ଶ୍ରୀ ରାଜ ରାଜେଶ୍ଵରୀ ଅଷ୍ଟକମ୍

ଅଂବା ଶାଂଭଵି ଚଂଦ୍ରମୌଳିରବଲାଽପର୍ଣା ଉମା ପାର୍ଵତୀ

କାଳୀ ହୈମଵତୀ ଶିଵା ତ୍ରିନୟନୀ କାତ୍ୟାୟନୀ ଭୈରଵୀ

ସାଵିତ୍ରୀ ନଵୟୌଵନା ଶୁଭକରୀ ସାମ୍ରାଜ୍ୟଲକ୍ଷ୍ମୀପ୍ରଦା

ଚିଦ୍ରୂପୀ ପରଦେଵତା ଭଗଵତୀ ଶ୍ରୀରାଜରାଜେଶ୍ଵରୀ ॥ 1 ॥

ଅଂବା ମୋହିନି ଦେଵତା ତ୍ରିଭୁଵନୀ ଆନଂଦସଂଦାୟିନୀ

ଵାଣୀ ପଲ୍ଲଵପାଣି ଵେଣୁମୁରଳୀଗାନପ୍ରିୟା ଲୋଲିନୀ

କଳ୍ୟାଣୀ ଉଡୁରାଜବିଂବଵଦନା ଧୂମ୍ରାକ୍ଷସଂହାରିଣୀ

ଚିଦ୍ରୂପୀ ପରଦେଵତା ଭଗଵତୀ ଶ୍ରୀରାଜରାଜେଶ୍ଵରୀ ॥ 2 ॥

ଅଂବା ନୂପୁରରତ୍ନକଂକଣଧରୀ କେୟୂରହାରାଵଳୀ

ଜାତୀଚଂପକଵୈଜୟଂତିଲହରୀ ଗ୍ରୈଵେୟକୈରାଜିତା

ଵୀଣାଵେଣୁଵିନୋଦମଂଡିତକରା ଵୀରାସନେସଂସ୍ଥିତା

ଚିଦ୍ରୂପୀ ପରଦେଵତା ଭଗଵତୀ ଶ୍ରୀରାଜରାଜେଶ୍ଵରୀ ॥ 3 ॥

ଅଂବା ରୌଦ୍ରିଣି ଭଦ୍ରକାଳୀ ବଗଲା ଜ୍ଵାଲାମୁଖୀ ଵୈଷ୍ଣଵୀ

ବ୍ରହ୍ମାଣୀ ତ୍ରିପୁରାଂତକୀ ସୁରନୁତା ଦେଦୀପ୍ୟମାନୋଜ୍ଜ୍ଵଲା

ଚାମୁଂଡା ଶ୍ରିତରକ୍ଷପୋଷଜନନୀ ଦାକ୍ଷାୟଣୀ ପଲ୍ଲଵୀ

ଚିଦ୍ରୂପୀ ପରଦେଵତା ଭଗଵତୀ ଶ୍ରୀରାଜରାଜେଶ୍ଵରୀ ॥ 4 ॥

ଅଂବା ଶୂଲ ଧନୁଃ କୁଶାଂକୁଶଧରୀ ଅର୍ଧେଂଦୁବିଂବାଧରୀ

ଵାରାହୀ ମଧୁକୈଟଭପ୍ରଶମନୀ ଵାଣୀରମାସେଵିତା

ମଲ୍ଲଦ୍ୟାସୁରମୂକଦୈତ୍ୟମଥନୀ ମାହେଶ୍ଵରୀ ଅଂବିକା

ଚିଦ୍ରୂପୀ ପରଦେଵତା ଭଗଵତୀ ଶ୍ରୀରାଜରାଜେଶ୍ଵରୀ ॥ 5 ॥

ଅଂବା ସୃଷ୍ଟଵିନାଶପାଲନକରୀ ଆର୍ୟା ଵିସଂଶୋଭିତା

ଗାୟତ୍ରୀ ପ୍ରଣଵାକ୍ଷରାମୃତରସଃ ପୂର୍ଣାନୁସଂଧୀକୃତା

ଓଂକାରୀ ଵିନୁତାସୁତାର୍ଚିତପଦା ଉଦ୍ଦଂଡଦୈତ୍ୟାପହା

ଚିଦ୍ରୂପୀ ପରଦେଵତା ଭଗଵତୀ ଶ୍ରୀରାଜରାଜେଶ୍ଵରୀ ॥ 6 ॥

ଅଂବା ଶାଶ୍ଵତ ଆଗମାଦିଵିନୁତା ଆର୍ୟା ମହାଦେଵତା

ୟା ବ୍ରହ୍ମାଦିପିପୀଲିକାଂତଜନନୀ ୟା ଵୈ ଜଗନ୍ମୋହିନୀ

ୟା ପଂଚପ୍ରଣଵାଦିରେଫଜନନୀ ୟା ଚିତ୍କଳାମାଲିନୀ

ଚିଦ୍ରୂପୀ ପରଦେଵତା ଭଗଵତୀ ଶ୍ରୀରାଜରାଜେଶ୍ଵରୀ ॥ 7 ॥

ଅଂବାପାଲିତ ଭକ୍ତରାଜଦନିଶଂ ଅଂବାଷ୍ଟକଂ ୟଃ ପଠେତ୍

ଅଂବାଲୋକକଟାକ୍ଷଵୀକ୍ଷ ଲଲିତଂ ଚୈଶ୍ଵର୍ୟମଵ୍ୟାହତମ୍

ଅଂବା ପାଵନମଂତ୍ରରାଜପଠନାଦଂତେ ଚ ମୋକ୍ଷପ୍ରଦା

ଚିଦ୍ରୂପୀ ପରଦେଵତା ଭଗଵତୀ ଶ୍ରୀରାଜରାଜେଶ୍ଵରୀ ॥ 8 ॥

-- ଶ୍ରୀ ରାଜ ରାଜେଶ୍ଵରୀ ଅଷ୍ଟକମ୍