ ସମ୍ପଦାଂ ପଦମ୍ ॥ ୨୧॥

|| ଇତିଶ୍ରୀ ବିଶ୍ୱସାରତନ୍ତ୍ରେ ଦୁର୍ଗାଷ୍ଟୋତ୍ତରଶତନାମସ୍ତୋତ୍ରଂ ସମାପ୍ତମ୍ ||

ଶ୍ରୀ ଦୁର୍ଗା ସପ୍ତଶତୀ ପାଠ ଶ୍ରୀ ଦୁର୍ଗା ଅଷ୍ଟୋତ୍ତର ଶତ ନାମ ସ୍ତୋତ୍ରମ୍

ଶ୍ରୀ ଦୁର୍ଗା ସପ୍ତଶତୀ ପାଠ ଶ୍ରୀ ଦୁର୍ଗା ଅଷ୍ଟୋତ୍ତର ଶତ ନାମ ସ୍ତୋତ୍ରମ୍