ଶ୍ୟାମ ତମାରସ ଦାମ ଶରୀରଂ

ଜଟା ମୁକୁଟ ପରିଧନ ମୁନିଚୀରଂ

ପାଣି ଚାପ ଶର କଟି ତୂଣୀରଂ

ନୌମି ନିରଂତର ଶ୍ରୀରଘୁବୀରଂ

ହେ ନୀଳକମଳମାଳା ସଦୃଶ ଶ୍ୟାମତନୁଧାରୀ ! ହେ ଜଟା ମୁକୁଟ ଧାରୀ ! ହେ ମୁନିଜନ ଯୋଗ୍ୟ ବକ୍କଳ ପରିଧାନକାରୀ ! ହସ୍ତରେ ଧନୁଶର ଧରିଥିବା ଓ କଟିରେ ତୂଣୀର ବାନ୍ଧିଥିବା ହେ ଶ୍ରୀରାମ ! ମୁଁ ଆପଣଙ୍କୁ ନିରନ୍ତର ନମସ୍କାର କରୁଛି ।

ମୋହ ବିପିନ ଘନ ଦହନ କୃଶାନୁଃ

ସଂତ ସରୋରୁହ କାନନ ଭାନୁଃ

ନିସିଚର କରି ବରୂଥ ମୃଗରାଜଃ

ତ୍ରାତୁ ସଦା ନୋ ଭୱ ଖଗ ବାଜଃ

ଯେଉଁ ପ୍ରଭୁ ମୋହରୂପୀ ଗହନ ବନକୁ ଦହନ କରିବାରେ ଅଗ୍ନିପରି , ସନ୍ଥରୂପୀ କମଳ ବନକୁ ପ୍ରଫୁଲ୍ଲିତ କରିବାରେ ସୂର୍ଯ୍ୟ ପରି , ରାକ୍ଷସ ରୂପୀ ହସ୍ତୀବୃନ୍ଦକୁ ପରାସ୍ତ କରିବାରେ ସିଂହ ପରି ଏବଂ ଭବରୂପୀ ପକ୍ଷୀକୁ ନାଶ କରିବାରେ ବାଜପକ୍ଷୀ ପରି , ସେହି ପ୍ରଭୁ ସଦା ଆମ୍ଭମାନଙ୍କୁ ରକ୍ଷ୍ୟା କରନ୍ତୁ ।

ଅରୁଣ ନୟନ ରାଜୀୱ ସୁବେଶଂ

ସୀତା ନୟନ ଚକୋର ନିଶେଶଂ

ହର ହୃଦି ମାନସ ବାଳ ମରାଳଂ

ନୌମି ରାମ ଉର ବାହୁ ବିଶାଳଂ

ହେ ଅରୁଣରାଜୀବ ଲୋଚନ ! ହେ ସୁନ୍ଦର ସୁବେଶ ! ହେ ସୀତାଙ୍କ ନୟନ ରୂପୀ ଚକୋରର ଚନ୍ଦ୍ରମା ! ହେ ଶିବ ହୃଦୟ ରୂପୀ ମାନସସରୋବର ର ବାଳହଂସ ! ହେ ବିଶାଳ ହୃଦୟ ଓ ବିଶାଳ ବାହୁ ଶ୍ରୀରାମ ! ମୁଁ ଆପଣଙ୍କୁ ନମସ୍କାର କରୁଛି ।

ସଂଶୟ ସର୍ପ ଗ୍ରସନ ଉରଗାଦଃ

ଶମନ ସୁକର୍କଶ ତର୍କ ବିଷାଦଃ

ଭୱ ଭଞ୍ଜନ ରଞ୍ଜନ ସୁର ଯୂଥଃ

ତ୍ରାତୁ ସଦା ନୋ କୃପା ବରୂଥଃ

ଯେଉଁ ପ୍ରଭୁ ସଂଶୟ ରୂପୀ ସର୍ପକୁ ଗ୍ରାସ କରିବାରେ ଗରୁଡ ପରି , ଯେଉଁ ପ୍ରଭୁ ଅତ୍ୟନ୍ତ କୋଠର ତର୍କରୁ ଉତ୍ପନ୍ନ

ବିଷାଦକୁ ନାଶ କରି ଦିଅନ୍ତି । ଜନ୍ମ ମରଣ ଚକ୍ରରୁ ମୁକ୍ତି ପ୍ରଦାନ କରନ୍ତି ତଥା ଦେବତା ମାନଙ୍କୁ ଆନନ୍ଦ ପ୍ରଦାନ କରନ୍ତି ।ସେହି କୃପା ରାଶି ଶ୍ରୀରାମ ଆମକୁ ସଦା ରକ୍ଷା କରନ୍ତୁ ।

ନିର୍ଗୁଣ ସଗୁଣ ବିଷମ ସମ ରୂପଂ

ଜ୍ଞାନ ଗିରା ଗୋତୀତମନୂପଂ

ଅମଳମଖିଳମନୱଦ୍ୟମପାରଂ

ନୌମି ରାମ ଭଂଜନ ମହି ଭାରଂ ।

ହେ ନିର୍ଗୁଣ ସଗୁଣ ବିଷମ ଓ ସମରୂପ ! ହେ ଜ୍ଞାନ ବାଣୀ ଓ ଇନ୍ଦ୍ରିୟର ଅତୀତ ! ହେ ଅନୁପମ ନିର୍ମଳ ସକଳ ଦୋଷ ରହିତ , ଅନନ୍ତ ଓ ଭାବଭରା ବିଭଞ୍ଜକ ଶ୍ରୀରାମ ! ମୁଁ ଆପଣଙ୍କୁ ନମସ୍କାର କରୁଛି ।

ଭକ୍ତ କଳ୍ପ ପାଦବ ଆରାମଃ

ତର୍ଜନ କ୍ରୋଧ ଲୋଭ ମଦ କାମଃ

ଅତି ନାଗର ଭୱ ସାଗର ସେତୁଃ

ତ୍ରାତୁ ସଦା ଦିନକର କୁଳ କେତୁଃ

ଯେ ଭକ୍ତ ଜନଙ୍କ ନିମନ୍ତେ କଳ୍ପବୃକ୍ଷର ଉଦ୍ୟାନସ୍ବରୂପ , ଯେ କାମ କ୍ରୋଧ ଲୋଭ ଓ ମଦକୁ ଭୟଭୀତ କରନ୍ତି , ଯେ ଅତ୍ୟନ୍ତ ଚତୁର ଓ ସଂସାରସାଗରରୁ ତାରଣ କରିବାରେ ସେତୁସ୍ବରୂପ , ସେହି ସୂର୍ଯ୍ୟ ବଂଶର ଧ୍ବଜା ଶ୍ରୀରାମ ମତେ ସର୍ବଦା ରକ୍ଷା କରନ୍ତୁ ।

ଅତୁଳିତ ଭୁଜ ପ୍ରତାପ ବଳ ଧାମଃ

କଳି ମଳ ବିପୁଳ ବିଭଂଜନ ନାମଃ

ଧର୍ମ ବର୍ମ ନର୍ମଦ ଗୁଣ ଗ୍ରାମଃ

ସଂତତ ଶଂ ତନୋତୁ ମମ ରାମଃ

ଯାହାଙ୍କର ଭୁଜମାନଙ୍କର ପ୍ରତାପ ଅତୁଳନୀୟ , ଯେ ବଳର ଧାମ , ଯାହାର ନାମ କଳିକଳ୍ମଷନାଶକ , ଯେ ଧର୍ମର କବଚ ଏବଂ ଯାହାଙ୍କର ଗୁଣ ସମୂହ ଆନନ୍ଦ ପ୍ରଦାୟକ , ସେହି ଶ୍ରୀରାମ ସଦା ମୋର କଲ୍ୟାଣ ବର୍ଦ୍ଧନ କରନ୍ତୁ ।

ଜଦପି ବିରାଜ ବ୍ୟାପକ ଅବିନାସୀ

ସବ କେ ହୃଦୟଁ ନିରଂତର ବାସୀ

ତଦପି ଅନୁଜ ଶ୍ରୀ ସହିତ ଖରାରୀ

ବସତୁ ମନସୀ ମମ କାନନଚାରୀ

ଯଦ୍ୟପି ଆପଣ ନିର୍ମଳ , ବ୍ୟାପକ, ଅବିନାଶୀ ଓ ସମସ୍ତ ଙ୍କ ହୃଦୟରେ ନିରନ୍ତର ନିବାସ କରନ୍ତି , ତଥାପି ହେ ଖରାରୀ ଶ୍ରୀରାମ ! ଲକ୍ଷ୍ମଣ ଓ ଶ୍ରୀସୀତାଙ୍କ ସହିତ ଏହି ବନଚାରୀ ରୂପରେ ଆପଣ ମୋ ହୃଦୟ ରେ ନିବାସ କରନ୍ତୁ ।

ଜେ ଜାନହିଁ ତେ ଜାନହୁଁ ସ୍ବାମୀ ।

ସଗୁନ ଅଗୁନ ଉର ଅଂତରଜାମୀ

ଜୋ କୋସଲପତି ରାଜିୱ ନୟନା

କରଉ ସୋ ରାମ ହୃଦୟ ମମ ଅୟନା ।

ହେ ପ୍ରଭୁ ! ଯେଉଁମାନେ ଆପଣଙ୍କୁ ସଗୁଣ , ନିର୍ଗୁଣ ଓ ଅନ୍ତର୍ଯାମୀ ବୋଲି ଜାଣନ୍ତି , ସେମାନେ ସେପରି ଜାଣୁଥାନ୍ତୁ । କିନ୍ତୁ ଆପଣ କେବଳ କୋଶଳପତି କମଳନୟନ ଶ୍ରୀରାମ ରୂପରେ ମୋ ହୃଦୟରେ ନିବାସ କରନ୍ତୁ ।

ସୁତୀକ୍ଷ୍ଣ ଦ୍ବାରା ଶ୍ରୀ ରାମ ସ୍ତୁତି

ସୁତୀକ୍ଷ୍ଣ ଦ୍ବାରା ଶ୍ରୀ ରାମ ସ୍ତୁତି