ନୃସିଂହକଵଚଂ ଵକ୍ଷ୍ୟେ ପ୍ରହ୍ଲାଦେନୋଦିତଂ ପୁରା ।

ସର୍ଵରକ୍ଷାକରଂ ପୁଣ୍ୟଂ ସର୍ଵୋପଦ୍ରଵନାଶନମ୍ ॥ 1 ॥

ସର୍ଵସଂପତ୍କରଂ ଚୈଵ ସ୍ଵର୍ଗମୋକ୍ଷପ୍ରଦାୟକମ୍ ।

ଧ୍ୟାତ୍ଵା ନୃସିଂହଂ ଦେଵେଶଂ ହେମସିଂହାସନସ୍ଥିତମ୍ ॥ 2 ॥

ଵିଵୃତାସ୍ୟଂ ତ୍ରିନୟନଂ ଶରଦିଂଦୁସମପ୍ରଭମ୍ ।

ଲକ୍ଷ୍ମ୍ୟାଲିଂଗିତଵାମାଂଗଂ ଵିଭୂତିଭିରୁପାଶ୍ରିତମ୍ ॥ 3 ॥

ଚତୁର୍ଭୁଜଂ କୋମଲାଂଗଂ ସ୍ଵର୍ଣକୁଂଡଲଶୋଭିତମ୍ ।

ସରୋଜଶୋଭିତୋରସ୍କଂ ରତ୍ନକେୟୂରମୁଦ୍ରିତମ୍ ॥ 4 ॥ [ରତ୍ନକେୟୂରଶୋଭିତମ୍]

ତପ୍ତକାଂଚନସଂକାଶଂ ପୀତନିର୍ମଲଵାସନମ୍ ।

ଇଂଦ୍ରାଦିସୁରମୌଳିସ୍ଥସ୍ଫୁରନ୍ମାଣିକ୍ୟଦୀପ୍ତିଭିଃ ॥ 5 ॥

ଵିରାଜିତପଦଦ୍ଵଂଦ୍ଵଂ ଶଂଖଚକ୍ରାଦିହେତିଭିଃ ।

ଗରୁତ୍ମତା ସଵିନୟଂ ସ୍ତୂୟମାନଂ ମୁଦାନ୍ଵିତମ୍ ॥ 6 ॥

ସ୍ଵହୃତ୍କମଲସଂଵାସଂ କୃତ୍ଵା ତୁ କଵଚଂ ପଠେତ୍ ।

ନୃସିଂହୋ ମେ ଶିରଃ ପାତୁ ଲୋକରକ୍ଷାତ୍ମସଂଭଵଃ ॥ 7 ॥

ସର୍ଵଗୋଽପି ସ୍ତଂଭଵାସଃ ଫାଲଂ ମେ ରକ୍ଷତୁ ଧ୍ଵନିମ୍ ।

ନୃସିଂହୋ ମେ ଦୃଶୌ ପାତୁ ସୋମସୂର୍ୟାଗ୍ନିଲୋଚନଃ ॥ 8 ॥

ସ୍ମୃତିଂ ମେ ପାତୁ ନୃହରିର୍ମୁନିଵର୍ୟସ୍ତୁତିପ୍ରିୟଃ ।

ନାସାଂ ମେ ସିଂହନାସସ୍ତୁ ମୁଖଂ ଲକ୍ଷ୍ମୀମୁଖପ୍ରିୟଃ ॥ 9 ॥

ସର୍ଵଵିଦ୍ୟାଧିପଃ ପାତୁ ନୃସିଂହୋ ରସନାଂ ମମ ।

ଵକ୍ତ୍ରଂ ପାତ୍ଵିଂଦୁଵଦନଃ ସଦା ପ୍ରହ୍ଲାଦଵଂଦିତଃ ॥ 10 ॥

ନୃସିଂହଃ ପାତୁ ମେ କଂଠଂ ସ୍କଂଧୌ ଭୂଭରଣାଂତକୃତ୍ ।

ଦିଵ୍ୟାସ୍ତ୍ରଶୋଭିତଭୁଜୋ ନୃସିଂହଃ ପାତୁ ମେ ଭୁଜୌ ॥ 11 ॥

କରୌ ମେ ଦେଵଵରଦୋ ନୃସିଂହଃ ପାତୁ ସର୍ଵତଃ ।

ହୃଦୟଂ ୟୋଗିସାଧ୍ୟଶ୍ଚ ନିଵାସଂ ପାତୁ ମେ ହରିଃ ॥ 12 ॥

ମଧ୍ୟଂ ପାତୁ ହିରଣ୍ୟାକ୍ଷଵକ୍ଷଃକୁକ୍ଷିଵିଦାରଣଃ ।

ନାଭିଂ ମେ ପାତୁ ନୃହରିଃ ସ୍ଵନାଭି ବ୍ରହ୍ମସଂସ୍ତୁତଃ ॥ 13 ॥

ବ୍ରହ୍ମାଂଡକୋଟୟଃ କଟ୍ୟାଂ ୟସ୍ୟାସୌ ପାତୁ ମେ କଟିମ୍ ।

ଗୁହ୍ୟଂ ମେ ପାତୁ ଗୁହ୍ୟାନାଂ ମଂତ୍ରାଣାଂ ଗୁହ୍ୟରୂପଧୃକ୍ ॥ 14 ॥

ଊରୂ ମନୋଭଵଃ ପାତୁ ଜାନୁନୀ ନରରୂପଧୃକ୍ ।

ଜଂଘେ ପାତୁ ଧରାଭାରହର୍ତା ୟୋଽସୌ ନୃକେସରୀ ॥ 15 ॥

ସୁରରାଜ୍ୟପ୍ରଦଃ ପାତୁ ପାଦୌ ମେ ନୃହରୀଶ୍ଵରଃ ।

ସହସ୍ରଶୀର୍ଷା ପୁରୁଷଃ ପାତୁ ମେ ସର୍ଵଶସ୍ତନୁମ୍ ॥ 16 ॥

ମହୋଗ୍ରଃ ପୂର୍ଵତଃ ପାତୁ ମହାଵୀରାଗ୍ରଜୋଽଗ୍ନିତଃ ।

ମହାଵିଷ୍ଣୁର୍ଦକ୍ଷିଣେ ତୁ ମହାଜ୍ଵାଲସ୍ତୁ ନୈରୃତୌ ॥ 17 ॥

ପଶ୍ଚିମେ ପାତୁ ସର୍ଵେଶୋ ଦିଶି ମେ ସର୍ଵତୋମୁଖଃ ।

ନୃସିଂହଃ ପାତୁ ଵାୟଵ୍ୟାଂ ସୌମ୍ୟାଂ ଭୂଷଣଵିଗ୍ରହଃ ॥ 18 ॥

ଈଶାନ୍ୟାଂ ପାତୁ ଭଦ୍ରୋ ମେ ସର୍ଵମଂଗଳଦାୟକଃ ।

ସଂସାରଭୟଦଃ ପାତୁ ମୃତ୍ୟୋର୍ମୃତ୍ୟୁର୍ନୃକେସରୀ ॥ 19 ॥

ଇଦଂ ନୃସିଂହକଵଚଂ ପ୍ରହ୍ଲାଦମୁଖମଂଡିତମ୍ ।

ଭକ୍ତିମାନ୍ୟଃ ପଠେନ୍ନିତ୍ୟଂ ସର୍ଵପାପୈଃ ପ୍ରମୁଚ୍ୟତେ ॥ 20 ॥

ପୁତ୍ରଵାନ୍ ଧନଵାନ୍ ଲୋକେ ଦୀର୍ଘାୟୁରୁପଜାୟତେ ।

ୟଂ ୟଂ କାମୟତେ କାମଂ ତଂ ତଂ ପ୍ରାପ୍ନୋତ୍ୟସଂଶୟମ୍ ॥ 21 ॥

ସର୍ଵତ୍ର ଜୟମାପ୍ନୋତି ସର୍ଵତ୍ର ଵିଜୟୀ ଭଵେତ୍ ।

ଭୂମ୍ୟଂତରିକ୍ଷଦିଵ୍ୟାନାଂ ଗ୍ରହାଣାଂ ଵିନିଵାରଣମ୍ ॥ 22 ॥

ଵୃଶ୍ଚିକୋରଗସଂଭୂତଵିଷାପହରଣଂ ପରମ୍ ।

ବ୍ରହ୍ମରାକ୍ଷସୟକ୍ଷାଣାଂ ଦୂରୋତ୍ସାରଣକାରଣମ୍ ॥ 23 ॥

ଭୂର୍ଜେ ଵା ତାଳପତ୍ରେ ଵା କଵଚଂ ଲିଖିତଂ ଶୁଭମ୍ ।

କରମୂଲେ ଧୃତଂ ୟେନ ସିଧ୍ୟେୟୁଃ କର୍ମସିଦ୍ଧୟଃ ॥ 24 ॥

ଦେଵାସୁରମନୁଷ୍ୟେଷୁ ସ୍ଵଂ ସ୍ଵମେଵ ଜୟଂ ଲଭେତ୍ ।

ଏକସଂଧ୍ୟଂ ତ୍ରିସଂଧ୍ୟଂ ଵା ୟଃ ପଠେନ୍ନିୟତୋ ନରଃ ॥ 25 ॥

ସର୍ଵମଂଗଳମାଂଗଳ୍ୟଂ ଭୁକ୍ତିଂ ମୁକ୍ତିଂ ଚ ଵିଂଦତି ।

ଦ୍ଵାତ୍ରିଂଶତିସହସ୍ରାଣି ପଠେଚ୍ଛୁଦ୍ଧାତ୍ମନାଂ ନୃଣାମ୍ ॥ 26 ॥

କଵଚସ୍ୟାସ୍ୟ ମଂତ୍ରସ୍ୟ ମଂତ୍ରସିଦ୍ଧିଃ ପ୍ରଜାୟତେ ।

ଅନେନ ମଂତ୍ରରାଜେନ କୃତ୍ଵା ଭସ୍ମାଭିମଂତ୍ରଣମ୍ ॥ 27 ॥

ତିଲକଂ ଵିନ୍ୟସେଦ୍ୟସ୍ତୁ ତସ୍ୟ ଗ୍ରହଭୟଂ ହରେତ୍ ।

ତ୍ରିଵାରଂ ଜପମାନସ୍ତୁ ଦତ୍ତଂ ଵାର୍ୟଭିମଂତ୍ର୍ୟ ଚ ॥ 28 ॥

ପ୍ରାଶୟେଦ୍ୟୋ ନରୋ ମଂତ୍ରଂ ନୃସିଂହଧ୍ୟାନମାଚରେତ୍ ।

ତସ୍ୟ ରୋଗାଃ ପ୍ରଣଶ୍ୟଂତି ୟେ ଚ ସ୍ୟୁଃ କୁକ୍ଷିସଂଭଵାଃ ॥ 29 ॥

କିମତ୍ର ବହୁନୋକ୍ତେନ ନୃସିଂହସଦୃଶୋ ଭଵେତ୍ ।

ମନସା ଚିଂତିତଂ ୟତ୍ତୁ ସ ତଚ୍ଚାପ୍ନୋତ୍ୟସଂଶୟମ୍ ॥ 30 ॥

ଗର୍ଜଂତଂ ଗର୍ଜୟଂତଂ ନିଜଭୁଜପଟଲଂ ସ୍ଫୋଟୟଂତଂ ହଠଂତଂ

ରୂପ୍ୟଂତଂ ତାପୟଂତଂ ଦିଵି ଭୁଵି ଦିତିଜଂ କ୍ଷେପୟଂତଂ କ୍ଷିପଂତମ୍ ।

କ୍ରଂଦଂତଂ ରୋଷୟଂତଂ ଦିଶି ଦିଶି ସତତଂ ସଂହରଂତଂ ଭରଂତଂ

ଵୀକ୍ଷଂତଂ ଘୂର୍ଣୟଂତଂ ଶରନିକରଶତୈର୍ଦିଵ୍ୟସିଂହଂ ନମାମି ॥

ଇତି ଶ୍ରୀବ୍ରହ୍ମାଂଡପୁରାଣେ ପ୍ରହ୍ଲାଦୋକ୍ତଂ ଶ୍ରୀ ନୃସିଂହ କଵଚମ୍ ।

ଶ୍ରୀ ନରସିଂହ (ନୃସିଂହ) କଵଚମ୍ ( Narsingh Kavach Narsingh Kavach (Oriya)

ଶ୍ରୀ ନରସିଂହ (ନୃସିଂହ) କଵଚମ୍ ( Narsingh Kavach Narsingh Kavach (Oriya)