ଉତ୍କଳ ଗୌରବ ମଧୁସୁଦନ ଦାସ ଥିଲେ ଓଡିଆ ଜାତୀୟତା ର ମୂର୍ତ୍ତିମନ୍ତ ପ୍ରତୀକ। ସେ ଆମ ଆଧୁନିକ ଓଡ଼ିଶା ର ନବନିର୍ମାତା। ତାଙ୍କ ରି ପ୍ରତ୍ୟକ୍ଷ ପ୍ରେରଣା ଓ ନେତୃତ୍ୱରେ ଉତ୍କଳ ସମ୍ମିଳନୀର ଗଠନ ୧୯୦୩ ମସିହାରେ ହୋଇଥିଲା। ଭାରତରେ ସର୍ବପ୍ରଥମେ ଭାଷାକୁ ଭିତ୍ତି କରି ୧୯୩୬ ଅପ୍ରେଲ ୧ ତାରିଖରେ ସ୍ବତନ୍ତ୍ର ଉତ୍କଳ ପ୍ରଦେଶ ଗଠନର ହେବାର ସ୍ବପ୍ନ ସାକାର ହୋଇଥିଲା । ଓଡ଼ିଶା ର ମାଟି, ମଣିଷ ଓ ଭାଷାକୁ ସେପ୍ରାଣ ଭରି ଭଲ ପାଉଥିଲେ। ଓଡ଼ିଶା ର ଶିଳ୍ପ, ରାଜନୀତି, ଶିକ୍ଷା ଇତ୍ୟାଦି କ୍ଷେତ୍ର ରେ ମଧ୍ୟ ତାଙ୍କ ଭୂମିକା ଅତ୍ୟନ୍ତ ମହତପୂର୍ଣ୍ଣ । ଆଇନ ବ୍ୟବସାୟ, ରାଜନୀତି ଓ ସାମ୍ବାଦିକତା ପ୍ରତ୍ୟେକ କ୍ଷେତ୍ରରେ ସେ ନିଜର ସ୍ବତନ୍ତ୍ର ପରିଚୟ ଛାଡି ଯାଇଛନ୍ତି। ମଧୁସୁଦନ ଙ୍କ ସମଗ୍ର ଜୀବନ ଓଡ଼ିଶା ପାଇଁ ଉତ୍ସର୍ଗୀକୃତ। ସ୍ବାଭିମାନ ଭାବେ ବଞ୍ଚିବାକୁ ଓଡ଼ିଆମାନଙ୍କୁ ବହୁତ ପ୍ରେରଣା ଦାୟକ ଶିକ୍ଷଣୀୟ ତତ୍ବ ପ୍ରଦାନ କରିଛନ୍ତି।

ତାଙ୍କରି କର୍ମ ମୟ ଜୀବନ ଭିତରେ ସାହିତ୍ୟ ସର୍ଜନା ନିମିତ୍ତ ଓଡ଼ିଆ ଜାତିକୁ ଉଦ୍ ବୋଧନ ଦେବା ଉଦ୍ଦେଶ୍ୟ ରେ ସାତଗୋଟି ଦେଶାତ୍ମବୋଧକ କବିତା ରଚନା କରି କାଳଜୟୀ ସାବ୍ୟସ୍ତ ହୋଇପାରିଛନ୍ତି,ତାହା ତାଙ୍କ ସାରସ୍ବତ ମାନସରେ ଯଥାର୍ଥ ପରିଚୟ ପ୍ରଦାନ କରିଥିଲେ। ଓଡ଼ିଆ ଜଗତରେ ଜଣେ ଶକ୍ତିଶାଳୀ ଓ ଖ୍ୟାତିସମ୍ପନ୍ନ ଆଦର୍ଶ ବ୍ୟକ୍ତିତ୍ବ ରୂପରେ ସମସ୍ତ ଖଣ୍ଡବିଖଣ୍ଡିତ ସମଗ୍ର

ଓଡ଼ିଆ ଭାଷା ରେ ରେଭାଷୀ ଅଞ୍ଚଳର ଏକତ୍ରିକରଣ ତଥା ଉତ୍କଳ ପ୍ରଦେଶ ଗଠନ ନିମନ୍ତେ ନିଜକୁ ସମର୍ପିତ କରିଥିଲେ। (ଏହି କବିତା ଉତ୍କଳ ସମ୍ମିଳନୀର ସଭାରେ ପ୍ରାରମ୍ଭିକ ସଂଗୀତ ରୂପେ ଗାନ କରାଯାଇଥିଲା) ସେ ଜଣେ ପ୍ରତିଷ୍ଠିତ ଓଡ଼ିଆ ଭାଷା ସାହିତ୍ୟର ଉଚ୍ଚକୋଟୀର ସାହିତ୍ୟିକ ଓ କବି ହିସାବରେ ବହୁତ ଉପାଦେୟ ରଚନା କରିଥିଲେ। ଓଡ଼ିଆ ସହିତ ଇଂରାଜୀ ଓ ବଙ୍ଗଳାରେ ରେ ବହୁତ ପ୍ରଭାବଶାଳୀ ସୁବକ୍ତା ଥିଲେ।

ତାଙ୍କର ଲେଖନୀ ମୁନର ରଚନା ମଧ୍ୟରୁ ----

#ଜାତି ଇତିହାସ

# ଉତ୍କଳ ସନ୍ତାନ

# ଜାତୀୟ ଗୀତିକା

# ଜ୍ଞାନୀର ଉକ୍ତି

# କାହା ମୁଖ ଅନାଇ ବଞ୍ଚିବି

#ଜାତୀୟ ଜୀବନ

# ମଡେଲ କୋଶ୍ଚିନ୍ସ

#ମଧୁଗୀତି

ଏହି ପକିଂଟି " ଉତ୍କଳ ସନ୍ତାନ"କବିତା ମଧ୍ୟରୁ ଉଦ୍ଧାରିତ ଅଟେ।

ଆମ ସମଗ୍ର ଭାରତ ବର୍ଷରେ ଯେତେ ବେଳେ ଇଂରାଜୀ ମାନଙ୍କ ଅଧିନସ୍ଥ ହୋଇ ଅନ୍ୟାୟ ଅତ୍ୟାଚାର ର ଦାରୁଣ ଯନ୍ତ୍ରଣା ସହିବାକୁ ପଡୁଥିଲା, ସେତେ ବେଳେ ଅନେକ ବୀର ପୁରୁଷମାନେ ବ୍ରିଟିଶ ମାନଙ୍କ ସହିତ ସଂଗ୍ରାମ କରି ନିଜ ଜୀବନକୁ ବଳୀଦାନ ଦେଇସାରିଛନ୍ତି। ବହୁତ ଓଡ଼ିଆ ଜାତିର ସ୍ବାଧୀନତା ସଂଗ୍ରାମୀଙ୍କ ପ୍ରଚେଷ୍ଟା ବଳରେ ଦେଶ ସ୍ବାଧୀନ ହୋଇ ପାରିଥିଲା। ସେହି ବୀର ପୁରୁଷୋତ୍ତମ ମାନଙ୍କ ପ୍ରଚେଷ୍ଟା ଓ ଦୟାବଳେ ଆମେ ଆଜି ସ୍ବାଧିନତା ଭାବେ ବୁଲୁଛେ।

ତାଙ୍କ ଦ୍ବାରା ରଚିତ ଏହି କବିତା ମାଧ୍ୟମରେ ସମସ୍ତ ବୀର, ଅମ୍ଳାନ, ବଳୀୟାନ , ପୂର୍ବପୁରୁଷଙ୍କ ପ୍ରତି ଭକ୍ତିଭାବ ସହ ତାଙ୍କ ସ୍ବଭାବ କୁ ଅନୁସରଣ କରି ଜୀବନ ଶୈଳୀ ରେ ଧାରଣ କରି ନିଜକୁ ଗର୍ବିତ ପରିଚୟ ସୃଷ୍ଟି କରି ନିଜ ଓଡ଼ିଶା ମାଟିର ସମ୍ମାନକୁ ଟେକ ଯଶ ରଖିବା ପାଇଁ ଅମ୍ଲାନ ପ୍ରଚେଷ୍ଟା ବଳରେ ମାଁ ମାଟି ଓ ମାତୃଭୂମି ପ୍ରତି କର୍ତ୍ତବ୍ୟ କର୍ତ୍ତବ୍ୟବୋଧ ଦାୟିତ୍ୱ ପ୍ରୟୋଗ କରି ଉନ୍ନତିକରଣ କରିବା ଉଚିତ୍।ପ୍ରୋତ୍ସାହନମୂଳକ ବାର୍ତ୍ତା ପରିଲକ୍ଷିତ ହେଉଛି। କିଛି ସ୍ଵାର୍ଥପର, ତୋଷାମଦକାରୀ ଓ କୂଟନୀତି , ଚାପଲୁସି,ଲାଞ୍ଚୁଆ,ଠକ୍, ଅଳସୁଆ ସ୍ବଭାବର ବ୍ୟକ୍ତିଙ୍କୁ ସେ ଉଦବୋଧନ ଦେଇ ଜାଗ୍ରତ କରାଉଛନ୍ତି ଓ ସଚେତନ କରାଉଛନ୍ତି ଯେ ନିଜ ବିଷୟରେ ଭାବିବା ତ୍ୟାଗ କରି ଦେଶର, ମାଟିର , ମାତୃଭୂମି, ଦେଶବାସୀ ସମସ୍ତଙ୍କ ପ୍ରତି କିଛି ଗୁରୁ ଦାୟିତ୍ୱ ଓ ରକ୍ଷଣଶୀଳ ସେବାଯତ୍ନ ନେଇ ପରୋପକାର ଓ ଦେଶସେବା ନିମିତ୍ତ ବିଭିନ୍ନ ପଦକ୍ଷେପ ନେଇ ଜନ୍ମଭୂମି, ମାତୃଭୂମି ପ୍ରତି ପ୍ରଯତ୍ନ ହେବାକୁ ପଡ଼ିବ। ଭାଷା, ସାହିତ୍ୟ, ପରମ୍ପରା, ଐତିହ୍ୟ, ସଂସ୍କୃତି ପ୍ରତି ମୁଖ୍ୟ ଆକର୍ଷଣ ର କେନ୍ଦ୍ରବିନ୍ଦୁ ସ୍ଥାପନ କରି ଜାଗ୍ରତ ରହିବାକୁ ହେବ।

ଇତିହାସ ଯୁଗରୁ ଆଧୁନିକ ଯୁଗ ପର୍ଯ୍ୟନ୍ତ ପ୍ରତ୍ୟହ ଓଡ଼ିଶା ଦେଶବାସୀ କେବଳ ଆଶ୍ରିତ ରୂପରେ ଜୀବନ ନିର୍ବାହ କରୁଛନ୍ତି। ଓଡ଼ିଆ ହୋଇ,ନିଜ ଅସ୍ତିତ୍ବ କୁ ଲୋପମୟ କରୁଛନ୍ତି।

#ଓଡ଼ିଆ ଭାଷା

#ଚାଲିଚଳନ

#ବେଶଭୂଷା

#ଖାଦ୍ୟପେୟ

# ଆଚାର ବ୍ୟବହାର

# ରୋଜଗାର

#ଜୀବନ ଶୈଳୀ

ଇତ୍ୟାଦି ଅନେକ ଆଚରଣକୁ ପାଶ୍ଚାତ୍ୟ ବୈଦେଶିକ ରଙ୍ଗରେ ରଙ୍ଗାୟିତ କରୁଛନ୍ତି।

ନିଜକୁ ଦାଦନ ଖଟିବାକୁ ଅନ୍ୟ ରାଜ୍ୟର ଅଧିନସ୍ଥ ହେଉଛନ୍ତି। ଗୁଜୁରାଟ,ସୁରାଟ,କେରଳ, ତାମିଲନାଡୁ, କର୍ଣ୍ଣାଟକ ତଥା ଅନ୍ୟ ବିଦେଶ ସ୍ଥାନଗୁଡିକୁ ଯାଇ ସେଠିକାର ବସତି ସ୍ଥାପନ କରି ସ୍ଥାୟୀ ବାସିନ୍ଦା ହୋଇ ଯାଇ ଓଡ଼ିଆ ଓ ଓଡ଼ିଶାର ପରିଚୟ କୁ ଧ୍ୱଂସ କରି ଦେଉଛନ୍ତି। ଏହି ମାଟିରେ ଜନ୍ମ ହୋଇ ଅନ୍ୟ ପାଇଁ କାମ କରି,ଅନ୍ୟ ଦେଶରେ ବସବାସ କରି ଅନ୍ୟ ଦେଶକୁ ଆପଣାର କରିବାର ମୂଳ କାରଣ ହେଉଛି ପ୍ରଚୁର ପରିମାଣର ରୋଜଗାର ଓ ଅତ୍ୟଧିକ ଭୋଗ ବିଳାସ ଏଣୁ ଏହି ମାଟିକୁ ତ୍ୟାଗ କରି ଦେଉଛନ୍ତି। କିନ୍ତୁ ଭାବିବାକୁ ପଡିବ ଯେ ନିଜ ଜନ୍ମ କରିବା ମାଁ ବାପା ଓ ଜନ୍ମମାଟିକୁ କିଛି କର୍ତ୍ତବ୍ୟ ଓଗୁରୁ ଦାୟିତ୍ୱ ରୁ ଓହରିଯାଇ ପଛକୁ ଠେଲି ପରିତ୍ୟାଗ କରିବା ଅନୁଚିତ ଅଟେ। ଏହା ବିଶ୍ଵାସ ଘାତକତା ଓ ଘୋର ଅନ୍ୟାୟ ଅଟେ। ନିଜ ପାଇଁ ଚିନ୍ତାକରି ଜନ୍ମସ୍ଥାନ ଓଡ଼ିଶା ଓ ନିଜ ଜନ୍ମକର୍ତ୍ତା ମାନଙ୍କ ପ୍ରତି ହେୟ ମନେ କରି ଅବହେଳା ଉଚିତ ନୁହେଁ।

"ଓଡ଼ିଶା ପାଇଁ ବଞ୍ଚିବା ଓ ଓଡ଼ିଶା ପାଇଁ ଓଡ଼ିଆ ପରିଚୟ ଦେଇ ମରିବା ଶ୍ରେୟସ୍କର"।

ଦାୟିତ୍ୱ କୁ ସ୍ବୀକାର କରି ନିଜକୁ ଗର୍ବିତ ମନେକରି ସ୍ବ ଇଚ୍ଛା ରେ ପ୍ରତ୍ୟେକ କାର୍ଯ୍ୟକୁ ସମ୍ପାଦନ କରିବା।

ଆଜି ସେହି ଆହ୍ୱାନ କୁ ନିଜ ଜୀବନରେ ଧାରଣ କରି ନିଜ ଆଚରଣକୁ ପରିବର୍ତ୍ତନ କରିବା ଓ ମଧୁବାବୁଙ୍କ ଏହି କବିତା ମାଧ୍ୟମରେ କର୍ତ୍ତବ୍ୟବୋଧ ଉପସ୍ଥାପନ କରି ଆମକୁ ପ୍ରେରଣା ଦାୟକ ସୂଚନାକୁ ଆପଣାର କରି ହୃଦୟଙ୍ଗମ ହେବା ହିଁ ପ୍ରକୃତ ଶ୍ରେଷ୍ଠତମ ଶ୍ରଦ୍ଧାଞ୍ଜଳି।

ମଧୁସ୍ମିତା ସାହୁ

ବ୍ରହ୍ମା ନଗର ପ୍ରଥମ ଗଳି

ବ୍ରହ୍ମପୁର

ଜିଲ୍ଲା-ଗଞ୍ଜମ

ଓଡ଼ିଶା

ମୋ---୯୩୪୮୨୮୫୪୧୬

"ତୁ ପରା ବୋଲାଉ ଉତ୍କଳ ସନ୍ତାନ ତେବେ କିମ୍ପା ତୁହି ଭୀରୁ?ତୋହର ଜନନୀ ରୋଦନ କରିଲେ କହିବାକୁ କିମ୍ପା ଡରୁ "

ଉତ୍କଳ ମାତାର ସନ୍ତାନ ଆମେହେ ଗର୍ବିତ ହୋଇ ବଞ୍ଚିବା ,,,