ଶ୍ରୀମନ୍ଦିରରେ ଚୈତ୍ର ଶୁକ୍ଳ ଚତୁର୍ଦ୍ଦଶୀ ତିଥିରେ ଦମନକ ଚତୁର୍ଦ୍ଦଶୀ, ଦୟଣା ବେଢା, ମାୟାମୃଗ ଓ ସୀତାଚୋରୀ ନୀତି

ଏହି ପର୍ବ ଚୈତ୍ର ଶୁକ୍ଳ ଚତୁର୍ଦ୍ଦଶୀ ଦିନ ଅନୁଷ୍ଠିତ ହୁଏ । ଏହିଦିନ ସକାଳ ଧୂପ ସରିବା ପରେ ମହାସ୍ନାନ ବଢ଼ିବା ଉତ୍ତାରେ ପଣ୍ଡା, ପତି, ମୁଦିରସ୍ତେ ଘଟୁଆରି ଘର ଠାରୁ ୩ ଗୋଟା ରୂପା ପିଙ୍ଗଣରେ ଚନ୍ଦନ, ଘଣ୍ଟ, ଛତା, କାହାଳୀ ସହ ସିଂହାସନକୁ ବିଜେ କରାଇ ଆଣି ସିଂହାସନ ଉପରକୁ ଉଠି ସର୍ବାଙ୍ଗ ଲାଗି କରାଇବେ । ନୂଆ ଲୁଗା ଲାଗି ହୋଇବ । ଏ ଉତ୍ତାରେ ବେଶ ହୋଇବେ ଓ ୬ ମୂର୍ତ୍ତି ଅଳଙ୍କାର ଲାଗି ହୋଇବେ । ଗତଦିନ ଅଧିବାସ ହୋଇଥିବା ଭୋଗମଣ୍ଡପ ଘରଠାକୁ ପଣ୍ଡା, ପତି, ମୁଦିରସ୍ତେ ଯିବେ । ୩ ବାଡ଼ ପାଳିଆ ପଶୁପାଳକ ୩ ବାଡ଼ ଋଙ୍ଗୁଡ଼ିକୁ ଧରିବେ । ମହାଜନମାନେ ଶ୍ରୀଦେବୀ , ଭୂଦେବୀ ଓ ମଦନମୋହନଙ୍କୁ ହାତରେ ବିଜେ କରାଇ ଘଣ୍ଟ, ଛତା, କାହାଳୀ ସହ ତଳିଚ୍ଛ ପଟୁଆର ହୋଇ ବଡ଼ ଦେଉଳକୁ ୩ ଘେରା ବୁଲି ଭିତର ସିଂହାସନରେ ବିଜେ କରାଇବେ । ଏ ଉତ୍ତାରେ ଋଙ୍ଗୁଡ଼ିରେ ଦୟଣା ଗଛମାନ ଓ ଶ୍ରୀଅଙ୍ଗରେ ଲାଗି ହୋଇଥିବା ଦୟଣା ଗଛମାନ ମୈଲମ କରାଇ ଶ୍ରୀଜଗନ୍ନାଥ, ବଡ଼ ଠାକୁର ଓ ସୁଭଦ୍ରାଙ୍କୁ ଉକ୍ତ ୬ ଗଛ ଲାଗି କରାଇବେ । ଏ ଉତ୍ତାରେ ଭିତରେ ପାଣି ପଡ଼ି ଧୋ-ପଖାଳ ହୋଇ ମଧ୍ୟାହ୍ନ ଧୂପ ରୋଷରୁ ଘଣ୍ଟ, ଛତା, କାହାଳୀ ସହ ତଳିଚ୍ଛ ପଟୁଆରରେ ଛାମୁକୁ ଆସିବ । ମୁଦିରସ୍ତ ପ୍ରସାଦ ଲାଗି କଲା ପରେ ୩ଜଣ ପଣ୍ଡା ଷୋଡ଼ଶୋଉପଚାରରେ ଭୋଗ କରିବେ । ଏ ଉତ୍ତାରେ ଭିତରେ ପାଣି ପଡ଼ିବା ଉତ୍ତାରେ ବନ୍ଦାପନା ବଢ଼ିବ ଓ ଋଙ୍ଗଡ଼ା ମେକାପ ଠାରୁ ଶ୍ରୀକାପଡ଼ ଏକ ମୂର୍ତ୍ତି ଭଣ୍ଡାର ମେକାପ ନେଇ ସିଂହାସନ ତଳେ ତଢ଼ାଉ ଦେଉଳ କରଣ ଥାଇ ଉକ୍ତ ଦୟଣା ଗଛମାନ ମୈଲମ କରି ମୁଦ କରି ରାଜା ସୁପରିଂଣ୍ଟେଣ୍ଡେଣ୍ଟଙ୍କ ନଅରକୁ ପଠାଇବେ । ମଦନମୋହନ ଦକ୍ଷିଣ ଘରକୁ ବିଜେ କଲା ଉତ୍ତାରେ ଭୋଗ ମଣ୍ଡପ ସରିବ । ସନ୍ଧ୍ୟା ଧୂପ ସରିବା ପରେ ରାମ ଲକ୍ଷ୍ମଣ ଦେବ ଆଜ୍ଞାମାଳ ପାଇ ବଟମୂଳେ ଥିବା ପାଲିଙ୍କିରେ ଜଗନ୍ନାଥ ବଲ୍ଲଭକୁ ପୂର୍ବଦିନ ପରି ବିଜେ କରିବେ । ଏ ଦିନ କୁଣ୍ଢେଇବେଣ୍ଟ ସାହି ଲୋକେ ମାୟାମୃଗ ପ୍ରସ୍ତାବ କରିବେ । ମାୟା ମୃଗ ଲୀଳା ବଢ଼ିବା ପରେ ବାହୁଡା଼ ବିଜେ ହେବେ ଓ ମନ୍ଦିରର ଅନ୍ୟାନ୍ୟ ନୀତି ହେବ ।

ଶ୍ରୀମନ୍ଦିରରେ ଦମନକ ଚତୁର୍ଦ୍ଦଶୀ, ଦୟଣା ବେଢା, ମାୟାମୃଗ ଓ ସୀତାଚୋରୀ ନୀତି

ଶ୍ରୀମନ୍ଦିରରେ ଚୈତ୍ର ଶୁକ୍ଳ ଚତୁର୍ଦ୍ଦଶୀ ତିଥିରେ ଦମନକ ଚତୁର୍ଦ୍ଦଶୀ, ଦୟଣା ବେଢା, ମାୟାମୃଗ ଓ ସୀତାଚୋରୀ ନୀତି