ମା ମା ବୋଲି ସଂସାର ଭିତରେ

ଆଉ କି ଶବଦ ନାହିଁ

ମା ଛଡା ମଧ୍ୟ ଏଇ ଜଗତ ରେ

ଆଉ ଜଣେ ଅଛି ରହି

ଜଗତ ଠୁ ବଡ ହୃଦୟ ଯାହାର

ଜଗତ ଠୁ ବଡ ମନ

ବାପା ବୋଲି ସାରା ସଂସାର ଜାଣଇ

ମା ସହ ସେ ସମାନ

ମା ସହ ବାପା ମିଶି କରି ହୁଏ

ସଂସାରର ଦୁଇ ଚକ

ସନ୍ତାନ ପାଇଁ କି ଆଉ କି ଲୋଡା ହେ

ଯେବେ ଥାନ୍ତି ପାଳକ

ବାପା ସିନା ଟିକେ କଠୋର ହୁଅନ୍ତି

ହେଲେ ସେ ବହୁ ସରଳ

ତାଙ୍କୁ ଯଦି ଆମେ ତୁଳନା କରିବା

ସେ ହେବେ ନଡ଼ିଆ ଫଳ

ଉପର ଟା ସିନା ବହୁତ୍ କଠିନ

ଭିତରେ ନରମ ତୁଳା

କେବେ ହେଲେ ସିଏ ନିଜ ସନ୍ତାନର

କରନ୍ତିନି ଅବହେଳା

ମାନୁଛି ମୁଁ ଆଜି ତାଙ୍କ ପାଇଁ ମନେ

ଥାଏ ମୋର ଟିକେ ଡର

ସେଇ ଡର ମୋର ଡର ନୁହ ପରା

ସମ୍ମାନ ର ଏକ ଘର

ନିଜେ ଦୁଃଖ ସହି କରନ୍ତି ସେ କାମ

ସନ୍ତାନ ର ଖୁସି ପାଇଁ

ସେଥିପାଇଁ ସିଏ ସନ୍ତାନ ପାଇଁକି

ଅଟନ୍ତି ଜଗତ ସାଇଁ

ନିଜେ କେବେ ହେଲେ ଭଲ ପିନ୍ଧନ୍ତିନି

ସବୁବେଳେ ସେଇ ପୁରୁଣା

ହେଲେ ମୋ ପାଇଁ କେବେ ଅଭାବ ନଥାଏ

ସବୁବେଳେ ନୂଆ କିଣା

ପରୀକ୍ଷା ସମୟେ ତାଙ୍କ ଆଶୀର୍ବାଦେ

ଲାଗେ ମିଳିଗଲା ଶକ୍ତି

ତାଙ୍କରି ମୁହଁରୁ ଭଲ କର ବୋଲି

ଶୁଣି ହୁଏ ଆତ୍ମତୃପ୍ତି

ତାଙ୍କ ନାମ ନେଇ ପରୀକ୍ଷା କକ୍ଷରେ

କରେ ଯେବେ ଅବସ୍ଥାନ

ପ୍ରଶ୍ନର ଉତ୍ତର ଆସୁ କି ନ ଆସୁ

ସାହାସ ମିଳେ ତତ୍କ୍ଷଣ

ବଜାରରେ ଯଉ କଣ୍ଢେଇ ଦେଖଇ

ଜିଦି କରେ କିଣିଯାଉ

ଜିଦି ମୋର ଦେଖି କିଣି ସେ ଦିଅନ୍ତି

ପଇସା ଥାଉ କି ନ ଥାଉ

ମତେ ଦେଇଛନ୍ତି ନୂଆ ଫୋନ ଟିଏ

ନିଜେ ଧରନ୍ତି ପୁରୁଣା

ସେଥିପାଇଁ ସିଏ କେବେ ହେଲେ ମଧ୍ଯ

ମନ କରନ୍ତିନି ଉଣା

ବସ ରେ ଯେବେ ଗାଁ କୁ ବାହାରୁ

ଭିଡ଼ ହେଇଥାଏ ଭାରି

ସିଟ୍ ପାଇଲେ ମତେ ସେ ବସାନ୍ତି

ନିଜେ ଠିଆ ହୋଇ କରି

ଦେହ ଖରାପ ରେ କହନ୍ତିନି କିଛି

କରନ୍ତିନି ମନ ଦୁଃଖ

ମୋତେ ଟିକେ କେବେ ଜ୍ଵର ବି ହୋଇଲେ

ବ୍ୟସ୍ତ ସିଏ ଦିନ ଯାକ

ରାସ୍ତାରେ ଚାଲିଲେ କାଟେ ମୋର ପାଦ

ଚାଲି ପାରେ ନାହିଁ ଯେବେ

କାଖ କରି ସିଏ ନିଅନ୍ତି ମତେ ଯେ

ମନା କରନ୍ତିନି କେବେ

ମନେ ପଡେ ମୋର ସେଇ ଦଶହରା

ଜାନି ଜାତରା ର ଦିନ

ବୁଲେଇ ନିଅନ୍ତି ଖେଳଣା ଦିଅନ୍ତି

ପୂରଣ ହୁଏ ସପନ

ସପନ ରୁ ଏବେ ମନେ ପଡିଗଲା

ସେଇ ବାପାଙ୍କର କଥା

ସପନ କୁ ମୋର ପୂରଣ କରନ୍ତି

ହେଉ ପଛେ ଯେତେ ବ୍ୟଥା

ଲକ୍ଷ୍ୟ ହାସଲରେ ସବୁବେଳେ ସିଏ

କରନ୍ତି ସେ ସମର୍ଥନ

ଜୀବନରେ ଆଜି ଯାହା ମୁଁ ହେଇଛି

ସବୁ ଅଟେ ତାଙ୍କ ଦାନ

ମନ ଖୋଲି କେବେ କହି ପାରି ନାହିଁ

ପାଏ କେତେ ତାଙ୍କୁ ଭଲ

କହିବା ପାଇଁକି ସାହାସ ପାଏନି

ପାଏ ନାହିଁ କେବେ ବଳ

@ସତ୍ୟବ୍ରତ ସେନାପତି

The Strength in His Silence (ବାପା)

ପିତା ଧର୍ମଃ ପିତା ସ୍ୱର୍ଗଃ, ପିତା ହି ପରମଂ ତପଃ। ପିତରି ପ୍ରୀତିମାପନ୍ନେ, ପ୍ରିୟନ୍ତି ସର୍ବ ଦେବତାଃ॥