ଲେଖିବାକୁ ମୁଁ ଯେ ଭାରି ପସନ୍ଦ କରେ କବିତା ଓ କ୍ଷୁଦ୍ର ଗଳ୍ପ,

ଜୀବନର ପଥରେ କାମ ବହୁତ ହେଲେ ମୋ ଲେଖା ପାଇଁ ସମୟ ସ୍ୱଳ୍ପ॥

କବିତାର ଆଧାର ଯେ କେମିତି ହୁଏ ବାଟବଣା ଥିଲି ମୁଁ,

ସୃଜନୀ କହିଲା ଦେଖ ତୁ ମୋ ସହ ଚାଲେ ବାଟ ଦେଖାଇ ଦେବି ମୁଁ॥

ସୃଜନୀ-ଅସ୍ମିତାକୁ ପାଇଲି ମୁଁ ମୋ ଜୀବନର ଗୋଟିଏ ସଉକର ଆଶା କରି,

ମୋର ଅତିପ୍ରିୟ ଦିଦି ଜଣେ ମତେ ଭେଟେଇଥିଲେ ମୋ ପାଇଁ ମନେ ଭରସା ଧରି॥

ପ୍ରତି ସପ୍ତାହରେ ନୂଆ ନୂଆ ଲେଖାର ଚ୍ୟାଲେନ୍ଜ ସତେ ଭାରି ଭଲ ଲାଗେ,

ଲେଖିବାକୁ ମୋର କଲମ ବ୍ୟସ୍ତ ହୋଇପଡେ ତା'ର ବିଷୟ ଆସିଲେ ଆଗେ॥

ସବୁ ଘରେ ପର୍ବ ପାଳିଲେ ଯେମିତି ସମସ୍ତେ ଏକାଠି ହୁଅନ୍ତି,

ସୃଜନୀ-ଅସ୍ମିତା ରେ ଆମେ ସବୁ ପର୍ବ ପାଳୁ କେହି ବାଦ୍ ପଡି ନଯାଆନ୍ତି॥

ୱେବିନାର୍ ଆମ କେଡେ ଯେ ସୁନ୍ଦର କ'ଣ କହିବି ଆଉ,

ପ୍ରଶ୍ନ ଉତ୍ତର ପର୍ଯ୍ୟାୟ ଏତେ ଜୋର ଚାଲେ ମନ କହେ ସେମିତି ଚାଲିଥାଉ॥

ହେଲେ ଅବା ସବୁ ପର୍ବ ସରିଯାଏ ବନ୍ଧନ ସରେନି ଜମା,

ସୃଜନୀ ରେ ଆମ ବନ୍ଧୁତା ଯେମିତି ବହି ସାଥେ ଲେଖକ ନାଆଁ॥

ଯଦି ଭୁଲ୍ ଟିଏ ହେଇଯାଏ ଲେଖା ରେ ଗାଇଡ୍ କରନ୍ତି ଦିଦି ମାନେ,

ଭଲ ଲେଖିଥିଲେ ପ୍ରଶଂସା କରନ୍ତି ଖୁସି ଭରିଯାଏ ମନେ॥

ସୃଜନୀ ର ମୋର ଅସ୍ମିତା ମହିଳାମଞ୍ଚ ଯେ ସୃଜନୀ ର ନିଆରା ଅଙ୍ଗ,

ମହିଳା ମାନଙ୍କ ସ୍ୱତନ୍ତ୍ର ମଞ୍ଚ ଏଇଟି ମନର ଉଲ୍ଲାସ ତରଙ୍ଗ॥

ଓଡିଆ ଭାଷାକୁ ପରିଚିତ କରାଇବା ସୃଜନୀ ର ଲକ୍ଷ୍ୟ ଅଟେ,

ଇଣ୍ଟରନେଟ୍ ଦୁନିଆରେ ଆଗକୁ ବଢିବ ସୃଜନୀ,ଆମେ ନେବା ତାକୁ ବାଟେ॥

କେତେ ଯେ ସୁନାମ ସୁଦକ୍ଷା ଲେଖକ ଲେଖିକା ପ୍ରତିଭାଶାଳୀ ଏଠି ଅଛନ୍ତି,

କଲମର ମୁନ ଆଙ୍କି ହେଇଯାଏ ତାଙ୍କ,ସତେ ଲେଖା ତାଙ୍କ ଅସରନ୍ତି॥

ସୃଜନୀ ମୋର ଯେ ଅତି ନିଜର ପରି ବନ୍ଧୁ ଟିଏ,

ସୃଜନୀ ଅସ୍ମିତା ମହିଳାମଞ୍ଚ ସହ ମୋର ଅତୁଟ ସମ୍ପର୍କ ଟିଏ॥

ସୃଜନୀ-ଅସ୍ମିତା ମହିଳାମଞ୍ଚ ସହ ନିଜର ସମ୍ପର୍କ/Your relationship with srujanee's Asmita mahila mancha