ଆମ ହିନ୍ଦୁ ସମ୍ପ୍ରଦାୟର ହୃଦୟ ସମ୍ରାଟ ପ୍ରଭୁ ଜଗନ୍ନାଥଙ୍କ ଆଗମନର କିଛି ଜଣା ଅଜଣା ତଥ୍ୟକୁ ଆଜି ଲେଖାରେ ମୁଁ ପ୍ରକାଣନ କରିବାକୁ ଯାଉଛି।

ଭକତର ଭଗବାନ ଅଟନ୍ତି ଆମ ଚକାଡୋଳା ଭକତର କେବଳ ଗୋଟିଏ ଡାକରେ ପହଞ୍ଚି ଯାଇଥାଆନ୍ତି ସେ ତା ପାଖକୁ ସାହାଯ୍ୟ କରିବା ନିମନ୍ତେ।ତାଙ୍କ ଭବ୍ୟ ଆଗମନର ସର୍ବପ୍ରଥମ ସଙ୍କେତ ଦେଇଥାଏ ତାଙ୍କରି ଦ୍ଵାରା କୃତ ପରିବେଶ ବା ପ୍ରକୃତି। ପ୍ରଭୁ ଜଗନ୍ନାଥ ଭକ୍ତର ହୃଦୟକୁ ଆବେଗକୁ ଯେମିତି ବୁଝନ୍ତି ସେମିତି କେହି ବି ବୁଝି ପାରିବେ ନାହିଁ ସେଇଥି ପାଇଁ ତାଙ୍କୁ ଜଗତର ନାଥ ଜଗନ୍ନାଥ ବୋଲି କୁହାଯାଏ।ସେ ସମସ୍ତଙ୍କ ନାଥ ଅଟନ୍ତି,ପ୍ରାଣ ଅଟନ୍ତି।

ଯେଉଁ ଧରିତ୍ରୀ ସୁର୍ଯ୍ୟଙ୍କ ପ୍ରଖର, ପ୍ରଚଣ୍ଡ କିରଣ ର ପ୍ରତାପ ବା ପ୍ରକୋପ ର ବଶୀଭୂତ ହୋଇ ଖରାରେ ସିଜି ଯାଇଥାଏ। ନଦୀ ନାଳ ପୋଖରୀ ଜଳପ୍ରପାତ ର ଜଳ ଶୁକ୍ଳ ହେବା ଫଳରେ ଆବାଳବୃଦ୍ଧବନିତା, ପଶୁପକ୍ଷୀ,ସରୀସୃପ ଓ ବୃକ୍ଷଲତା ମାନେ ତ୍ରାହି ତ୍ରାହି କରି ପ୍ରଲୋପ କରିଥାନ୍ତି। ତାଙ୍କରି ଆର୍ତ୍ତନାଦ କୁ ସହ୍ୟ କରି ନପାରି।ପ୍ରଭୁ ଜଗନ୍ନାଥ ଧରାବତରଣ କରିଥାନ୍ତି। ଭୂବାସୀ ଙ୍କୁ ସୁର୍ଯ୍ୟଙ୍କ ର ଏହି ପ୍ରତାରଣା ଓ ଯନ୍ତ୍ରଣା ରୁ ମୁକ୍ତି କରିବା ପାଇଁଁ।ଧରା ଓ ଧରାବାସୀଙ୍କ ଦୁଃଖରୂ ଆଶସ୍ତ କରିବା ପାଇଁଁ ସେ ନିଜ ସହ ଘେନି ଆସନ୍ତି ମୈସୁମି ଓ ବର୍ଷା କୁ । ଯାହା ସକଳ ଧରାତଳ ବାସୀଙ୍କୁ ଶୀତଳତା ର ଛାୟା ରେ ବସିଭୁତ କରି ଦେଇଥାଏ ଓ ପ୍ରଚଣ୍ଡ ରୌଦ୍ରତାପରୁ ମୁକ୍ତି କରିଥାଏ।

ବର୍ଷାର ଆଗମନରେ ଭୂତଳ ବାସୀ ନିଜ ନିଜର ଜୀବିକା ନିର୍ବାହ କରିବାରେ ଲାଗିଯାଆନ୍ତି। ଯେଉଁ ଧରାପୃଷ୍ଠ କିଛି ଦିନ ପୂର୍ବେ ଶୁଖିଲା ଦେଖା ଯାଉଥିଲା ତାହା ସବୁ ବର୍ତ୍ତମାନ ସବୁଜ ବନାନୀ ରେ ପରିପୂର୍ଣ ହୋଇଗଲାଣି। ବିଭିନ୍ନ ପ୍ରକାରର ରଙ୍ଗବେରଙ୍ଗ ଫୁଲ ପୁଷ୍ପ ଦ୍ୱାରା ପରିପୂର୍ଣ୍ଣ ହୋଇ ଧରାପୂଷ୍ଠ ଗୋଟିଏ ନୂତନ ବଧୁପରି ସୁସଜ୍ଜିତ ହୋଇଯାଇଛି। ଯେଉଁ ନଦୀ ନାଳ ଶୁକ୍ଳ ହୋଇ ଯାଇଥିଲା ତାହା ବର୍ତ୍ତମାନ କଳ କଳ ନାଦ କରି ପ୍ରବାହିତ ହେଉଛନ୍ତି। ଯେଉଁ ପ୍ରାଣୀମାନେ ମୃତ ପ୍ରାୟ ପଡି ରହିଥିଲେ ସେମାନେ ଚଳଚଞ୍ଚଳ ହୋଇ ଲାଗି ପଡିଛନ୍ତି ନିଜ କର୍ମମୟ ଜୀବନରେ। ପଶୁ ପକ୍ଷୀ ମାନେ ଆନନ୍ଦର ସହ ନୀଜ ଦୈନନ୍ଦିନ କାଯ୍ୟ ରେ ବ୍ୟସ୍ତ। ପ୍ରଭୁ ଜଗନ୍ନାଥ ଧରାବତରଣ କରନ୍ତି ସୁଖ, ଆନନ୍ଦ ଓ ଉଲ୍ଲାସ କୁ ନେଇ। ଚାଷୀ ଭାଇ ଭଉଣୀ ମାନଙ୍କ ଖୁସି କଥା ରେ କରି ହବନି ବ୍ୟକ୍ତ ଧରାଚିରି ଚାଷ କରଇ ସେ ଯୋଗାଏ ଦୁନିଆ କୁ ଆହାର।

ଜଗନ୍ନାଥଙ୍କ ଆଗମନର ଏହି କାହାଣୀ

ଲେଖନୀ ରେ ବ୍ୟକ୍ତ କରୁଛି ମୁଁ ପୁଣି।

ଜଗନ୍ନାଥ ଆସିଲେ ବରଷା କୁ ଘେନି

ଚଳଚଞ୍ଚଳ ହେଲା ଧରଣୀ ରାଣୀ

ଚକାଡୋଳା କୁ କରିବା ପାଇଁଁ ସ୍ବାଗତ

ଶୀଥିଳତା ହୋଇଗଲା ଆଚ୍ଛାଦିତ

ଗୋଟିଏ ଦର୍ଶନ ପାଇଁବା ପାଇଁ

କୋଟି କୋଟି ଭକତ ଅଛୁ ଅନାଇ

କାଳେ ସୈାଭାଗ୍ୟ ମିଳିବ ମୋତେ

ତୁ ବସିଗଲୁ ନନ୍ଦିଘୋଷ ରଥେ

ଗିନି ମୃଦଙ୍ଗ ଆଉ ଶଙ୍ଖ ର ଧ୍ୱନି

ବାସରେ ମହକୁଛି ପୂରା ମେଦିନି

ବର୍ଷକୁ ଥରେ ଆସୁ ତୁ ଧାଇଁ

ଭକତକୁ ଦର୍ଶନ ଦେବା ପାଇଁ

ସୁଖ ଶାନ୍ତି ସବୁ ତୋ ଚରଣେ

ସ୍ଥାନ ମୋତେ ତୁ ଦେ ସେଠାନେ

ଜୟ ହିନ୍ଦ୍ ଜୟ ଭାରତ ଜୟ ଶ୍ରୀରାମ ଜୟ ଜଗନ୍ନାଥ

ଲେଖକ: ସୁନୀଲ୍ କୁମାର୍ ଚୌଧୁରୀ

Writer : Sunil Kumar Choudhury

The Arrival of Lord Jagannath ଜଗନ୍ନାଥଙ୍କ ଆଗମନ

The King of the Universe Lord Jagannath Has Arrived to Bless the Nature, Universe and Humanity...