👉 ଶ୍ରୀମନ୍ଦିର ସତ୍ୱଲିପିରେ ପ୍ଲଟ ନମ୍ବର ୧୧୬ ରେ ଏହି ମନ୍ଦିର ଅବସ୍ଥିତ ।

👉 କୂର୍ମ ବେଢା ବା ଭିତର ବେଢାରେ ଭୋଗ ମଣ୍ଡପ ମନ୍ଦିରର ସମ୍ମୁଖରେ ପାକଶାଳା ପର୍ଯ୍ୟନ୍ତ ଯାଇଥିବା ରାସ୍ତାର ଆଗ୍ନେୟ କୋଣରେ ଏହି ମହାଦେବଙ୍କ ମନ୍ଦିର ଦୃଶ୍ୟମାନ ହୁଏ। ଏହି ମନ୍ଦିରରେ ବିରାଜମାନ କରିଛନ୍ତି ଶ୍ରୀ ଅଗ୍ନିଶ୍ୱର ମହାଦେବ।

ଅଗ୍ନିଶ୍ୱର ମହାଦେବ ବା ଆଗ୍ନେୟଶ୍ୱର ମହାଦେବଙ୍କ ପ୍ରଚଳିତ ଜନସ୍ମୃତି କୁହେ ଯେ ସ୍ୱୟଂ ଅଗ୍ନି ସ୍ୱରୂପ ଶ୍ରୀ ଅଗ୍ନିଶ୍ୱର ମହାଦେବଙ୍କ ସମ୍ମୁଖ ଦେଇ ବୁହା ଯାଉଥିବା ଅନ୍ନ, ବ୍ୟଞ୍ଜନ ଆଦି କିଛି ଅସିଦ୍ଧ (ସମ୍ପୂର୍ଣ ସିଝି ନଥିଲେ )ଥିଲେ ଅଗ୍ନିଶ୍ୱରଙ୍କ ଦୃଷ୍ଟି ପଡିବା ମାତ୍ରେ ସମ୍ପୂର୍ଣ ସିଦ୍ଧ ହୋଇଯାଏ। ଶ୍ରୀମନ୍ଦିର ପାକଶାଳାର ଅଗ୍ନି ରକ୍ଷକ ଭାବେ ବେଶ ପରିଚିତ । ସମସ୍ତ ସେବକଙ୍କ ପାଖରେ ଏହାଙ୍କୁ ମଧ୍ୟ ଶ୍ରୀଜଗନ୍ନାଥଙ୍କ ପାକ ବିଶୋଧକ ଭାବେ ବିବେଚନା କରାଯାଏ।

“ଅଗ୍ନିଶ୍ୱରଂ ମହାରୁଦ୍ରଂ ବିଷ୍ଣୁପାକ ବିଶୋଧକମ୍, ମହା ଜ୍ୱାଳାମୟଂ ଶମ୍ଭୁ ନମାମି ଚନ୍ଦ୍ରଶେଖରମ୍ “ଜୟ ଅଗ୍ନିଶ୍ୱର ।

ଅଗ୍ନିଶ୍ୱର ମହାଦେବ ବା ଆଗ୍ନେୟଶ୍ୱର ମହାଦେବଙ୍କ ସେବା ଏବଂ ପୂଜା

👉 ଏହି ମନ୍ଦିର ପାଇଁ କୌଣସି ନିର୍ଦ୍ଦିଷ୍ଟ ସେବକ ନାହାନ୍ତି କି ଶ୍ରୀମନ୍ଦିର ତରଫରୁ କୌଣସି ଖଞ୍ଜା ନାହିଁ। କେବଳ ଶିବରାତ୍ରି ଦିନ କୋଠରୁ ଚଣା ଓ ଖଜା ଦିଆଯାଏ ଓ ପୂଜାପଣ୍ଡା ଏହାକୁ ଭୋଗ କରିଥାନ୍ତି।

ଶ୍ରୀମନ୍ଦିରରେ ଅଗ୍ନିଶ୍ୱର ମହାଦେବ ବା ଆଗ୍ନେୟଶ୍ୱର ମହାଦେବ

ଶ୍ରୀମନ୍ଦିରରେ ଅଗ୍ନିଶ୍ୱର ମହାଦେବ ବା ଆଗ୍ନେୟଶ୍ୱର ମହାଦେବ