ଜଣେ ଲୋକ ତା ଜୀବନରେ ବହୁତ ଦୁଃଖଦ ସମୟ ଦେଇ ଗତି କରୁଥିଲା, ଏହି ସମୟରେ ତାର ଜଣେ ବନ୍ଧୁ ତାକୁ ଉପଦେଶ ଦେଲେ "ତୁମେ ଭଗବାନ ଶ୍ରୀକୃଷ୍ଣ ଙ୍କ ପୂଜା ଆରାଧନା କର ମନ ଓ ଆତ୍ମାରେ ଆନନ୍ଦ ର ଅନୁଭବ କରିବ ।

ସେହି ଦିନ ଠାରୁ ଲୋକ ଟି କୃଷ୍ଣ ଙ୍କର ଗୋଟିଏ ମୂର୍ତ୍ତି ଆଣି ସ୍ଥାପନ କରି ପୂଜାର୍ଚ୍ଚନା ଆରମ୍ଭ କରି ଦେଲା । ବହୁତ ଦିନ ବିତିଗଲା କିନ୍ତୁ କୈାଣସି ଲାଭ ହେଲା ନାହିଁ ।

ଏଥର ତାର ଆଉ ଜଣେ ବନ୍ଧୁ କହିଲେ "ତୁ ମା କାଳୀ ଙ୍କ ଆରାଧନା କର ନିଶ୍ଚିତ ଭାବରେ ତୋର ଦୁଃଖ ଦୂର ହେବ । ତା ପରଦିନ ସେ ମା କାଳୀ ଙ୍କ ଏକ ପ୍ରତିମା ଆଣି ଠାକୁରଘରେ ସ୍ଥାପନ କଲା ଓ କୃଷ୍ଣ ଙ୍କ ମୂର୍ତ୍ତି କୁ ଗୋଟିଏ ଅଲଗା ଥାକ ଉପରେ ରଖିଦେଇ ପୂଜାର୍ଚ୍ଚନା ଆରମ୍ଭ କରିଦେଲା ।

କିଛି ଦିନ ପରେ ତା ମନରେ ଗୋଟିଏ ପ୍ରଶ୍ନ ଆସିଲା ଯେ ଯେଉଁ ଧୂପବତୀ , ଅଗରବତୀ ମୁଁ କାଳୀ ମା ଙ୍କ ଉଦ୍ଦେଶ୍ୟରେ ଜଳାଉଛି ତାହାକୁ ତ ଥାକ ଉପରେ ଥିବା କୃଷ୍ଣ ଭଗବାନ ବି ସୁଙ୍ଘୁଥିବେ !!

ଏହା ଭାବି ସେ ଥାକ ଉପରେ ଥିବା କୃଷ୍ଣ ମୂର୍ତ୍ତି ଙ୍କ ଶ୍ରୀମୁଖ ରେ କନାପଟି ବାନ୍ଧିବାରେ ଲାଗିଲା, ହଠାତ୍ ସେହି ସମୟରେ ଗୋଟିଏ ଅଦୃଶ୍ୟ ହାତ ଲୋକ ଟିର ହାତ କୁ ଧରି ପକାଇଲା , ଘର ଆଲୋକିତ ହୋଇ ଉଠିଲା , ଲୋକ ଟି ଦେଖିଲା ସ୍ଵୟଂ ଭଗବାନ ଶ୍ରୀକୃଷ୍ଣ ତା ଆଗରେ ଦଣ୍ଡାୟମାନ ।

ସେ ହାତ ଯୋଡ଼ି ଭଗବାନ ଙ୍କୁ ପଚାରିଲା "ଏତେ ବର୍ଷ ଧରି ମୁଁ ଆପଣଙ୍କ ପୂଜା କରି ଆସୁଥିଲି ସେତେବେଳେ ଆପଣ ଆସିଲେ ନାହିଁ ଆଜି କ'ଣ ପାଇଁ ପ୍ରକଟ ହେଲେ ??

ଭଗବାନ ଅଳ୍ପ ହସି କହିଲେ "ଆଜି ପର୍ଯ୍ୟନ୍ତ ତୁ ମୋତେ କେବଳ ଏକ ମୂର୍ତ୍ତି ଭାବି ପୂଜା କରୁଥିଲୁ , କିନ୍ତୁ ଆଜି ତୁ ଏହା ଜାଣି ପାରିଲୁ ଯେ କୃଷ୍ଣ ମୂର୍ତ୍ତି ବି ନିଃଶ୍ୱାସ ନେଉଛନ୍ତି ; ସେଇଥି ପାଇଁ ମୁଁ ପ୍ରକଟ ହୋଇଗଲି ।

ଏଥର ଲୋକଟି ନିଜର ଭୁଲ ବୁଝିପାରିଲା ଓ ତା'ର ଆନନ୍ଦ ର ସୀମା ରହିଲା ନାହିଁ ସେ ଗଦଗଦ୍ ହୋଇ ଭଗବାନ ଙ୍କ ଚରଣ ରେ ଲୋଟି ପଡିଲା ।

ଭାବାର୍ଥ ହେଉଛି ଭଗବାନ ତ ସମଗ୍ର ଜଗତ ର କୋଣେ ଅନୁକୋଣେ ବ୍ୟାପ୍ତ ଅଛନ୍ତି "ବାସୁଦେବ ସର୍ବମିତି" ତାଙ୍କୁ ଅନୁଭବ କରିବା ପାଇଁ କେବଳ ଦୃଢ଼ ବିଶ୍ୱାସ ଓ ଏକନିଷ୍ଠ ଭାବ ଭକ୍ତି ଆବଶ୍ୟକ ।🙏🌹

କୃଷ୍ଣ ଚେତନା 🙏

ପତ୍ରଂପୁଷ୍ପଂଫଳଂତୋୟଂ ଯୋମେ ଭକ୍ତା ପ୍ରଜଚ୍ଛତି

ତଦହଂ ଭକ୍ତ୍ୟୁପର୍ହ୍ୟୁତଂମଶ୍ନାମି ପ୍ରଜତାତ୍ମନଃ ।।

-ଶ୍ରୀମଦ୍ ଭଗବଦ୍ ଗୀତା

🙏🌹ନମୋ ନାରାୟଣ 🌹🙏