#ବୈଶମ୍ପାୟନ_ଉବାଚ

ଶ୍ରୁତ୍ୱା ଧର୍ମାନଶେଷେଣ ପାବନାନି ଚ ସର୍ବଶଃ।

ଯୁଧିଷ୍ଠିରଃ ଶାନ୍ତନବଂ ପୁନରେବାଭ୍ୟଭାଷତ।। ୧।।

ରାଜା ଯୁଧିଷ୍ଠିର ସଂପୂର୍ଣ୍ଣ ବିଧିରୂପେ ଧର୍ମ ଓ ପାପର କ୍ଷୟ କରିବା ବ୍ୟକ୍ତିର ଧର୍ମ ରହସ୍ୟର ସବୁପ୍ରକାର କଥା ଶୁଣି ଭୀଷ୍ମଙ୍କୁ

ପଚାରିଲେ –

ବେଦବ୍ୟାସ କହୁଛନ୍ତି ହେ ରାଜା ଯୁଧିଷ୍ଠିର

ଅଭ୍ୟୁଦୟ ଆଉ ଶ୍ରେୟ ପ୍ରାପ୍ତି ଯେଉଁ ନର ।

ଧର୍ମ ଅଧର୍ମ ଓ ପାପ ପୁଣ୍ୟର ରହସ୍ୟ

ଜାଣିପାରେ ଯେଉଁ ନର ସେହି ପୁଣ୍ୟବନ୍ତ ।

ପୁରୁଷାର୍ଥର ସାଧନା ମାନି କରେ କର୍ମ

ସିଦ୍ଧିଲାଭ ହୋଇ ପାଏ ଶ୍ରେଷ୍ଠ ପୁଣ୍ୟ ଧାମ ।

#ଯୁଧିଷ୍ଠିର_ଉବାଚ

କିମେକଂ ଦୈବତଂ ଲୋକେ କିଂ ବାପ୍ୟେକଂ ପରାୟଣମ୍ ।

ସ୍ତୁବନ୍ତଃ କଂ କମର୍ଚ୍ଚନ୍ତଃ ପ୍ରାପ୍ନୁୟୁର୍ମାନବାଃ ଶୁଭମ୍ ।।୨।।

ସମସ୍ତ ବିଦ୍ୟାର ସ୍ଥାନ ପ୍ରକାଶିତ କାରଣରୁ ଏହି ଭୂଲୋକରେ ଏକମାତ୍ର ଦେବତା କିଏ ? କୁହାଯାଏ ଯେ ଯାହାଙ୍କ ଆଜ୍ଞାରେ ସମସ୍ତ ପ୍ରାଣୀ ଚଳପ୍ରଚଳ ହେଉଛନ୍ତି - ସେ ଦେବତା କିଏ ? ଯାହାଙ୍କ ସହିତ ସାକ୍ଷାତ୍ ହେଲେ ହୃଦୟରୁ ସମସ୍ତ ମାୟା ଦୂର ହୋଇ କଲ୍ୟାଣ ହୁଏ । କେଉଁ ଦେବତାଙ୍କ ଗୁଣ କୀର୍ତ୍ତନରେ ଓ ଆନ୍ତରିକ ପୂଜା କରିବାଦ୍ଵାରା ମନୁଷ୍ୟର କଲ୍ୟାଣ ହୋଇଥାଏ ?

ଯୁଧିଷ୍ଠିର ପଚାରନ୍ତି ଆହେ ମହାଜ୍ଞାନୀ

ସବୁ ବିଦ୍ୟା ପ୍ରକାଶ ହୋଇଛି ଏହା ଜାଣି ।

ତଥାପି ସନ୍ଦେହ ମୋର ଏହି ଭୂଲୋକରେ

ଏକମାତ୍ର ଦେବ କିଏ ଏହି ସଂସାରରେ ।

ଯାହାଙ୍କ ଆଜ୍ଞାରେ ପ୍ରାଣୀ ହୋନ୍ତି ଆତଯାତ

ସେ କେଉଁ ଦେବତା ମୋତେ କୁହନ୍ତୁ ତୁରିତ ।

ଏହି ମର୍ତ୍ତ୍ୟ ମଣ୍ଡଳରେ କେଉଁ ପ୍ରାପ୍ତି ସ୍ଥଳ

ଯାହାଙ୍କ ଦର୍ଶନେ ମାୟା ହୋଇଯାଏ ଦୂର।

ମନ ହୃଦୟ ଉଭୟ ପ୍ରଫୁଲ୍ଲିତ ହୁଏ

ମୋକ୍ଷ ଲାଭ ସ୍ଥାନ କିଏ କୁହ ମୋତେ ଭଲେ ।୨।

ଶ୍ରୀ ବିଷ୍ଣୁ ସହସ୍ରନାମ ସ୍ତୋତ୍ର ଭାଗ ୧

ଶ୍ରୀ ବିଷ୍ଣୁ ସହସ୍ରନାମ ସ୍ତୋତ୍ର ଭାଗ ୧