ନିର୍ବାଚନ ଆସିବ ଯିବ..

ନେତା ଆସିବେ ଯିବେ...

ହେଲେ ଆପଣଙ୍କ ଏ ପୁଅ ଆପଣଙ୍କ ଓଳି ତଳେ ସେମିତି ପଡ଼ିଥିବ..

ସେଦିନ ଥିଲା ଧାମନଗର ଉପନିର୍ବାଚନ ଶେଷ ପ୍ରଚାରର ସଂନ୍ଧ୍ୟା । ଧୁଷୁରୀ ବାସନ୍ତିପଡିଆ ଜନସମୁଦ୍ରରେ ପରିଣତ ହୋଇଥିଲା । ସଭାମଞ୍ଚ ରୁ ସମସ୍ତ ଆଗନ୍ତୁକ ବରେଣ୍ୟ ତାଙ୍କ ଅଭିଭାଷଣ ଦେଇସାରିଥାଆନ୍ତି । ହଠାତ୍ କରତାଳି ଧ୍ୱନିରେ ପ୍ରକମ୍ପିତ ହୋଇ ଉଠିଲା ସଭାକ୍ଷେତ୍ର ।ସଭାମଞ୍ଚରେ ଦଣ୍ଡାୟମାନ ଏକ ସତେଇଶି (27) ବର୍ଷର ଯୁବକ।

ଆଖି ଛଳଛଳ ମୁଖମଣ୍ଡଳ କ୍ଳାନ୍ତ ବାପାଙ୍କୁ ହରାଇଥିବା ର ଦୁଃଖ ଛାତିରେ ଅସରନ୍ତି କୋହକୁ ଚାପି ରଖି ସମ୍ବୋଧିତ କଲେ...

ହେ ମୋର ପରିବାରର ସମସ୍ତ ମାଆ, ବାପା, ଭାଇ ଓ ଭଉଣୀ ମାନେ (ଧାମନଗର ବାସୀ).....!

ସମୂଦ୍ର ରୁ ଯେମିତି ଢେଉ ର ସ୍ଵର ଅପସରି ଗଲା ପରି ଅନୁଭବ ହେଉଥିଲା ସଭା କ୍ଷେତ୍ରର ପରିସର। ସମସ୍ତେ ଶାନ୍ତ ନୀରବ! ବୋଧହୁଏ ଦିବଂଗତ ନେତା ମାଟିର ମଣିଷ ଶ୍ରୀଯୁକ୍ତ ବିଷ୍ଣୁ ଚରଣ ସେଠୀଙ୍କୁ ଜନସମୁଦ୍ରର ଏ ନୀରବତା ଶ୍ରଦ୍ଧାଞ୍ଜଳି ଦେଇଥିଲା।

ଶ୍ରୀ ସୁରଜ ଦୀର୍ଘନିଶ୍ୱାସ ନେଇ ତାଙ୍କ ଅଭିଭାଷଣ ଆରମ୍ଭ କରନ୍ତି। ସେ କୁହନ୍ତି ମୁଁ ଦ୍ୱନ୍ଦ୍ୱରେ ଥିଲି ନିର୍ବାଚନ ଲଢ଼ିବି କି ନାହିଁ?

ବାପାଙ୍କ ଦ୍ୱାଦଶ କ୍ରିୟା ପରେ ସମସ୍ତ ବନ୍ଧୁ ପରିଜନ ଘର ବାହୁଡ଼ି ଯାଆନ୍ତି ରାତିରେ ମାଙ୍କ ପାଖକୁ ଗଲି ମାଆ ମୋତେ ନିର୍ବାଚନ ଲଢ଼ିବାର ନାହିଁ। ବାପା ବଞ୍ଚିଥିଲାବେଳେ ପରିବାରବାଦ ରାଜନୀତି ବିରୁଦ୍ଧରେ ଥିଲେ । ରାଜନୀତି ରେ ବାପାଙ୍କୁ ସାହାଯ୍ୟ କରିଛି ସତ ହେଲେ ରାଜନେତା ହେବି ବୋଲି ଭାବି ନଥିଲି।

ମାଆ କହିଲେ - ଭାଙ୍ଗିପଡ଼ନା ରେ ବାପୁ ମନକଷ୍ଟ କରନା, ତୋ ମୁଣ୍ଡ ଉପରୁ ସିନା ବାପାଙ୍କ ହାତର ଛାତ ହଟି ଯାଇଛି, ହେଲେ ଏବେ ତୋତେ ବାପା ଛାଡି ଚାଲି ଯାଇଥିବା ବିଶାଳ ପରିବାର ସଦସ୍ୟ ସଦସ୍ୟାମାନଙ୍କ ମୁଣ୍ଡ ପାଇଁ ଛାତ ହେବାକୁ ହେବ।

ତୁ ଯା ଧାମନଗରବାସୀଙ୍କ ପାଖକୁ....

କେତେ ମାଆମାନେ ତୋ ବହିଯାଉଥିବା ଅଶ୍ରୁ ପୋଛିବା ପାଇଁ କାନିପତେଇ ଦେବେ, କେତେ ବାପାମାନେ ତତେ ଛାତିରେ ଲଗେଇ ଗେଲ କରିଦେବେ, କେତେ ଭାଇ ଓ ଭଉଣୀମାନେ ଅଜସ୍ର ସ୍ନେହ ଦେଇ କୋଳେଇନେବେ । ତୁ ଯାହା ବାପୁ ତୁ ଯା... ତାଙ୍କ ନୀରବି ଥିବା ସ୍ବରକୁ ଶାଣିତ କରିବାକୁ ହେବ, ତାଙ୍କୁ ସୁରକ୍ଷିତ ରଖିବାପାଇଁ ଅହନିଶି ଜାଗ୍ରତ ପ୍ରହରୀ ସାଜିବାକୁ ହେବ, ତାଙ୍କ ଅସୁବିଧା ସମୟରେ କଂକ୍ରିଟ ଖୁଣ୍ଟ ପରି ଛିଡ଼ା ହେବାକୁ ହେବ । ଏହି କେଇପଦ କଥାରେ ସଭାରେ ରୁଣ୍ଡିଭୁତ ଜନତା ଙ୍କୁ ସ୍ତମ୍ଭୀଭୂତ କରିଥିଲା।

ଧୁଷୁରୀ ବଜାରରୁ ହାଟ ସାରି ଫେରି ଯାଉଥିବା ବ୍ୟକ୍ତି ଅଟକି ଯାଇଥିଲା। ଗୋଟେ ବାପଛେଉଣ୍ଡ ର ସ୍ୱର ଦୋହଲେଇ ଦେଇଥିଲା ପ୍ରତିିଟି ମଣିଷର ମଣିଷପଣିଆ କୁ।

ଦଳୀୟ ଠାରୁ ଆରମ୍ଭ କରି ବିରୋଧୀ ସମସ୍ତେ ବାପ ଛେଉଣ୍ଡ ର ମୁଣ୍ଡରେ ହାତ ରଖିଥିଲେ।

ଶେଷରେ ଶ୍ରୀ ସୁରଜ ସୂର୍ଯ୍ୟବଂଶୀ ସ୍ଥିତପ୍ରଜ୍ଞ ବିଧାୟକ ଭାବେ ନିର୍ବାଚିତ ହେଲେ କେବଳ ଭଦ୍ରକ ଧାମନଗର ନୁହେଁ ସାରା ଓଡ଼ିଶାରୁ ଅଭିନନ୍ଦନର ଅଜସ୍ର ବାର୍ତ୍ତା ଛୁଟି ଆସିଥିଲା।

ସେବେଠୁ ସେ ସାଜିଥିଲେ ଜନପ୍ରିୟ ନେତା.... ।

ବିତିଯାଇଛି ଦେଢ଼ ବର୍ଷ....

ସେ କୁହନ୍ତି ଦେଢ଼ ବର୍ଷ ଭିତରେ ଯେତିକି ମୋର ସାମର୍ଥ୍ୟ ଥିଲା ମୁଁ କରିଛି, ପ୍ରତିଟି ଲୋକର ସୁବିଧା ଅସୁବିଧାରେ ମୁଁ ଛିଡା ହୋଇଛି, ବିଧାନସଭାରେ ହେଉ କି ବାହାରେ ହେଉ ଧାମନଗରର ସ୍ୱରକୁ ଶାଣିତ କରି ବିରୋଧୀଙ୍କୁ ଘେରିଛି ଅନେକ ସମସ୍ୟା ର ସମାଧାନ କରିଛି ଆଉ କିଛି ବାକି ଅଛି।

ଶ୍ରୀ ସୂରଜ କୁହନ୍ତି ଜଣେ ଗ୍ରାମୀଣ ଲୋକ ଯଦି ବାହାରକୁ ଯାଉଛି ଇନ୍ଫୋସିଟି ଯାଉ ଇଟା ଭାଟି କୁ ନ ଯାଉ।

ତାଙ୍କର ନମ୍ର ବ୍ୟବହାର ଭଦ୍ର ପଣିଆ ଆଚାରନିଷ୍ଠ ସ୍ଵଭାବ ରେ ବିରୋଧି ବି ତାଙ୍କ ପିଠି ଥାପୁଡେଇ ଦିଅନ୍ତି।

ଆଗାମୀ ସାଧାରଣ ନିର୍ବାଚନରେ ସେ ପାର୍ଥି ଏଥର ଧାମନଗର ବାସୀ ଶ୍ରୀ ସୂରଜଙ୍କ ମୁଣ୍ଡରେ ସୁନାର କଳସ ଓଜାଡିବେ କି ନାହିଁ ତାହା ସମୟ କହିବ।

ଶ୍ରୀ ସୂରଜ ଙ୍କ ସମ୍ଵନ୍ଧରେ ସଂକ୍ଷେପରେ....

ନାମ - ସୂର୍ଯ୍ୟବଂଶୀ ସୂରଜ ସ୍ଥିତପ୍ରଜ୍ଞ

ପିତା - ସ୍ଵର୍ଗତ ବିଷ୍ଣୁ ଚରଣ ସେଠୀ

ମାତା - ଉର୍ମିଳାରାଣୀ ପାଣିଗ୍ରାହୀ

ଜନ୍ମ - 18-May-1995

ଶିକ୍ଷାଗତ ଯୋଗ୍ୟତା ଓ ବୃତ୍ତି

ECE ରେ ସ୍ନାତକ (B-tech)

ପୁର୍ବରୁ ସଫ୍ଟୱେୟାର ଇଞ୍ଜିନିୟର

ଏବେ ବିଧାୟକ, ଧାମନଗର

ଲେଖକ - ଇଂ ସଂଗ୍ରାମ କେଶରୀ ମିଶ୍ର

ନରସିଂହପୁର, ଧୁଷୁରୀ, ଭଦ୍ରକ

ଯୋଗାଯୋଗ-8984136323

ଉଦୟମାନ ସୁରଜ

ଧାମନଗରର ସୂରଜ.. (ସୂର୍ଯ୍ୟବଂଶୀ ସୂରଜ) #surjyabanshi Suraj