ଶ୍ରୀଜଗନ୍ନାଥ ମହାପ୍ରଭୁଙ୍କର ଦର୍ଶନ ଓ ଫଳପ୍ରାପ୍ତି :

#ଶ୍ଲୋକ:-

ପୁରୁଷୋତ୍ତମାଖ୍ୟଂ ସୁମହତ୍ କ୍ଷେତ୍ରଂ ପରମପାବନମ୍ ।

ଯତ୍ରାସ୍ତେ ଦାରବତନୁଃ ଶ୍ରୀଶୋ ମାନଷଲୀଳୟା ।।

( ସ୍ମନ୍ଧ-୧-୩)

ଶ୍ଳୋକ ର ଅର୍ଥ:- ଶ୍ରୀପୁରୁଷୋତ୍ତମ କ୍ଷେତ୍ର (ପୁରୀ) ନାମକ ସୁମହତ୍ ପରମପାବନ କ୍ଷେତ୍ର ଅଛି , ଯେଉଁଠାରେ ଲକ୍ଷ୍ମୀକାନ୍ତ ନାରାୟଣ ମାନବ ଲୀଳାର ପରିପ୍ରକାଶ ପାଇଁ ଦାରୁମୟ କଳେବର ଧାରଣ ପୂର୍ବକ ବିରାଜମାନ କରିଅଛନ୍ତି ।

#ଶ୍ଲୋକ:-

ଦର୍ଶନାନ୍ ମୁକ୍ତିଦଃ ସାକ୍ଷାତ୍ ସର୍ବତୀର୍ଥଫଳପ୍ରଦଃ ।

ତନ୍ନୋ ବିସ୍ତରତୋ ବ୍ରୂହି ତତ୍ କ୍ଷେତ୍ରଂ କେନ ନିର୍ମିତମ୍ ।।

(ସ୍ମନ୍ଧ-୧-୪)

ଶ୍ଳୋକ ର ଅର୍ଥ:- ଦର୍ଶନ ମାତ୍ରେ ହିଁ ସାକ୍ଷାତ୍ ମୁକ୍ତି ଓ ସକଳ ତୀର୍ଥର ଫଳ ପ୍ରଦାନ କରନ୍ତି ।

ବି:ଦ୍ରୋ:- ଆମ ପୃଥିବୀ ପୃଷ୍ଠରେ ଷାଢେ ୩ କୋଟି ତୀର୍ଥ ଅଛି । ଶ୍ରୀ ଜଗନ୍ନାଥଙ୍କ

ଦର୍ଶନ ମାତ୍ରେ ସମସ୍ତ ତୀର୍ଥ ର ଫଳ ମିଳେ।

#ଶ୍ଲୋକ:-

ନ୍ୟଗ୍ରୋଧମୂଳେ କୂଳେଽସ୍ୟ ସିନ୍ଧୋଃନୀଳାଚଳେ ସ୍ଥିତମ୍ ।

ଦାରୁବ୍ୟାଜାମୃତଂ ବ୍ରହ୍ମ ଦୃଷ୍ଟା ମୁଚ୍ୟେନ୍ନ ସଂଶୟଃ ।।

(ସ୍କନ୍ଧ-୨୮-୫୬)

ଶ୍ଲୋକ ର ଅର୍ଥ:- ସିନ୍ଧୁ କୂଳସ୍ଥ ବଟମୂଳରେ ନୀଳାଚଳ ରେ ଅବସ୍ଥାନ କରୁଥିବା ଦାରୁ ଛଳରେ ଅମୃତ ସ୍ବରୂପ ବ୍ରହ୍ମଙ୍କୁ ଦର୍ଶନ କରି ସମସ୍ତେ ମୁକ୍ତିଲାଭ କରିବେ - ଏଥିରେ ସନ୍ଦେହ ନାହିଁ ।

#ଶ୍ଲୋକ:-

ଯତ୍ର ସାକ୍ଷାଜ୍ଜଗନ୍ନାଥଃ ଶଙ୍ଖଚକ୍ରଗଦାଧରଃ ।

ଜନ୍ତୁନାଂ ଦର୍ଶନନ୍ନୁକ୍ତିଂ ଯୋ ଦଦାତି କୃପାନିଧିଃ ।।

ଶ୍ଲୋକ ର ଅର୍ଥ:- ସାକ୍ଷାତ୍ ଜଗନ୍ନାଥ ଶଙ୍ଖ-ଚକ୍ର-ଗଦା ଧାରୀ ପୂର୍ବକ ଅବସ୍ଥାନ କରିଅଛନ୍ତି। ସେହି କୃପାନିଧି ଭଗବାନ ଦର୍ଶନ ମାତ୍ରେ ଜୀବମାନଙ୍କୁ ମୁକ୍ତି ବିତରଣ କରିଥାନ୍ତି ।

•🌻 ରାଧା ରସାମୃତ ଗୀତ ରେ ଯଥାର୍ଥରେ ଶିବ ଦାସ କହିଛନ୍ତି , ସ୍ଵୟଂ ନିରାକାର ଦାରୁବ୍ରହ୍ମ ହୋଇ ଦର୍ଶନ ମାତ୍ରକେ ପାପୀଙ୍କୁ ମୋକ୍ଷ ପ୍ରଦାନ କରନ୍ତି । ଶିବ ଦାସ କହିଛନ୍ତି ;

'ସ୍ଵୟଂ ନିରାକାର ପ୍ରଭୁ ଦାରୁବ୍ରହ୍ମ ହୋଇ।

ଦର୍ଶନ ମାତ୍ରକେ ପାପୀ ମୋକ୍ଷ ଗତି ପାଇ ।।

ବ୍ରହ୍ମରୂପଗୋପ୍ୟ କରି ଦାରୁରୂପ ଦିଶେ।

ମାୟାବୀମାନଙ୍କୁ ସେହି ହୋଇଛି ଅଦୃଶ୍ୟେ ।।

#ଦାରୁ_ବିଗ୍ରହ_ହେବାର_କାରଣ_କଣ ?

ଶ୍ଲୋକ:-

ଖଣ୍ଡନାତ୍ ସର୍ବଦୁଃଖାନାମଖଣ୍ଡାନନ୍ଦଦାନତଃ ।

ସ୍ଵଭାବଦ୍ଦାରୁରୂପଂ ହି ପରଂବ୍ରହ୍ମାଭିଧୀୟତେ ।।

(ସ୍ମନ୍ଧ-୨୮-୪୦)

ଶ୍ଲୋକ ର ଅର୍ଥ:- ଏହି ଦାରୁ ବିଗ୍ରହଙ୍କ ଦୁଇଟି ବିଶେଷତ୍ବ ଅଛି । ସେ ଦୁଇଟି ଶାସ୍ତ୍ର ସମ୍ମତ ଓ ଅନନ୍ୟ । 'ଦାରୁ' ଶଦ୍ଦଟି ଦୁଇଟି ଧାତୁରୁ ନିଷ୍ପନ୍ନ ହୋଇଛି ।ଯଥା- 'ଦା ' ଏବଂ 'ଦୋ' ଧାତୁ । ଏହି ଦୁଇଟି ଧାତୁରୁ 'ରୁ' ପ୍ରତ୍ୟୟ ଯୋଗ 'ଦାରୁ' ଶଦ୍ଦ ହୋଇଛି । ଶୀଳ ବା ସ୍ଵଭାବ ଅର୍ଥ ରେ 'ରୁ' ପ୍ରତ୍ୟୟ ହୁଏ। ପ୍ରଥମଟି ହେଲା 'ଦା' ଧାତୁରୁ 'ରୁ' ପ୍ରତ୍ୟୟ । 'ଦା' ର ଅର୍ଥ ଦାନ କରିବା , ଏଣୁ ଦାରୁ ଦାନଶୀଳ ଏବଂ 'ଦୋ' ଧାତୁରୁ ଅର୍ଥ ଖଣ୍ଡନ କରିବା । ଏଣୁ ଦାରୁ ଖଣ୍ଡନଶୀଳ ।ସ୍ଵଭାବତଃ ଏହି ମୂର୍ତ୍ତି ଅଖଣ୍ଡ ଆନନ୍ଦ ଦାନ କରନ୍ତି ଏବଂ ସମସ୍ତ ଦୁଃଖ ଖଣ୍ଡନ କରନ୍

ଶ୍ରୀ ଜଗନ୍ନାଥ ମହାପ୍ରଭୁଙ୍କର ଦର୍ଶନ ଓ ଫଳପ୍ରାପ୍ତି

ଶ୍ରୀଜଗନ୍ନାଥ ମହାପ୍ରଭୁଙ୍କର ଦର୍ଶନ ଓ ଫଳପ୍ରାପ୍ତି