ବିଷୟ ପ୍ରବେଶ -

******************

ମୃତ୍ୟୁ ର ଆଗମନ ଅନିଶ୍ଚିତ । ଏହା କାହାର ନିୟନ୍ତ୍ରଣ ରେ ନଥାଏ । ମୃତ୍ୟୁ ଆଗମନ ର ସମୟ ନିର୍ଦ୍ଧାରିତ ହୋଇନଥାଏ। ଏହି ମୃତ୍ୟୁ ଦୁଇ ପ୍ରକାରର ହୋଇଥାଏ ଯଥା ସ୍ବାଭାବିକ୍ ମୃତ୍ୟୁ ଓ ଅସ୍ବାଭାବିକ ମୃତ୍ୟୁ। ସ୍ବାଭାବିକ ମୃତ୍ୟୁ ବାର୍ଦ୍ଧକ୍ୟ ଜନୀତ ହୋଇଥିବା ବେଳେ ଅସ୍ବାଭାବିକ ମୃତ୍ୟୁ ଭିନ୍ନ ଭିନ୍ନ କାରଣ ପାଇଁ ହୋଇଥାଏ। ବିଭିନ୍ନ ପ୍ରକାର ର ପ୍ରାକୃତିକ ବିପର୍ଯ୍ୟୟ ଯଥା ବନ୍ୟା ,ବାତ୍ୟା , ଭୂମିକମ୍ପ ଓ ଅଗ୍ନିକାଣ୍ଡ ଏବଂ ଦୁର୍ଘଟଣା ଓ ବିଭିନ୍ନ ପ୍ରକାର ର ରୋଗ ଦ୍ବାରା ସ୍ବାଭାବିକ୍ ମୃତ୍ୟୁ ହୋଇଥାଏ। ମୃତ୍ୟୁ ଯେତେବେଳେ ଆକସ୍ମିକ ଭାବେ ହୋଇଥାଏ ସେତେବେଳେ ପରିବାର କିମ୍ବା ଏକ ଅନୁଷ୍ଠାନ ଉପରେ କୁପ୍ରଭାବ ପଡିଥାଏ। ଏହି କୁ ପ୍ରଭାବ ସମସ୍ତ ସଦସ୍ୟ ବା ଅନୁଷ୍ଠାନ ର ସମସ୍ତ କର୍ମଚାରୀ ଅନେକ ଦୁଃଖ, କ୍ଲେଶ ଭୋଗ କରିଥାନ୍ତି୍। ପରିବାର ମଧ୍ୟରେ ମୃତ୍ୟୁ କାହାକୁ ବି ହୋଇପାରେ ଯେପରି ବାପା ,ମାଆ ,ଭାଇ ଓ ଭଉଣୀ । ମାତ୍ର ପରିସ୍ଥିତି ସେତେବେଳେ ସାଂଘାତିକ ହୋଇଯାଏ ଯେତେବେଳେ ମୃତ୍ୟୁ ଏକ ରୋଜଗାର କ୍ଷମ ବ୍ୟକ୍ତିର ହୋଇଥାଏ । ମୃତ୍ୟୁ ଦ୍ବାରା ପରିବାର ଉପରେ ଅନେକ କୁ ପ୍ରଭାବ ପଡିଥାଏ ତଥା ଆର୍ଥୀକ ସଙ୍କଟ ଦେଖାଦେଇଥାଏ। ଏହି ଆର୍ଥୀକ ସଙ୍କଟ ଦୂର କରିବା ପାଇଁ ଆମ ଦେଶର ଅର୍ଥ ବ୍ୟବସ୍ଥା ରେ ଅନେକ ଉପାୟ ମାନ ରହିଛି। ତନ୍ମଧ୍ୟରୁ ବୀମା ବ୍ୟବସ୍ଥା ଅନ୍ୟତମ।

ବ୍ୟକ୍ତି, ପରିବାର ଏବଂ ବ୍ୟବସାୟ ମାଲିକମାନେ ପ୍ରିମିୟମ ଆକାରରେ ବୀମା କମ୍ପାନୀକୁ କିଛି ପରିମାଣ ଅର୍ଥ ଦେଇଥାନ୍ତି ।ଦୁର୍ଦ୍ଦିନ ସମୟରେ ବା ଅସମୟରେ ସେମାନଙ୍କର କ୍ଷତିର ଭରଣା ହୋଇଥାଏ ।ଏହି ପ୍ରକାର କାର୍ଯ୍ୟ କରିବା ପାଇଁ ଦେଶରେ ଅନେକଗୁଡ଼ିଏ ବୀମା ସଂସ୍ଥା ଗଠନ କରାଯାଇଅଛି । ଏହି ବୀମା ସଂସ୍ଥା ଜଣେ ବ୍ୟକ୍ତିର ଓ ତାର ପରିବାର, ସମାଜ ତଥା ଦେଶର ଅର୍ଥନୀତି ପାଇଁ ହିତକାରୀ ସାବ୍ୟସ୍ତ ହୋଇଥାଏ।ଏହି ବୀମା ସଂସ୍ଥା ଦ୍ବାରା ଘରର ମୁଖ୍ୟ ତଥା ରୋଜଗାର କ୍ଷମ ବ୍ୟକ୍ତିର ମୃତ୍ୟୁ ପରେ ସୁଦ୍ଧା ଆର୍ଥିକ ସଂକଟ ଦୂର ହୋଇପାରିଥାଏ। ଏହା ବ୍ୟକ୍ତି , ପରିବାର ଓ ସମାଜ ପାଇଁ ମଙ୍ଗଳମୟ ସାବ୍ୟସ୍ତ ହୋଇଥାଏ।

ବ୍ଯକ୍ତି ପାଇଁ ବୀମା ର ଗୁରୁତ୍ବ -

********************

ପ୍ରାୟ ସମସ୍ତ ବ୍ୟକ୍ତି ନିଜର ବ୍ୟକ୍ତି ଗତ ଓ ପାରିବାରିକ ଜୀବନରେ ଆୟର ଧାରା କୁ ବଜାୟ ରଖିବାକୁ ଚେଷ୍ଟା କରିଥାନ୍ତି। ମାତ୍ର ବନ୍ୟା, ବାତ୍ୟା, ଭୂମିକମ୍ପ ଓ ଅଗ୍ନିକାଣ୍ଡ ପରି ବିଭିନ୍ନ ପ୍ରକାର ପ୍ରାକୃତିକ ବିପର୍ଯ୍ୟୟ ଏବଂ ବିଭିନ୍ନ ରୋଗ, ଦୁର୍ଘଟଣା ଓ ବାର୍ଦ୍ଧକ୍ୟ ଜନିତ ମୃତ୍ୟୁ ଇତ୍ୟାଦି ବିଭିନ୍ନ କାରଣରୁ ଆୟର ପରିମାଣ ହ୍ରାସ ପାଇଥାଏ। ଆୟ ଅନିଶ୍ଚିତତାରୁ ରକ୍ଷା ପାଇବା ପାଇଁ ଜଣେ ବ୍ୟକ୍ତି ବା ଅନୁଷ୍ଠାନ ବୀମାର ସାହାଯ୍ୟ ନେଇଥାଏ। ବୀମା କେବଳ ଆୟ ବା ସମ୍ପତିର ସୁରକ୍ଷା ଦେଇ ନଥାଏ ବରଂ ତା ସହିତ ବୀମାଭୁକ୍ତ ସମ୍ପତ୍ତି ଉପରେ ଲାଭାଂଶ ପ୍ରଦାନ କରିବା ସହ ବୀମାଭୁକ୍ତ ବ୍ୟକ୍ତି ଓ ତା ପରିବାର ସଦସ୍ୟମାନଙ୍କର ଆୟବୃଦ୍ଧିରେ ମଧ୍ଯ ସହାୟକ ହୋଇଥାଏ ।

ସମାଜ ପାଇଁ ବୀମାର ଗୁରୁତ୍ବ-

********************

ବୀମାକରଣ ସମାଜ ପାଇଁ ମଧ୍ୟ ଏକ ହିତକାରୀ ସାବ୍ୟସ୍ତ ହୋଇଥାଏ ।ବୀମା ଏପରି ଏକ ସାମାଜିକ ବ୍ୟବସ୍ଥା ଯେଉଁଥିରେ କିଛି ବ୍ୟକ୍ତି ବା ଅନୁଷ୍ଠାନର କ୍ଷତି ଭରଣା କରିବା ପାଇଁ ବହୁ ବ୍ୟକ୍ତି ଓ ବହୁ ଅନୁଷ୍ଠାନ ଅଂଶଦାନ କରିଥାନ୍ତି । କାରଣ ବହୁ ସଂଖ୍ୟାରେ ବ୍ୟକ୍ତି ଓ ଅନୁଷ୍ଠାନ ନିଜ ନିଜର ଆର୍ଥିକ କ୍ଷତି ଭରଣା ନିମନ୍ତେ ବିଭିନ୍ନ ପ୍ରକାର ବୀମା କରିଥିଲେ ମଧ୍ୟ ପ୍ରାୟ ସମସ୍ତଙ୍କର କ୍ଷତି ହୋଇ ନଥାଏ । ଅତଏବ ବହୁଲୋକଙ୍କ ଦ୍ବାରା ଅଳ୍ପ ଲୋକଙ୍କର କ୍ଷତି ଭରଣା କରିବା ହିଁ ବୀମାର ମୂଳତତ୍ତ୍ୱ। ଏହା ପରୋକ୍ଷରେ ଲୋକମାନଙ୍କର ଜୀବନଧାରଣର ମାନରେ ଉନ୍ନତି ଆଣିଥାଏ। ଫଳତଃ ଏହା ସାମଗ୍ରୀକ ଭାବେ ସାମାଜିକ ବିକାଶ ସାଧନରେ ସହାୟକ ହୋଇଥାଏ ।

ସ୍ବାସ୍ଥ୍ୟ ବୀମା ସମ୍ବନ୍ଧରେ -

**************************

ଭାରତୀୟ ଅର୍ଥନୀତିର ଏକ ଉଦୀୟମାନ କ୍ଷେତ୍ର ହେଉଛି ସ୍ୱାସ୍ଥ୍ୟ ବୀମା | ଭାରତର ସ୍ବାସ୍ଥ୍ୟ ସେବା ପ୍ରଣାଳୀ ବିଶ୍ବର ସର୍ବବୃହତ୍ ପ୍ରଣାଳୀ ମଧ୍ୟରେ ଅନ୍ୟତମ । ଦେଶର ଆୟର ପରିମାଣ ବୃଦ୍ଧି ପାଇବା ଦ୍ବାରା ଏହାର ସ୍ୱାସ୍ଥ୍ୟସେବା ରେ ମଧ୍ୟ ଉନ୍ନତି ଘଟିଛି। ତଥାପି ଭାରତର ଜନସ୍ୱାସ୍ଥ୍ୟ ଖର୍ଚ୍ଚ ଅନ୍ୟ ମଧ୍ୟବିତ୍ତ ଦେଶ ତୁଳନାରେ କମ୍ ଅଟେ। ୨୦୧୨ ମସିହା ରେ ମୁଣ୍ଡପିଛା ଜନସ୍ୱାସ୍ଥ୍ୟ ଖର୍ଚ୍ଚ ଦୃଷ୍ଟିରୁ ୧୯୧ ଟି ଦେଶ ମଧ୍ୟରୁ ଭାରତ ୧୮୪ ତମ ସ୍ଥାନରେ ରହିଛି।

୧୯୮୬ ରେ ଆରମ୍ଭ ହୋଇଥିବା ଅର୍ଥନୀତିର ଉଦାରୀକରଣ ଏବଂ ସାଧାରଣ ସଚେତନତା ହେତୁ ସ୍ୱାସ୍ଥ୍ୟ ବୀମା ଗୁରୁତ୍ବ ଯଥେଷ୍ଟ ବୃଦ୍ଧି ପାଇଛି। ସଚେତନତାକୁ ସୁଦୃଢ କରିବା ଏବଂ ସ୍ୱାସ୍ଥ୍ୟ ବୀମା କିଣିବାରେ ବିଳମ୍ବକୁ ହ୍ରାସ କରିବା ପାଇଁ, ସାଧାରଣ ବୀମା ନିଗମ ଅଫ୍ ଇଣ୍ଡିଆ ଏବଂ ବୀମା ନିୟାମକ ଓ ବିକାଶ ପ୍ରାଧିକରଣ (IRDAI) ଜନସଂଖ୍ୟାର ସମସ୍ତ ବିଭାଗ ପାଇଁ ଏକ ସଚେତନତା ଅଭିଯାନ ଆରମ୍ଭ କରିଥିଲେ ।

ସ୍ବାସ୍ଥ୍ୟ ବୀମା, ସ୍ୱାସ୍ଥ୍ୟ ସମସ୍ୟା, ଦୁର୍ଘଟଣା କିମ୍ବା ମୃତ୍ୟୁ ଇତ୍ୟାଦି କ୍ଷେତ୍ରରେ ବୀମାଭୁକ୍ତ କିମ୍ବା ତାଙ୍କ ନିର୍ଭରଶୀଳଙ୍କୁ ଆର୍ଥିକ ସହାୟତା ଯୋଗାଇଥାଏ|

ସ୍ବାସ୍ଥ୍ୟ ବୀମା କରିବା ପୂର୍ବରୁ ନିଜକୁ ପ୍ରଥମେ ଏହା ପାଇଁ ପ୍ରସ୍ତୁତ ହେବାକୁ ପଡିଥାଏ ଏହା ନେବା ଉଚିତ୍ କି ଅନୁଚିତ୍ ମଧ୍ୟ ଦେଖିବାକୁ ପଡିଥାଏ। ଏହା ସହିତ କେତେ ଅର୍ଥରାଶି ର ବୀମାର ଆବଶ୍ୟକତା ରହିଛି ତାଯା ମଧ୍ୟ ଆକଳନ କରିନେବାର ଆବଶ୍ୟକତା ରହିଛି। ଯଦି କୌଣସି ଗୁରୁତର ରୋଗ ପାଇଁ ବୀମା କଭର ନେବାର ଥାଏ ତେବେ ବୀମା ଅଧୀନରେ କେଉଁ ରୋଗଗୁଡିକ ଅନ୍ତର୍ଭୁକ୍ତ ତାହା ମଧ୍ୟ ଜାଣିବା ଜରୁରୀ ହୋଇଥାଏ।

ଆବଶ୍ଯକତା-

***************

ଇଉରୋପୀୟ ଦେଶ ମାନଙ୍କରେ ସ୍ବାସ୍ଥ୍ୟ ବୀମା ର କଭରେଜ୍ ୭୦ ର ୮୦ ପ୍ରତିଶତ ରହିଛି ମାତ୍ର ଭାରତ ର ମାତ୍ର ୨୦ ରୁ ୩୦ ପ୍ରତିଶତ ରହିଛି। କୋରନା ମହାମାରୀ ଯେତେବେଳେ ନିଜର ତାଣ୍ଡବଲୀଳା ଦେଖାଉଥିଲା ସେତେବେଳେ ଅନେକ ଲୋକ ଏହାର ଶୀକାର ହୋଇଥିଲେ। ରୋଗ ଛୋଟ ବି ହୋଇପାରେ ବଡ ବି ହୋଇପାରେ । ମ୍ୟାଲେରିଆ ଓ ନିମୋନିଆ ଭଳି ରୋଗର ସରକାରୀ ଚିକିତ୍ସାଳୟର ଖର୍ଚ୍ଚ ୫୦୦୦ ମଧ୍ୟରେ ହେଉଥିବା ବେଳେ ବେସରକାରୀ ଚିକିତ୍ସାଳୟ ରେ ତାହା ୩୦୦୦୦ ଭଳି ଖର୍ଚ୍ଚ ହୋଇଥାଏ ଏବଂ ବଡ ରୋଗ ରେ ଏକ ଲକ୍ଷରୁ ଅଧିକ ଖର୍ଚ୍ଚ ହୋଇଥାଏ। ତେଣୁ ଆମେ ଚିନ୍ତନ କରିବା ଉଚିତ୍ ଯେ ଆମ ପାଖରେ ସଂଚୟ କେତେ ରହିଛି? ଏ କ୍ଷେତ୍ରରେ ଜରୁରୀକାଳୀନ ପାଣ୍ଠି ର ଆବଶ୍ୟକତା ରହିଛି। ଉଦାହରଣ ସ୍ବରୂପ ଆମ ପାଖରେ ଦୁଇ ଲକ୍ଷ ଟଙ୍କା ରହିଛି ,ଯାହା ଆବଶ୍ୟକ ପଡିଲେ ଖର୍ଚ୍ଚ କରାଯାଇହେବ । ସରକାରୀ ଚିକିତ୍ସାଳୟରେ ଚିକିତ୍ସା ରେ ଅନେକ ଅବହେଳା ଦେଖିବାକୁ ମିଳିଥାଏ ତାହା ସହ ସେଠାରେ ବେଡ୍ ମିଳିବା ବି ବହୁ କଷ୍ଟକର ସମସ୍ୟା । ସେଥିପାଇଁ ବେସରକାରୀ ଚିକିତ୍ସାଳୟରେ ନିର୍ଭର କରିବାକୁ ପଡିଥାଏ। ମାତ୍ର ତାହା ବ୍ୟୟ ବହୁଳ ହୋଇଥାଏ। ଆମ ସ୍ବାସ୍ଥ୍ୟ କ୍ଷେତ୍ରର ପରିସର କ୍ରମଶଃ ବୃଦ୍ଧି ପାଇବାରେ ଲାଗିଛି। ଅଧୁନା ଯେଉଁ ବ୍ୟୟ ସ୍ବାସ୍ଥ୍ୟ କ୍ଷେତ୍ରରେ ହେଉଛି ତାହା ଆଗାମୀ ବର୍ଷ ମାନଙ୍କରେ ବଢିବାର ସମ୍ଭାବନା ଥାଏ। ଉଦାହରଣ ସ୍ବରୂପ ଯଦି ହାର୍ଟ ଅପରେସନ ର ଖର୍ଚ୍ଚ ଏଵେ ୨ ଲକ୍ଷ ହୋଇଥାଏ , ତେବେ ତାହା ୫ ବର୍ଷ ପରେ ହେହି ଦୁଇ ଲକ୍ଷ ନଥାଇ ପାରେ। ବୟସ ବୃଦ୍ଧି ସହ , ସମୟର ଅଗ୍ରଗତି ସହ ଏହାର ପରିସର ବୃଦ୍ଧି ପାଇଥାଏ।ତେଣୁ ଆମେ ଜରୁରୀକାଳୀନ ପରିସ୍ଥିତି ପାଇଁ ସଂଗ୍ରହ କରିଥିବା ଅର୍ଥ ର ଅଭାବ ପଡିପାରେ। ତେଣୁ ଏହିଭଳି ସମସ୍ୟାର ସମାଧାନ ହେଉଛି ସ୍ବାସ୍ଥ୍ୟ ବୀମା।

ସମସ୍ତଙ୍କୁ ଏକ ସାଧାରଣ ସ୍ବାସ୍ଥ୍ୟ ବୀମା କରିବାର ଆବଶ୍ୟକତା ରହିଛି।ବର୍ଷକ ମଧ୍ୟରେ ୧୦୦୦୦ ,୨୦୦୦୦ ଖର୍ଚ୍ଚ କଲେ ଏକ ଦୁଇ ମଧ୍ୟରେ ବୀମା ଆମେ କରିପାରିବା। ତେଣୁ ଆକସ୍ମିକ ମୃତ୍ୟୁ ପରର ସମସ୍ୟାକୁ ଦୂର କରିବା ପାଇଁ କିମ୍ବା ଆର୍ଥୀକ ଅନିଶ୍ଚିତତା କୁ ଦୂର କରିବା ପାଇଁ ପ୍ରତ୍ୟେକ ର ସ୍ବାସ୍ଥ୍ୟ ବୀମା କରିବା ନିଶ୍ଚିତ ଭାବେ ଗୁରୁତ୍ବପୂର୍ଣ୍ଣ ଅଟେ। ଆଶା କରାଯାଉନ ଥିବା ବିପତ୍ତି ଯେତେବେଳେ ହୁଏ ସେତେବେଳେ ଆମେ ଅର୍ଥାଭାବ ରୁ ଉପଯୁକ୍ତ ଚିକିତ୍ସା ପାଇପାରିବା ଏହା କେବଳ ବୀମା ମାଧ୍ୟମରେ ସମ୍ଭବ ହେଇଥାଏ ୧୪ ବର୍ଷ ରୁ ଅଧିକ ବୟସ୍କ ପିଲାମାନଙ୍କର ଏକ ସ୍ବାସ୍ଥ୍ୟ ବୀମା କରିବା ନିହାତି ଆବଶ୍ୟକ ହୋଇଯାଇଥାଏ। ଏହା ମନକୁ ଆସ୍ବସ୍ତି ପ୍ରଦାନ କରିଥାଏ। ଯଦି ଆଗାମୀ ୪୦ କିମ୍ବା ୫୦ ବର୍ଷ ମଧ୍ୟରେ ଉତ୍ତମ ସ୍ୱାସ୍ଥ୍ୟ ସେବା ପାଇବାର ଅଛି ତେବେ ନିଶ୍ଚିତ ଭାବେ ସ୍ବାସ୍ଥ୍ୟ ବୀମା କରିବାର ଅଛି ଓ ଏହାର ଗୁରୁତ୍ଵ ପ୍ରତି ଅବଗତ ହେବାର ଅଛି। କାରଣ ଯେତେ ବି କ୍ଷେତ୍ର ରହିଛି ସେ ମଧ୍ୟରୁ ସ୍ବାସ୍ଥ୍ୟ କ୍ଷେତ୍ର ଅତ୍ୟନ୍ତ ଗୁରୁତ୍ୱପୂର୍ଣ୍ଣ। କାରଣ ସ୍ବାସ୍ଥ୍ୟ ହିଁ ସମ୍ଫଦ।

ପ୍ରସ୍ତୁତି - ସୌମ୍ୟ ରଞ୍ଜନ ରାୟ

ଭୂୟାଁ ଉଆସ, ଗୁଆମାଳ, ଭଦ୍ରକ

ସ୍ବାସ୍ଥ୍ୟ ବୀମା ଓ ତାହାର ଆବଶ୍ୟକତା|| Health insurance and it's benefits

ସ୍ବାସ୍ଥ୍ୟ ହେଉଛି ଅମୂଲ୍ୟ ସମ୍ପଦ, ସ୍ବାସ୍ଥ୍ୟ ବୀମା କରି ଏଡ଼ାଇବା ବିପଦ।।।।।