ସମୟ ଯେବେ ପୀଢ଼ି ପରେ ପୀଢ଼ି ପରିବର୍ତ୍ତନ ହୋଇ ଚାଲିଛି, ସେଠି କେବଳ ସମୟ ନୁହେଁ ବରଂ ପରିବେଶ ଧୀରେ ଧୀରେ ପରିବର୍ତ୍ତନ ହେଉଛି |ସେ ପରିବର୍ତ୍ତନ ମାନଙ୍କ ମଧ୍ୟରେ ପାଣିପାଗ, ଖାଦ୍ୟ ମଣିଷଙ୍କ କ୍ଷମତା, ତାପମାତ୍ରା, ଖାଦ୍ୟ, ପ୍ରଦୂଷଣ ଏମିତି ଅନେକ କିଛି ପରିବର୍ତ୍ତନ ହୋଇ ଚାଲିଛନ୍ତି ଅହରହ |ମଣିଷ ମଧ୍ୟ ଯୁଗ ସହ ତାଳ ଦେଇ ଚାଲିଛି |ମାତ୍ର ଅନେକ ଗବେଷଣା ମାନଙ୍କ ଦ୍ୟାର ଯେଉଁ ଜୀବନ ଶୈଳୀ କୁ ଅବଲମ୍ବନ କରିବାର ପ୍ରଣାଳୀ ବିଷୟରେ ଆମକୁ ଅବଗତ କରା ଯାଉଚି ତା ବିଷୟରେ ଆମକୁ ବିଶେଷ ଧ୍ୟାନ ଦେବା ଜରୁରୀ | ଉଦାହରଣ ବଶତଃ ଖାଦ୍ୟ - ପୁରୁଣା ଯୁଗରେ ଲୋକ ମାନଙ୍କର ଖାଦ୍ୟ ଖାଇବାର କ୍ଷମତା ଅଧିକ ଥିଲା |କାରଣ ସେମାନେ ଅଧିକ ପରିଶ୍ରମ କରୁଥିଲେ | ପୁରୁଷ ମାନେ କୃଷି ଭଳି କଠିନ କାମ କରୁଥିଲା ବେଳେ ସ୍ତ୍ରୀ ମାନେ କୁଅଁ ବା ପୋଖରୀ ରୁ ପାଣି ବୋହିବା, ଘର ଲିପା ପୋଛା କରିବା, ଏମିତି ଅନେକ କାମ କରୁ ଥିଲେ ତେଣୁ ସେମାନେ ଅଧିକ ଖାଦ୍ୟ ଖାଇ ହଜମ କରିପାରୁଥିଲେ |ଏହାଛଡ଼ା ରାସାୟନିକ ସାର ବିହୀନ ଖାଦ୍ୟ ଖାଇ ନିରୋଗ ରହୁଥିଲେ | ମାତ୍ର ମାତ୍ର ଯୁଗ ପରିବର୍ତ୍ତନ ସକାଶେ ଲୋକ ମାନେ ଖାଦ୍ୟ ଖାଇବା ନାଆରେ ବିଶ ଖାଇ ଚାଲିଛନ୍ତି | ତେଣୁ ଆମର ପ୍ରଥମ କର୍ତ୍ତବ୍ୟ ହେଉଛି ଯେ ଖାଦ୍ୟକୁ ନେଇ ଆମକୁ ଅଧିକ ଧ୍ୟାନ ଦେବାକୁ ପଡ଼ିବ |

କିଛି ସୁବିଧା ଜନକ ମାତ୍ର ଗୁରୁତ୍ଵପୂର୍ଣ୍ଣ କଥା ଆମ ଖାଦ୍ୟକୁ ନେଇ ଆମକୁ ଧ୍ୟାନ ରଖିବାକୁ ପଡ଼ିବ | ଏହା ସହ ଖାଦ୍ୟର ପ୍ରଣାଳୀକୁ କିଛି ମାତ୍ରାରେ ବଦଳାଇ ଦେଲେ ତାହା ପୃଷ୍ଟିକର ଏବଂ ସ୍ୱାଦଯୁକ୍ତ ହୋଇ ପାରିବ |ପ୍ରଥମତଃ ଖାଦ୍ୟକୁ ରାନ୍ଧିବା ପାଇଁ ଯଥା ସମ୍ଭବ କମ୍ ତେଲର ବ୍ୟବହାର କରିବା ଉଚିତ୍ | ଏହା ସହ ଖାଦ୍ୟକୁ ତେଲରେ ଭାଜିବା ଆଗରୁ ପାଣିରେ ସିଝାଇ ଦେଲେ ଭାଜିବାରେ ଅଧିକ ତେଲ ବ୍ୟବହାର ହେବନାହିଁ | ପୁଣି ମସଲା ମଧ୍ୟରେ ଶୁଖିଲା ଲଙ୍କା ଗୁଣ୍ଡ ଯାହାକି ସ୍ବାସ୍ଥ୍ୟ ପାଇଁ ହାନି କାରକ ତା ବଦଳରେ କଞ୍ଚା ଲଙ୍କା ବ୍ୟବହାର କରିବା ଜରୁରୀ |ପୁଣି ଆମିଷ ରାନ୍ଧିବା ବେଳେ ଦହି ବଦଳରେ ଲେମ୍ବୁ ବ୍ୟବହାର କରିବା ଉଚିତ୍ ଯାହାକି ଆମିଷ ସହ କ୍ଷୀର ଜାତୀୟ ଖାଦ୍ୟ ଖାଇବା ଦ୍ବାରା ହଉଥିବା ରୋଗ ମାନଙ୍କଠୁ ଆମକୁ ଦୂରେଇ ରଖିବ | ଖାଦ୍ୟକୁ ସବୁବେଳେ ପରିଷ୍କାର ପରିବେଶରେ ରାନ୍ଧିବା, ରାନ୍ଧି ସାରି ଖାଦ୍ୟକୁ ଢ଼ାଙ୍କୁଡ଼ି ରଖିବା ଏବଂ ଯଥା ସମ୍ଭବ ଗରମ ରନ୍ଧା ଖାଦ୍ୟ ଖାଇବାକୁ ଚେଷ୍ଟା କରିବା ଉଚିତ |

ଏମିତିରେ ଆମ ଭାରତୀୟ ରୋଷେଇ ଶାଳରେ ବ୍ୟବହାର ହେଉଥିବା ପ୍ରତ୍ୟେକଟି ମସଲାରେ କୌଣସି ନା କୌଣସି ଔଷଧୀୟ ଗୁଣ ଅଛି | ସେ ସବୁକୁ ଉଚିତ୍ ସମୟର ଉଚିତ୍ ମାତ୍ରାରେ ଖାଇଲେ ମଣିଷ କେବଳ ନିରୋଗ ନୁହେଁ ବରଂ ସ୍ବାସ୍ଥ୍ୟଜନିତ ଉନ୍ନତ ମଧ୍ୟ ହୋଇ ପାରିବ | ବିଭିନ୍ନ ଋତୁରେ ମିଳୁଥିବା ଫଳ ଏବଂ ପରିବା ଖାଇବା ଦ୍ୱାରା ମଣିଷ ନିରୋଗ ହେବା ସହ ସେଇ ଖାଦ୍ୟର ପ୍ରକୃତ ପୋଷଣ ଗ୍ରହଣ କରିଥାଏ | ଏହାଛଡ଼ା ଅନେକ ଗବେଷଣା ଦ୍ଵାରା ପାଇଥିବା ଭିନ୍ନ ଖାଦ୍ୟ ପ୍ରଣାଳୀକୁ ମଧ୍ୟ ଅବଲମ୍ବନ କରିବା ଉଚିତ୍ | ପୁଣି ଅନେକ ପୁରାତନ ଖାଦ୍ୟରେ ନୂତନତା ଯୋଡ଼ିଦେଇ ଆମେ ତାର ଆନନ୍ଦ ଉଠାଇବାର ଆଜି ଲାଗି ପଡ଼ିଚୁ |

- ଲୁଣିଆ ମଣ୍ଡା - ମଣ୍ଡା ପିଠା ପାଇଁ ଆମ ମାନଙ୍କ ମନରେ ଏକ ଅଲଗା ପ୍ରକାରର ଭାବପ୍ରବଣତା ରହି ଆସିଛି |ହେଲେ ଆଜିକାଲିର ପିଲା ମାନେ ମଣ୍ଡା ର ମହତ୍ତ୍ଵ ନ ଜାଣି "ମୋମୋ" ରେ ମନ ବଳାଉଛନ୍ତି | ତେଣୁ କିଛି ଛୋଟ ପରିବର୍ତ୍ତନ ଦ୍ଵାରା ଆମେ ଏହାକୁ ସମାଧାନ କରିପାରିବା | ମଣ୍ଡାରେ ଦିଆ ଯାଉଥିବା ନଡ଼ିଆ ଚିନି ପୁରକୁ ବଦଳି ଅଳ୍ପ ତେଲରେ ଭଜା ହୋଇଥିବା ପରିବାକୁ ବ୍ୟବହାର କରି ମଣ୍ଡା ବନେଇ ପାରିବା |

- ସୁଜି ପୋଡ଼ - ପୋଡ଼ା ପିଠାକୁ ନୁତନତା ଦବାକୁ ଯାଇ ସୁଜି କିମ୍ବା ଅଟା ରେ ଦହି ଏବଂ ନଡ଼ିଆ ପକେଇ ଆଣ ତିଆରି କରି microwave ovan ରେ ପ୍ରସ୍ତୁତ କାଟିବା ଦ୍ଵାରା ଆଧୁନିକ କେକ୍ ର ସ୍ଵାଦ ଆସିବ |

- ମାଛକୁ ଅଧିକ ତେଲରେ ନ ଭାଜି କଦଳୀ ପତ୍ର କିମ୍ବା ଶାଳପତ୍ର ରେ ମସଲା ଏବଂ ଅଳ୍ପ ସହ ଗୁଡ଼େଇ microwave ରେ ରାନ୍ଧିଲେ ତାର ଏକ ଆଧୁନିକତାର ଆନନ୍ଦ ଆମେ ପାଇ ପାରିବା

- ଭାତକୁ ହାଣ୍ଡିରେ ନ ରାନ୍ଧି rice cooker ରେ ରାନ୍ଧିବା ଦ୍ଵାରା ଭାତର ପେଜ ବାହାର କରିବାକୁ ପଦେନି ଏବଂ ଭାତ ସହ ପେଜର ଗୁଣ ମଧ୍ୟ ଆମେ ଗ୍ରହଣ କରିଥାଉ |

ଏମିତି ଅନେକ ଛୋଟ ବଡ଼ ପରିବର୍ତ୍ତନ ଆମ ଦୈନନ୍ଦିନ ଜୀବନରେ ଅବଲମ୍ବନ କରିବା ଦ୍ୱାରା ଆମ ମୁଖସ୍ୱାଦ ଦୁଇଗୁଣିତ ହବା ସହ ରୋଗର କ୍ଷୟ ହବାର ସମ୍ଭାବନା ସର୍ବାଧିକ ରହିଛି |

ସୁସ୍ମିତା ଜେନା

ବିଶାଖପାଟଣା

Traditional food with modern twist

ନୂତନ ଯୁଗର ରନ୍ଧନ ପ୍ରଣାଳୀ ବିଷୟରେ କିଛି ତଥ୍ୟ