ଯେଉଁ କେତେ ଜଣ ଆମ ଭଦ୍ରକ ର ଭୂଇଁ ରେ ରାଜନୀତି କ୍ଷେତ୍ର ରେ ପାଦ ଥାପି କିଛି କାର୍ଯ୍ୟ କରିଛନ୍ତି ପ୍ରାୟ ଅଧିକାଂଶ ରାଜନେତା ମୋର ପସନ୍ଦ। ତମଧ୍ୟରୁ ଭିନ୍ନ ଭିନ୍ନ ବ୍ୟକ୍ତିଙ୍କ ର ଭିନ୍ନ ଭିନ୍ନ ଗୁଣ ଆକର୍ଷିତ କରେ ଆଉ କିଛି ଗୁଣ କାହାର ପସନ୍ଦ ବି ଆସେ ନାହିଁ । ସେମାନଙ୍କ ମଧ୍ୟରୁ ଆଜି ଯାହା ବିଷୟରେ ଲେଖିବାକୁ ଯାଉଛି ସେ ହେଲେ ଭଦ୍ରକ ର ଧାମନଗର ନିର୍ବାଚନ ମଣ୍ଡଳୀର ପୂର୍ବତନ ବିଧାୟକ ତଥା ରାଜ୍ୟ ବିଜେପି ତଥା ଓଡ଼ିଶା ଭାରତୀୟ ଜନତା ପାର୍ଟି ର ପୂର୍ବତନ ସଭାପତି ସ୍ବର୍ଗତ ବିଷ୍ଣୁ ଚରଣ ସେଠୀ ଙ୍କ ବିଷୟରେ।

୧୯୬୧ ମସିହା ଜୁନ ୫ ତାରିଖରେ ଭଦ୍ରକ ର ତିହିଡ଼ି ଗ୍ରାମ ରେ ଜନ୍ମ ଗ୍ରହଣ କରିଥିଲେ । ତାଙ୍କ ବାପା ଥିଲେ ଗୟାଧର ସେଠୀ ଓ ପିଲା ବେଳୁ ସେ ମାତୃହିନ ଥିଲେ। ତିହିଡ଼ି ସ୍କୁଲ ରେ ପଢୁଥିବା ସମୟରୁ ହିଁ ସେ ରାଷ୍ଟ୍ରୀୟ ସ୍ଵୟଂ ସେବକ ସଂଘ ର ଚିନ୍ତାଧାରା ରେ ଅନୁପ୍ରାଣିତ ହୋଇଥିଲେ।

ପରବର୍ତ୍ତୀ ସମୟରେ ଓଡ଼ିଶାର ଉତ୍କଳ ବିଶ୍ୱବିଦ୍ୟାଳୟ ନିଜର ଇତିହାସ ଓ ପାଠାଗାର ବିଜ୍ଞାନ ରେ ସ୍ନାତକ କରି JNU ରେ ନିଜର ସ୍ନାତକତ୍ତୋର ହାସଲ କରିଛନ୍ତି। ଓଡ଼ିଶା ପ୍ରଶାସନିକ ସେବା ପରୀକ୍ଷା ରେ ଦୁଇ ଦୁଇ ଥର ଉତ୍ତୀର୍ଣ୍ଣ ହୋଇ ଛନ୍ତି । ସେ ତିହିଡ଼ି ରେ ଥିବା MA ଇଂରାଜୀ ମାଧ୍ୟମ ସ୍କୁଲ ର founder ସେକ୍ରେଟାରୀ ଥିଲେ।

ସେ ପ୍ରାରମ୍ଭିକ ସମୟରୁ ହିଁ ଭାରତୀୟ ଜନତା ପାର୍ଟି ର ବିଚାରଧାରା ରେ ପ୍ରଭାବିତ ଥିଲେ। ତେଣୁ ଯୁବ ଅବସ୍ଥା ରେ BJYM ଭାରତୀୟ ଜନତା ଯୁବ ମୋର୍ଚ୍ଚା ରେ ଯୋଗ ଦେଇଥିଲେ। ଯଦି ଭଦ୍ରକ ଜିଲ୍ଲା ରେ ବିଜେପି କିଛି ମାତ୍ରା ରେ ନିଜର ସ୍ଥିତି ଜାହିର କରି ପାରିଛି ତାହା ତାଙ୍କ ଯୋଗୁଁ ସମ୍ଭବ ହୋଇ ପାରିଛି। ସେ ତିନି ତିନି ଥର ଭାରତୀୟ ଜନତା ପାର୍ଟିର ଭଦ୍ରକ ଜିଲ୍ଲା ସଭାପତି ଦାୟିତ୍ଵ ଗ୍ରହଣ କରିଥିଲେ।

ସେ ୨୦୦୦ ରୁ ୨୦୦୪ ଯାଏଁ ଚାନ୍ଦବାଲି ନିର୍ବାଚନ ମଣ୍ଡଳୀରୁ ଜୟଯୁକ୍ତ ହୋଇଥିଲେ। ସେ ଲୋକ ମାନଙ୍କ ର ଜନପ୍ରିୟ ମଧ୍ୟ ହୋଇ ପାରିଥିଲେ। ହେଲେ ବିଜେପି ବିଜେଡି ମେଣ୍ଟ ରୁ ସେ ପ୍ରାର୍ଥୀ ହୋଇଥିଲେ ମଧ୍ୟ ୨୦୦୪ ରେ ଜୟଯୁକ୍ତ ହୋଇ ପାରି ନ ଥିଲେ। ତାପରେ ସେ ଉଭୟ ୨୦୦୯ ଓ ୨୦୧୪ ରେ ସେ ଧାମନଗର ନିର୍ବାଚନ ମଣ୍ଡଳୀରୁ ପ୍ରାର୍ଥୀ ହୋଇଥିଲେ ମଧ୍ୟ ଜୟଯୁକ୍ତ ହୋଇ ପାରି ନ ଥିଲେ। ତାପରେ ୨୦୧୬ ରେ ବିଜେପି ର ରାଜ୍ୟ ଉପସଭାପତି ଭାବେ ତାଙ୍କୁ ଘୋଷଣା କରାଯାଇଥିଲା। ସେ ନିଜର ଦୃଢ଼ ମନୋବଳ ଓ ପ୍ରଚେଷ୍ଟା ବଳରେ ୨୦୧୯ ମସିହାରେ ଧାମନଗର ନିର୍ବାଚନ ମଣ୍ଡଳୀରୁ ନିର୍ବାଚିତ ହୋଇଥିଲେ ଜନ ପ୍ରତିନିଧି ଭାବରେ। ଧାମନଗର ନିର୍ବାଚନ ମଣ୍ଡଳୀ ର ଅନେକ ଉନ୍ନୟନ ମୂଳକ କାର୍ଯ୍ୟ ରେ ସେ ଯୋଗଦାନ କରିଛନ୍ତି।

ହେଲେ ନିଜର କାର୍ଯ୍ୟକାଳ ପୁରା ହେବା ପୂର୍ବରୁ ୧୯ ସେପ୍ଟେମ୍ବର ୨୦୨୨ ରେ ସେ କିଡନୀ ଜନିତ ରୋଗ ରେ ପୀଡ଼ିତ ହୋଇ ମୃତ୍ୟୁ ବରଣ କରିଥିଲେ। ଯାହା ତାଙ୍କ ପରିବାର ବର୍ଗ ସହ ତାଙ୍କର ଅନେକ ସମର୍ଥକ ଙ୍କ ସହ ଅନେକ ସାଧାରଣ ଜନତା ଙ୍କୁ ବି ବ୍ୟଥିତ କରିଥିଲା। ପରବର୍ତ୍ତୀ ସମୟରେ ସେହି ସ୍ଥାନ ରେ ତାଙ୍କର ପୁଅ ସୂର୍ଯ୍ୟବଂଶୀ ସୁରଜ ଉପନିର୍ବାଚନ ରେ ଜୟଯୁକ୍ତ ହେଲେ।

ଯଦି ବିଷ୍ଣୁ ଚରଣ ସେଠୀ ଙ୍କ ର ଗୁଣ ମୋତେ ସବୁଠୁ ଭଲ ଲାଗେ ତାହା ହେଉଛି ତାଙ୍କ ସାହିତ୍ୟ ରୁଚି। ସେ ଜଣେ ଉଚ୍ଚକୋଟୀର ସାହିତ୍ୟ ସାଧକ । ତାଙ୍କର ସମ୍ପାଦିତ "ଘାସ ଫୁଲ" ପତ୍ରିକା ଓଡ଼ିଶା ର ସାହିତ୍ୟ ରୁଚି ବ୍ୟକ୍ତି ଙ୍କ ପାଖରେ ଖୁବ୍ ଆଦୃତ। ସେ ଓଡ଼ିଆ ସାପ୍ତାହିକ ବିଶେଷ ଖବର ର ମଧ୍ୟ ସହ ସମ୍ପାଦକ ଥିଲେ। ତାଙ୍କର ଗଦ୍ୟ ସଙ୍କଳନ "ଶିରୋନାମା ସିରୋଧାର୍ଯ୍ୟ' ବି ବେଶ ଆଦୃତ। "ନିର୍ମୟ ଆକାଶ ତଳେ" ଓ "ନିରୀହ ମାଟିର ସ୍ୱର" ଆଦି କବିତା ବି ଲୋକ ପ୍ରୀୟତା ହାସଲ କରି ପାରିଛି।

ତାଙ୍କ ସହ ଦୁଇ ତିନି ଥର ଦେଖା ରେ ତାଙ୍କର ଶାନ୍ତ ଓ ଧିର ସ୍ବଭାବ ବହୁତ ଆକୃଷ୍ଟ କରେ। ତାଙ୍କର କଥା କହିବାର ଶୈଳୀ ବି ତାଙ୍କର ଏକ ପୋଜିଟିଭ ପାର୍ଶ୍ଵ ଯାହା ତାଙ୍କୁ ଭିଡ଼ ରୁ ଅଲଗା କରେ। ପ୍ରଥମ ଥର ପାଇଁ ବିଧାନସଭା ରେ ସେ କାନ୍ତ କବି ଲକ୍ଷ୍ମୀକାନ୍ତ ମହାପାତ୍ର ଙ୍କ ରଚିତ ବନ୍ଦେ ଉତ୍କଳ ଜନନୀ କୁ ରାଜ୍ୟ ସଙ୍ଗୀତ ର ମାନ୍ୟତା ଦେବାକୁ ଯୁକ୍ତି ରଖିଥିଲେ।

ସେ ଖାଲି ଭଦ୍ରକ ନୁହେଁ ଓଡ଼ିଶା ରାଜନୀତି ର ଜଣେ ସୂର୍ଯ୍ୟ ଥିଲେ ଯିଏ ଆଜି ଅସ୍ତମିତ ହୋଇ ଯାଇଛନ୍ତି। ତାଙ୍କ ଭଳି ରାଜନେତା ମାନେ ନିହାତି ଆବଶ୍ୟକ ଆମ ସମାଜ ପାଇଁ।

ବିଷ୍ଣୁ ସେଠୀ - ଓଡ଼ିଶା ରାଜନୀତି ର ଜଣେ ଅସ୍ତମିତ ସୁର୍ଯ୍ୟ

ବିଷ୍ଣୁ ସେଠୀ