ଭଡାଘର
🌹🌹🌹🌹
ସମାଜ ସହିତ ଆଗକୁ ବଢ଼ିବା
ପାଠଶାଠ ପଢି ଯିବା,
ପାଠ ପଢା ପରେ ତଦନୁଯାୟୀ
କର୍ମକ୍ଷେତ୍ରକୁ ଖୋଜିବା।
ଏପାଇଁ ସମସ୍ତ ଭିଟାମାଟି ଛାଡ଼ି
କର୍ମକ୍ଷେତ୍ରେ ଯିବା ଚାଲି ,
ମୁଣ୍ଡ ଗୁଞ୍ଜିବାକୁ ଭଡ଼ାଘରଟିଏ
ଖୋଜିଥାଉ ବୁଲିବୁଲି ।
ଘର ମାଲିକଙ୍କ ନିୟମ କାନୁନ
ସବୁ ମାନି ନେଇ ଥାଉ ,
ଭଡା ବାବଦକୁ ଧନ ରାଶି କିଛି
ଆମେ ତାଙ୍କୁ ଦେଇଥାଉ ।
ଯାହା କର ସବୁ ନୀତିନିୟମକୁ
ମାନି ଚଳିବାକୁ ହେବ ,
ଭଡା ଘରକୁ ନିଜର ଭାବ ନାହିଁ
ଦିନେ ଛାଡ଼ିବାକୁ ହେବ।
ଏ ଜୀବନ ପାଇଁ ଏହି ସଂସାର ଟା
ଅଟେ ପରା ଭଡ଼ାଘର,
କିଛିଦିନ ପାଇଁ ଆସିଛୁ ଏଠିକି
କର୍ମ ସାରି ଭାଇ ଫେର ।
ଶରୀର ମଧ୍ୟରେ ଆତ୍ମାଟି ଆମର
ଅଂଶ ପରମାତ୍ମାଙ୍କର ,
ତାଙ୍କରି ନିର୍ଦ୍ଦେଶେ ଧର୍ମ କର୍ମମାନ
କରିବାକୁ ତତପର ।
ଉଚିତ କରମ କରି ଚାଲିଥିଲେ
ମୁକତି ଲଭିବୁ ତୁହି,
ସୁକର୍ମରୁ ବିଚ୍ୟୁତି ଘଟିଲେ ତୋର
ଦଣ୍ଡ ଲେଖିଦେବ ବିହି ।
ଜନ୍ମ ଜନ୍ମ ଧରି ଭିନ୍ନ ଯୋନି ନେଇ
ସଂସାରକୁ ତ ଆସିବୁ ,
ଭଡ଼ାଟିଆ ପରି ନିୟମ କାନୁନ
ମାନି କରି ଚାଲିଥିବୁ ।
ଏଜନ୍ମ ର ମନ୍ଦ କର୍ମ ଫଳ ମାନ
ଆର ଜନମେ ଭୋଗିବୁ ,
ସବୁର ହିସାବ ନସରିବା ଯାଏ
ଏହି ମତେ ଆସୁଥିବୁ।
କିଛିବି ବିଚ୍ୟୁତି ନକରି ବାବୁରେ
ସଂସାର ନିୟମ ମାନି,
ଈଶ୍ୱର ନାମ ଗୁଣ କୀର୍ତ୍ତନ କରି
ତରି ଯାଇଥାନ୍ତି ଜ୍ଞାନୀ।

ଲିଳା ମୟୀ ଦାଶ
କେନ୍ଦ୍ରାପଡ଼ା

vadaghara

ଭଡାଘର