ଭାବରେ .... ଭାବ ବିନୋଦିଆ

*********************

ଅନେକ ଦିନ ତଳର କଥା। ଶ୍ରୀମନ୍ଦିରରେ ଜୀଉ ମାନଙ୍କ ରାତ୍ରୀ ର ଶେଷ ନୀତି ଶେଷ ହୋଇ ପହଡ଼ ପଡ଼ିଲା। ମନ୍ଦିର ର ସମସ୍ତ ଦ୍ଵାର ବନ୍ଦ ହେଲା । ସେବକ ମାନେ ନିଜ ନିଜ ଘରକୁ ଗଲେ। ସିଂହ ଦ୍ଵାର ଜଉ ମୁଦ ଦିଆ ଯାଇ ବନ୍ଦ ହେଲା।

ପର ଦିନ ସକାଳେ ସିଂହ ଦ୍ଵାର ଜଉ ମୁଦ ଫିଟା ହେଲା।ସେବକ ମାନେ ନିଜ ନିଜ କର୍ମରେ ଲାଗି ପଡ଼ିଲେ।ରତ୍ନସିଂହାସନ ପାଖକୁ ସେବକ ଗଲେ ଦିଅଁ ମାନଙ୍କ ରାତ୍ରୀ ର ବସ୍ତ୍ର ବଦଳାଇ ଅନ୍ୟାନ୍ୟ ନୀତି କରିବା ପାଇଁ ।ମାତ୍ର ଇଏ କଣ !!ପ୍ରଭୁ ଜଗନ୍ନାଥ ଙ୍କ ବସ୍ତ୍ର ରେ ଅନେକ ସ୍ଥାନ ରେ ଚିରି ଯାଇଛି !ବସ୍ତ୍ର ସାରା କଣ୍ଟା ଲାଗି ରହିଛି।ସ୍ପଷ୍ଟ ଜଣା ଯାଉଛି ଯେ କଣ୍ଟା ଲାଗି ବସ୍ତ୍ର ଚିରି ଯାଇ ଅଛି।ତଥାପି ସନ୍ଦେହ ମୋଚନ ପାଇଁ ବସ୍ତ୍ର ଯୋଗାଇ ଥିବା ସେବକ କୁ ସମସ୍ତେ ଏ ବିଷୟରେ ପଚାରିଲେ।ମାତ୍ର ସେ ଶପଥ କରି କହିଲା ଯେ ସେ ନୂଆ ବସ୍ତ୍ର ହିଁ ଯୋଗାଇ ଥିଲା ।ବସ୍ତ୍ର ପିନ୍ଧାଇବା ସେବକ ମଧ୍ୟ କହିଲା କାଲି ରାତି ରେ ସେ ପ୍ରଭୁଙ୍କୁ ବସ୍ତ୍ର ପିନ୍ଧାଇବା ବେଳେ ବସ୍ତ୍ର କୌଣସି ସ୍ଥାନରେ ଚିରି ନ ଥିଲା ଶେଷରେ ସମସ୍ତ ସେବକ ଗଣ ଗଜପତି ମହାରାଜା ଙ୍କୁ ଖବର ଦେଲେ।ଗଜପତି ସାଙ୍ଗେ ସାଙ୍ଗେ ଆସି ପ୍ରଭୁ ଙ୍କ ବସ୍ତ୍ର ର ଏ ଅବସ୍ଥା ଦେଖି ମର୍ମାହତ ହେଲେ।ସେଇ ସିଂହାସନ ତଳେ ଧ୍ୟାନ ରେ ବସି ନିବେଦନ କଲେ,"ପ୍ରଭୁ,ଆପଣ ଙ୍କ ଏପରି ଅବସ୍ଥା କାହିଁକି ଓ କିପରି ହେଲା ?କି ଅଘଟଣ ଘଟିଲା ? କ୍ଷମା କରନ୍ତୁ ପ୍ରଭୁ " ପ୍ରଭୁ ହସି ହସି କହିଲେ ନାହିଁ ନାହିଁ କୌଣସି ଅଘଟଣ ଘଟି ନାହିଁ କିମ୍ବା କାହାର କିଛି ଭୁଲ ହୋଇ ନାହିଁ।ବନମାଳୀ ପୁର ଗ୍ରାମ ର ଚଷା ଝିଅ ମାଳିନୀ ଜୟଦେବ ରଚିତ ମୋର ପ୍ରିୟ ଗୀତ ଗୋବିନ୍ଦ ବୋଲି ବୋଲି ବାଇଗଣ ବାଡ଼ି ରେ ବାଇଗଣ ତୋଳୁ ଥିଲା।ତାର ଭାବ ଭକ୍ତି ଭରା ସୁଲଳିତ କଣ୍ଠରେ ଗୀତ ଗୋବିନ୍ଦ ଶୁଣିବା ପାଇଁ ମୁଁ ତା ପଛେ ପଛେ ବାଇଗଣ କିଆରୀ ରେ ବୁଲୁ ଥିଲି।ତେଣୁ ବାଇଗଣ ଗଛ ର କଣ୍ଟା ଲାଗି ମୋ ବସ୍ତ୍ର କେତେବେଳେ ଚିରି ଯାଇଛି ମୁଁ ତା ସଙ୍ଗୀତ ଗାନ ରେ ଏତେ ମୁଗ୍ଧ ଥିଲି ଯେ ବସ୍ତ୍ର ଚିରିବା କଥା ଜାଣି ପାରିଲି ନାହିଁ।"

ଏହାପରେ ଗଜପତି ମହାରାଜା ସମ୍ମାନ ର ସହିତ ବନମାଳୀ ପୁର ର ଚଷା ଝିଅ ମାଳିନୀ କୁ ଶ୍ରୀକ୍ଷେତ୍ର ଅଣାଇ ତାର ବସ ବାସ ର ବ୍ୟବସ୍ଥା କଲେ।ଶ୍ରୀମନ୍ଦିର ରେ ପ୍ରତିଦିନ ପ୍ରଭୁ ଙ୍କ ରାତ୍ରୀ ପହଡ଼ ପୂର୍ବରୁ ମାଳିନୀ କୁ ଗୀତ ଗୋବିନ୍ଦ ଗାନ କରିବାର ସେବା ପ୍ରଦାନ କଲେ। ସେହଦିନଠାରୁ ଆଜି ପର୍ଯ୍ୟନ୍ତ ଏହି ନୀତି ପ୍ରଚଳିତ ।

ଭାବର ଠାକୁର ସଦା ଭାବରେ ମୁଗ୍ଧ !🙏

ଜୟ ଜଗନ୍ନାଥ 🙏

ଶ୍ରୀମନ୍ଦିର ରେ ଗୀତଗୋବିନ୍ଦ ଗାନ ଆରମ୍ଭ

ଶ୍ରୀମନ୍ଦିର ରେ ଗୀତଗୋବିନ୍ଦ ଗାନ ଆରମ୍ଭ