ଶ୍ରୀ ପୂର୍ବେଶ୍ବର ମନ୍ଦିର ।

ଶ୍ରୀ ଲିଙ୍ଗରାଜ ମନ୍ଦିରରୁ ପୂର୍ବଦିଗ ରାସ୍ତାରେ ଲିଙ୍ଗରାଜ ଛକ ( ଗ୍ୟାରେଜ୍ ଛକ) ଆଡ଼କୁ ଗଲାବଳେ କିଛି ଦୂରରେ ବାମପଟେ ପଡେ ଶ୍ରୀ ପୂର୍ବେଶ୍ବରଙ୍କ ମନ୍ଦିର । ଏହି ମନ୍ଦିର ଶ୍ରୀ ଲିଙ୍ଗରାଜ ମହାପ୍ରଭୁଙ୍କୁ କେନ୍ଦ୍ରକରି ପଶ୍ଚିମାମୁଖୀ ଅଟନ୍ତି । ଗୋଲାକାର ଶକ୍ତି ପୀଠ ମଧ୍ୟରେ ଶିବଲିଙ୍ଗ ବିରାଜମାନ ଅଟେ। ତ୍ରୟୋଦଶ ଶତାବ୍ଦୀରେ ଏହି ମନ୍ଦିର ନିର୍ମାଣ ହେବାର ଜଣାଯାଏ। କିନ୍ତୁ ଦେବ ବିଗ୍ରହ ମନ୍ଦିର ଠାରୁ ପୁରାତନ ଅଟନ୍ତି । ଏହି ଦେବତା ଭାରି ପ୍ରତ୍ୟକ୍ଷ ଅଟନ୍ତି । ଏହାଙ୍କ କିଛି ଦୂର ଆଗରେ ଶ୍ରୀ ଲିଙ୍ଗରାଜ ମହାପ୍ରଭୁଙ୍କ ଦଶହରା ପଡିଆ ରହିଅଛି ଯେଉଁଠି କାଳିକା ଦେବୀ ରହିଛନ୍ତି । ଦଶହରା ସମୟରେ ମହାପ୍ରଭୁ କାଳିକାଦେବୀଙ୍କ ଠାରୁ ଫେରିବା ବେଳେ ପୂର୍ବେଶ୍ବରଙ୍କ ନିକଟରେ ମଧ୍ଯ ପନ୍ତି ଭୋଗ ଅନୁଷ୍ଠିତ ହୋଇଥାଏ।