#ତ୍ରିଭଙ୍ଗୀପଞ୍ଚକମ୍

ନମଃ ଶ୍ରୀକୃଷ୍ଣାୟ ।

ॐ ଯମଲାର୍ଜୁନଭଞ୍ଜନମାଶ୍ରିତରଞ୍ଜନମହିଗଞ୍ଜନଘନଲାସ୍ୟଭରଂ

ପଶୁପାଲପୁରନ୍ଦରମଭିସୃତକନ୍ଦରମତିସୁନ୍ଦରମରବିନ୍ଦକରମ୍ ।

ବରଗୋପବଧୂଜନବିରଚିତପୂଜନମୂରୁକୂଜନନବବେଣୁଧରଂ

ସ୍ମରନର୍ମବିଚକ୍ଷଣମଖିଲବିଲକ୍ଷଣତନୁଲକ୍ଷଣମତିଦକ୍ଷତରମ୍ ॥ ୧॥

ପ୍ରଣତାଶନିପଞ୍ଜରଂ ନମ୍ବରପିଞ୍ଜରମରିକୁଞ୍ଜରହରିମିନ୍ଦୁମୁଖଂ

ଗୋମଣ୍ଡଲରକ୍ଷିଣମନୁକୃତପକ୍ଷିଣମତିଦକ୍ଷିଣମୈମ୍ତାତ୍ମସୁଖମ୍ ।

ଗୁରୁଗୈରିକମଣ୍ଡିତମନୁନୟପଣ୍ଡିତମବଖଣ୍ଡିତପୁରୁହୂତମଖଂ

ବ୍ରଜକମଲବିରୋଚନମଲିକସୁରୋଚନଗୋରୋଚନମତିତାମ୍ରନଖମ୍ ॥ ୨॥

ଉନ୍ମଦରତିନାୟକଶାଣିତଶାୟକବିନିଧାୟକଚଲଚିଲ୍ଲିଲତଂ

ଉଦ୍ଧତସଙ୍କୋଚନମମ୍ବୁଜଲୋଚନମଘମୋଚନମମରାଲିନତମ୍ ।

ନିଖିଲାଧିକଗୌରବମୁଜ୍ଜ୍ଵଲସୌରଭମତିଗୌରଭପଶୁପୀଷୁ ରତଂ

କୋମଲପଦପଲ୍ଲବମଭ୍ରମୁ ବଲ୍ଲଭରୁଚିଦୁର୍ଲଭସବିଲାସଗତମ୍ ॥ ୩॥

ଭୁଜମୂର୍ଧ୍ନି ବିଶଙ୍କଟମଧିଗତଶଙ୍କଟନତକଙ୍କଟମଟବୀଷୁ ଚଲଂ

ନବନୀତ୍ପକରମ୍ବିତବନରୋଲମ୍ବିତମବଲମ୍ବିତକଲକଣ୍ଠକଲମ୍ ।

ଦୁର୍ଜନତୃଣପାବକମନୁଚରଶାବକନିକରାବକମରୁଣୋଷ୍ଠଦଲଂ

ନିଜବିକ୍ରମଚର୍ଚିତଭୁଜଗୁରୁଗର୍ଵିତଗନ୍ଧର୍ଵିତଦନୁଜାର୍ଦିବଲମ୍ ॥ ୪॥

ଶ୍ରୁତିରତ୍ନବିଭୂଷଣରୁଚିଜିତପୂଷଣମଲିଦୂଷଣନୟନାନ୍ତଗତିଂ

ଯମୁନାତଟତଲ୍ପିତପୁଷ୍ପମନଲ୍ପିତମଦଜଲ୍ପିତଦୟିତାପ୍ତରତିମ୍ ।

ବନ୍ଦେମହି ବନ୍ଦିତମନ୍ଦମମନ୍ଦିତକୁଲମନ୍ଧିତଖଲକଂସମତିଂ

ତ୍ଵାମିହ ଦାମୋଦର ହଲଧରସୋଦର ହର ନୋ ଦରମନୁବଦ୍ଧରତିମ୍ ॥ ୫॥

ବିରଚୟ ମୟି ଦଣ୍ଡଂ ଦୀନବନ୍ଧୋ ଦୟାଂ ବା

ଗତିରିହ ନ ଭବତ୍ତଃ କାଚିଦନ୍ୟା ମମାସ୍ତି ।

ନିପତତୁ ଶତକୋଟିର୍ନିର୍ଭରଂ ବା ନବାମ୍ଭ-

ସ୍ତଦପି କିଲ ପୟୋଦଃ ସ୍ତୂୟତେ ଚାତକେନ ॥ ୧॥

ପ୍ରାଚୀନାନାଂ ଭଜନମତୁଲଂ ଦୁଷ୍କରଂ ଶୃଣ୍ଵତୋ ମେ

ନୈରାଶ୍ୟେନ ଜ୍ଵଲତି ହୃଦୟଂ ଭକ୍ତିଲେଶାଲସସ୍ୟ ।

ବିଶ୍ଵଦ୍ରୀଚୀମଘହର ତବାକର୍ଣ୍ୟ କାରୁଣ୍ୟବୀଚୀଂ

ଆଶାବିନ୍ଦୂକ୍ଷିତମିଦମୁପୈତ୍ୟନ୍ତରେ ହନ୍ତ ଶୈତ୍ୟମ୍ ॥ ୨॥

ଇତି ଶ୍ରୀରୂପଗୋସ୍ଵାମିବିରଚିତସ୍ତବମାଲାୟାଂ ତ୍ରିଭଙ୍ଗୀପଞ୍ଚକଂ ସମ୍ପୂର୍ଣମ୍ ।

त्रिभङ्गीपञ्चकम्

नमः श्रीकृष्णाय ।

ॐ यमलार्जुनभञ्जनमाश्रितरञ्जनमहिगञ्जनघनलास्यभरं

पशुपालपुरन्दरमभिसृतकन्दरमतिसुन्दरमरविन्दकरम् ।

वरगोपवधूजनविरचितपूजनमूरुकूजननववेणुधरं

स्मरनर्मविचक्षणमखिलविलक्षणतनुलक्षणमतिदक्षतरम् ॥ १॥

प्रणताशनिपञ्जरं नम्बरपिञ्जरमरिकुञ्जरहरिमिन्दुमुखं

गोमण्डलरक्षिणमनुकृतपक्षिणमतिदक्षिणमैम्तात्मसुखम् ।

गुरुगैरिकमण्डितमनुनयपण्डितमवखण्डितपुरुहूतमखं

व्रजकमलविरोचनमलिकसुरोचनगोरोचनमतिताम्रनखम् ॥ २॥

उन्मदरतिनायकशाणितशायकविनिधायकचलचिल्लिलतं

उद्धतसङ्कोचनमम्बुजलोचनमघमोचनममरालिनतम् ।

निखिलाधिकगौरवमुज्ज्वलसौरभमतिगौरभपशुपीषु रतं

कोमलपदपल्लवमभ्रमु वल्लभरुचिदुर्लभसविलासगतम् ॥ ३॥

भुजमूर्ध्नि विशङ्कटमधिगतशङ्कटनतकङ्कटमटवीषु चलं

नवनीत्पकरम्बितवनरोलम्बितमवलम्बितकलकण्ठकलम् ।

दुर्जनतृणपावकमनुचरशावकनिकरावकमरुणोष्ठदलं

निजविक्रमचर्चितभुजगुरुगर्वितगन्धर्वितदनुजार्दिबलम् ॥ ४॥

श्रुतिरत्नविभूषणरुचिजितपूषणमलिदूषणनयनान्तगतिं

यमुनातटतल्पितपुष्पमनल्पितमदजल्पितदयिताप्तरतिम् ।

वन्देमहि वन्दितमन्दममन्दितकुलमन्धितखलकंसमतिं

त्वामिह दामोदर हलधरसोदर हर नो दरमनुबद्धरतिम् ॥ ५॥

विरचय मयि दण्डं दीनबन्धो दयां वा

गतिरिह न भवत्तः काचिदन्या ममास्ति ।

निपततु शतकोटिर्निर्भरं वा नवाम्भ-

स्तदपि किल पयोदः स्तूयते चातकेन ॥ १॥

प्राचीनानां भजनमतुलं दुष्करं शृण्वतो मे

नैराश्येन ज्वलति हृदयं भक्तिलेशालसस्य ।

विश्वद्रीचीमघहर तवाकर्ण्य कारुण्यवीचीं

आशाबिन्दूक्षितमिदमुपैत्यन्तरे हन्त शैत्यम् ॥ २॥

इति श्रीरूपगोस्वामिविरचितस्तवमालायां त्रिभङ्गीपञ्चकं सम्पूर्णम् ।

⚜️🔱⚜️🔱⚜️🔱⚜️🔱⚜️🔱⚜️