ମହାରାଜା ଯଯାତିକେଶରୀଙ୍କ ସମୟର କଥା । ଶହେ ଚଉରାଳିଶି ବର୍ଷ ଧରି ଶ୍ରୀମନ୍ଦିରର ରତ୍ନସିଂହାସନ ଶୂନ୍ୟ ଥିଲା । ମହାପ୍ରଭୁ ପ୍ରବାସ ଲୀଳାରେ ଥିଲେ । ମାଦଳା ମତରେ ସୋନପୁରରେ । ଶ୍ରୀମନ୍ଦିରରେ ସମସ୍ତ ନୀତି ଓ ଯାନିଯାତ୍ରା ବନ୍ଦ ଥିଲା । ଗୋବିନ୍ଦଦ୍ଵାଦଶୀ ମହାସ୍ନାନ ଯୋଗ ଥାଏ ।

ଆଦିଶଙ୍କରାଚାର୍ଯ୍ୟ କ୍ଷେତ୍ରକୁ ଆସିଥାନ୍ତି । ତାଙ୍କର ସହଯୋଗ ନେଲେ । ସୋନପୁରରୁ ମହାପ୍ରଭୁ ଆସିଲେ । ଅଠତିରିଶି ହାତ 'ପଟୋଳଟିଏ ନିର୍ମାଣ

କରି ନବକଳେବର ବିଧାନ ସାରି ପ୍ରଭୁଙ୍କୁ ରସିଂହାସନରେ ବିଜେ କରାଇଲେ !

ଅନୁର୍ଯ୍ୟାମୀଙ୍କ ନୀତି ଓ ପର୍ବପର୍ବାଣୀ ପୁଣି ପ୍ରଚଳନ କରେଇବାକୁ ଆଦିଶଙ୍କରଙ୍କର ଉପସ୍ଥିତିରେ ବ୍ରାହ୍ମଣ, ପଣ୍ଡିତ ଓ ସେବକମାନଙ୍କୁ ପକେଇଲେ । ସଭା ହେଲା । ଶାସ୍ତ୍ରୀୟ ବିଧିରେ ପୂଜା-ପାର୍ବଣ ବ୍ୟବସ୍ଥା ସ୍ଥିର ହେଲା । ପୂର୍ବ ପ୍ରଚଳିତ ସେବାବିକୁ ସାମନାରେ ରଖାଯାଇ ସମସ୍ତ କିଛି ସ୍ଥିର ହେଲା । ଛତିଶାନିଯୋଗ ପୁଣି ନିଜ ନିଜ ଅଧିକାର ମୁତାବକ ସେବା ଆରମ୍ଭ କରିଦେଲେ ।

ପରଦିନଠାରୁ ଭୋଗ ଲାଗିଲା । ମହାପ୍ରସାଦ ବାହାରିବା ପରେ ସଭିଙ୍କୁ ଏକାଠି କଲେ ପନ୍ତିଭୋଜନରେ ମହାପ୍ରସାଦ ସେବା ହେବ ।

କେହି ଆସିଲେନି । ସାଧୁସନ୍ଥମାନେ ଗୃହୀଙ୍କ ସଙ୍ଗେ ବସିବାକୁ ନାରାଜ । ବ୍ରାହ୍ମଣ ପଣ୍ଡିତେ ବାବାଜିଙ୍କ ସଙ୍ଗେ ବସିଲେନି କି ସେବାୟତଙ୍କ ସଙ୍ଗେ । ବ୍ରାହ୍ମଣସେବକେ ଶୂଦ୍ର ସେବକଙ୍କ ସହ ଧାଡ଼ିରେ ବସିବାକୁ କୁନ୍ମ କୁନ୍ମ ହେଲେ । ସେଦିନ ମହାପ୍ରସାଦ ସେବା ହେଲା ନାହିଁ ।

ପୂର୍ବର ପରମ୍ପରାକୁ ପୁରୁଖା ଲୋକେ ବଖାଣିଲେ ମଧ୍ୟ ଦି' ପୁରୁଷ ଧରି ଛାରଡ଼ା ହୋଇଥିବା ଏକ ପରମ୍ପରାରେ ସଭିଏଁ ସାମିଲ ହୋଇପାରିଲେ ନାହିଁ । ମହାପ୍ରସାଦକୁ ଅନ୍ନବ୍ରହ୍ମର ମାନସିକତାରେ ତତ୍କଳ ଗ୍ରହଣ କରିବା ସମ୍ଭବ ହେଲା ନାହିଁ ।

ମହାରାଜା ଯଯାତି ଦୁଃଖିତ ହେଲେ । ରାତିରେ ମହାପ୍ରଭୁଙ୍କୁ ସୁମରଣା କରି ଅଧିଆ ପଡ଼ିଲେ । ସପନ ହେଲା । ପରଦିନ ଭୋଗ ବାହାରିଲା । । ପୁଣି ପୁରୁଣା କଥା ପୋଥି କଥା ବିଚାରଚର୍ଚ୍ଚା ହେଲା । ଥୋକେ ପନ୍ତି ଭୋଜନକୁ ରାଜି ହେଲେ। ଥୋକଏ କହିଲେ – ଇୟେ ପୋଥି ବର୍ଣ୍ଣିତ ପ୍ରକୃତ ମହାପ୍ରସାଦ ତ । ପରୀକ୍ଷା କଲେ କ୍ଷତି କ'ଣ ?

ସେଇବାଟ ଦେଇ ମୂକ ବ୍ରାହ୍ମଣଟିଏ ଯାଉଛି ବୋଲି ଆଉଜଣେ ବ୍ରାହ୍ମଣ କହିବାରୁ ପଣ୍ଡିତ ଜଣେ କହିଲେ- ଡାକ... ଡାକ. . . । ଜଣେ ବାବାଜି ବାହାରିପଡ଼ି କହିଲେ ମହାରାଜ । ୟେ ବ୍ରାହ୍ମଣ ପୁଅକୁ ମହାପ୍ରସାଦ ସେବା କରିବାକୁ ଦିଆଯାଉ । ଯଦି ସେବା କରିବା ପରେ ତା ପାଟି ଖୋଲିଯିବ, ତେବେ ଆମେ ଅବଢ଼ା ଖାଇବୁ ।

ମହାରାଜା ଆଦେଶ ଦେଲେ । ବ୍ରାହ୍ମଣ ପୁଅ ଅବଢ଼ା ଖାଇସାରି ମୁଣ୍ଡରେ ହାତ ପୋଛିଲେ । ସାଧୁଙ୍କୁ ଚାହିଁ ଶ୍ଳୋକଟିଏ ବୋଲିଲେ । ଅନ୍ୟ ବ୍ରାହ୍ମଣମାନେ ତାଟକା ହେଇ ଚାହିଁଥାନ୍ତି । କିରେ । ୟା' ପାଟି କ'ଣ ଖୋଲିଗଲା ....!!

"ଅରେ ବିଦ୍ବନ୍ନନ୍ୟାନନଗତ ବେଦାର୍ଥନିଗମାନ୍ ।

ମୟା ଭୁଙ୍‌କ୍ତେଽଧପ୍ୟନ୍ନେ ମମ ପରିଜନୈଛ୍ଛଦ୍ମମନୁଜୈଃ !

ସୁସ୍ନିଗ୍ଧନ୍ନେତସ୍ମିନ୍ ଭବତୁ ଭବତାଂ ନବହୁଗୁଣା

ନ ଗଙ୍ଗାତ୍ମଃ ପେୟଂ ଶବତନୁଗଳଦ୍ଦ୍ରବ୍ୟ କଲିକମ୍ !!"

ଶ୍ଳୋକ ବୋଲିସାରି ବ୍ରାହ୍ମଣ, ବୁଝାଇଦେଲେ- ହେ ଜ୍ଞାନୀମାନେ । ବେଦର ଅର୍ଥ ନ ଜାଣି ଆପଣମାନଙ୍କର ଆତ୍ମ ଅଭିମାନ ବହୁତ । ଗଳିତ ମାଂସଖଣ୍ଡ ଗଙ୍ଗାରେ ମିଶିଲେ ଗଙ୍ଗା ଅପବିତ୍ର ହୁଏ କି ? ଗଙ୍ଗା ଯେପରି ପବିତ୍ର, ମହାପ୍ରଭୁଙ୍କ ମହାପ୍ରସାଦ ସେପରି ସର୍ବଦା

ପବିତ୍ର । ସନ୍ଦେହ କରନି ।

ସଭିଏଁ ହରିବୋଲ ଦେଲେ ଏବଂ ଏକାଠି ବସି ମହାପ୍ରସାଦ ସେବା କଲେ !

ଜୟ ଶ୍ରୀ ଜଗନ୍ନାଥ ସ୍ଵାମୀ ନୟନ ପଥଗାମୀ ଭବତୁ ମେ ❣️🙏

🙏ହରେକୃଷ୍ଣ ହରି ବୋଲ 🙏🚩

ଶ୍ରୀ ମହାପ୍ରସାଦ ସେବାକରି ପାଟି ଖୋଲିଗଲା

ଶ୍ରୀମହାପ୍ରସାଦ ସେବାକରି ପାଟି ଖୋଲିଗଲା